Huji Ergattu 24:14 - KITAABA WAAQA

¹⁴ Anini waan toko si durati fud'ad'a. Anini Waaqa ababoota teenna Kara worri d'ara jed'uuni gula kad'ad'a. Anini waan Seera Musatiifi kitaaba raagoota keesati t'aafani ch'ufa ind'ugefad'a.

Huji Ergattu 24:14 ပူးပေါင်းရင်းမြစ်များ

1 Odu duri 29:18

Ee AABBO Waaqa ababoota teenna Abrahamutifi Isaaqotifi ka Israeli, herega akana kana qalbi gumi teeti keesa kayi, guyya ch'ufa qalbilbi sii saalfatu worraa kenni.

Faaru 119:46

Anini aka seera kanke hayyuleti himu inch'eerfad'u.

Bahisa 3:15

Ammalle Waaqi waan Musani jed'e, Dubbi tana worra Israeliti himi waan jettuuni, AABBO, Waaqa ababoota teesani, Waaqa Abrahamu, ka Isaaqo, ka Yakobo, ya gara keesani na erge. Haga jiru jireenna maqaani kiyya kana, maquma kanaani d'aloota ch'ufti na yaama.

Amosi 8:14

ammalle nami waaqoota d'ara ta harkaani mid'aasani ta Samariatini kakhate, ka maqa waaqa Danitiini yokhaani maqa waaqa Beershebatiini kakhatu, imbada, inni deebie inkau.

Mika 4:2

iti yaate waan jettu, Koota, gaara AABBO Waaqaa olkorre Mana Waaqa Yakobo d'anna, aka inni kara ufii nu barsiise, nu daandi isaa gula yaanu. Wonti akanatiifi dubbini AABBO Waaqaa Yerusalemu keesaa baati, seeri isaaleeni Sioni iraa d'ufa.

Matayo 10:32

Nama nama durati na d'ugeesu ch'ufa anileeni Abba gubba durati d'ugeesa.

Matayo 22:40

Seera Musatiifi barsiisani raaga ch'ufti seera kana lamaani ch'allaani guutamti.

Matayo 7:12

Akuma aka nami waan dansa isani tolchu feetani, akasuma namale tolcha; tunini dubbi Seeratiifi ta raaga.

Luqaas 1:70

Wonti inni haguma duriiti afaani raagoota isaa qulqullotiini jed'e tana:

Luqaas 16:16

Seera Musatiifi t'aafiini raagoota haga Yohana nama batisu ch'alla jabeenna qabdi; duuba achii asi Odu Dansa ta Finna Waaqa odeesani, nami ch'ufti finna suni irreeni seenu jira.

Luqaas 16:29

Ammo Abrahamuuni waan jed'eeni, Worri Musafi raagoota qaba, ha dubbi worraa d'agayaniti.

Luqaas 24:27

Haga Musafi raagi ch'ufati iti keyate, waan isaa ka t'aafi keesati t'aafani ch'ufa worraa diige.

Luqaas 24:44

Duuba inni waan worraani jed'e, Tunini dubbi tiyya ta anini isaniini jed'e, ato isani woliini jiru; wonti ti kiyya ta kitaaba Seera Musatifi ka raagootatiifi ka Faaru keesati t'aafani ch'ufti guutamu malte.

Yohana 1:45

Filiponi Nathanieli arge waan jed'eeni, Nu namicha Musani waan isaa kitaaba Seera keesati t'aafe, ka ammalle raagootileeni kitaaba ufi keesati t'aafte ya agarre. Yeso ilma Yusufu nama Nazareti.

Huji Ergattu 10:43

Raagi ch'ufti isa d'ugeesa, aka maro maqa isatiifi nami isa d'ugefatu ch'ufti araarama argatu.

Huji Ergattu 13:15

Eegi dubbi Seeratiifi ta raaga soomani, jaaroleeni Mana Waaqaa kaani nama worrati ergite waan jetteeni, Oboleyaani, yo nama gorsu feetani, dubbad'a.

Huji Ergattu 15:5

Ammo Farisayooni gari ta d'ugefatte, kaate, Worri ha qabanqaba qabate Seera Musa guutu jette.

Huji Ergattu 19:23

Eegi waan kana gaargali guddaani, maro Kara Aabbootiifi, lafati bue.

Huji Ergattu 19:9

Ammo nami gari mata jabaate d'ugefachu dide, gumi durati hameenna kara Aabbo dubbate. Tanaafi Pauloni worra biraa deeme, jara Yeso guure guyya ch'ufa mana Tirano keesati barsiise.

Huji Ergattu 22:14

Inni waan naani jed'e, Waaqi ababoota teenna ya si fohate, aka atini fed'i isaa baratte Nama d'uga suni argite qonqo afaani isaa iraa d'ageetu.

Huji Ergattu 24:22

Jennaani Felikini, ka waan kara kana aka dansa beekhu, kora baase dubbi teesani inilaala yo guddaani askarti ch'ufa ka Lisia jed'ani d'ufe jed'e.

Huji Ergattu 24:5

Nu nama kana ka nama gaargalchu argine; inni fulla deemu ch'ufati Yahudi yaka; inni gudda worra Nazarayoti.

Huji Ergattu 25:8

Pauloni ufii dubbate waan jed'e, Anini Seera tokole iyakine aada Yahuditiifi Mana Waaqatiifi hayyu Kaisari duraleti.

Huji Ergattu 26:22

Qarqaarsa Waaqa argannaani anini arra nama diqaafi gudda duraleti d'ugeesu jira, waan raagafi Musani, Intaati jed'ani male, anini waan d'ibi ind'ugeesu:

Huji Ergattu 26:27

Hayyu Agripa, atini ya raaga d'ugefatteyu? Anini imbeekha, aka atini d'ugefatte.

Huji Ergattu 26:4

Aada tiyya, haga kaimooma kiyya, ka qara anini jiddu gosa tiyya keesa Yerusalemu tae, Yahudiini ch'ufti imbeeti.

Huji Ergattu 26:6

Anini amma arma eje aka dubbi tiyya qorani maro anini kakhu Waaqi ababoota teennati kakhate abdad'uufi

Huji Ergattu 28:22

Ammo waan atini hereddu d'agayu imfeena, waan fulla ch'ufati aada atini gula deemtu tana nami ch'ufti hameenna isii dubbattufi.

Huji Ergattu 28:23

Guyya tolfatani, nami hedduuni fulla Pauloni tau d'ufe. Inni diirama haga galgala achiti worra barsiise waan finna Waaqaa worraa diige, waan Yeso ka kitaaba Seera Musatiifi ka raagoota keesati t'aafani worra agarsiise.

Huji Ergattu 3:13

Waaqa Abrahamutiifi ka Isaaqotiifi ka Yakobotiifi Waaqa aabbooti teennati jabeenna Hojattu isaa Yesoti kenne. Isani harka jara gugurdati isa kennitani Pilato durati isa mormattani, eegi Pilatoni isa lakisu fed'ele.

Huji Ergattu 5:30

Waaqi ababoota teenna, Yeso ka isani ijeeftani mukha irati fanniftani kaase.

Huji Ergattu 7:32

Anini Waaqa ababoota teetiti, Waaqa Abrahamutiifi ka Isaaqoti ka Yakoboti. Jennaani Musani ilaalu sodaate holate.

Huji Ergattu 9:2

tatabe isa iraa fud'ate, ta gara maneeni Waaqa iti kad'atani dira Damaskiti t'aafani, aka yo nama Kara Aabbo gula yau achiti arge, d'iirafi nad'eenile, hid'e Yerusalemu geesu.

Roomaa 1:9

Waaqi anini irre tiyya ch'ufaani hojad'e Odu Dansa Ilma isaa odeeseeti naa d'uga. Waaqi aka anini

Roomaa 3:21

Ammo ammatana d'ugaani Waaqa ya mullatte, Seera ira woma inqabdu. Seerafi raagooti ya d'ugeesani:

1 Korintho 11:19

(Wonti suni tahu malte aka nama qajeela jiru argani.)

Galatia 5:20

falfalumafi waan harkaani boch'ani kad'atani. Nami nyaapa wolti tahe wolhad'e, wolqot'isani, wolti dalanani, ufo tahani, gargari woli qoodani,

2 Timotheo 1:3

Anini Waaqa ka qalbi dansaani, akuma ababooti teenna tolchite hojad'uufi, galata deebisa. Anini galata isaa deebisa hojja halkani guyya kad'acha tiyya keesati si qaabad'u.

Tiitoo 3:10

Nama gargari nama baasu maro lama gorsi, duuba iti deebite maqale ind'aiini.

1 Petro 1:11

Hojja wonti kunini d'uftuufi aka isiini d'uftu barbaadani. Lubbuuni Kristo, ta worra keesa jirtu, hojja tana akheete, gaargala Yesoni argachu maleefi guddinna eegi suni d'ufu himte.

Mudhii Yohaannisii 19:10

Anini miila isiti jige isii guddise, ammo isiini waan naani jette, Lakisi, anini hojattuma aka keetiiti, ammalle aka oboleyaani teeti, worra d'uga Yesoni mullise jabeesu ch'ufa. Waaqa guddisi! Wonti akanatiifi d'uga Yesoni mulliseti raagoota dubbachiisa.