Huji Ergattu 23:14 - KITAABA WAAQA

¹⁴ Gara qaalole gugurdofi jaarole d'aqani waan jed'ani, Nu ya kakhu jabdu kakhanne, aka woma inyaanne haga Paulo ijeemnuti.

Huji Ergattu 23:14 ပူးပေါင်းရင်းမြစ်များ

Isaya 3:9

Fuuli worraleeni aka worri ch'ubbu tolche ingarsiisa; akuma worri Sodoma duri ch'eera d'abe ch'ubbu tolche, worrileeni akasuma tolche. Tunini baddi worrati, ka worri ufiitini d'ufe.

Yeremia 6:15

Worri waan hamtu kana tolche jennaani ya ch'eere? Hiyo, worri diqole inch'eere, fuuli worraa diqole ingolgolomne. Tanaafi akuma nami duri bade, worrileeni bada; gaafa anini worra gaargalche, muummeeni worraa suni. Nami dubbi tana jed'e ana, AABBO Waaqa.

Yeremia 8:12

Gumi tiyya, isani waan waan hamtu kana taatanifi inch'eertani? Hiyo, isani diqole inch'eere, fuuli keesanileeni diqole ingolgolomne! Tanaafi akuma nami duri bade, isanileeni baddani. Gaafa anini isani gaargalchu, muummeeni teesani suni. Nami dubbi tana jed'e ana, AABBO Waaqa.

Hosea 4:9

Akuma biyya d'ibi gaargalchani isanile gaargalchani! Anini isani gaargalche gati ch'ubbu teesanii malte isanii keenna.

Mika 7:3

Worri ch'ufti aka waan hamtu tolchu ya iti ogeesa tahe. Jaaroleefi jaallabi gumbo nama ira fud'ata. Nami gurra qabu waan fed'u worra suniti hime duuba ch'ubbu iti wold'aqani.

Huji Ergattu 23:12

Lafti bariinaani jari Yahudi toko wold'aqe, kakhu jabdu toko wolti kakhatani waan jed'ani, Haga Paulo ijeemnuti nyaane ind'unnu jed'ani.

Huji Ergattu 23:13

Worri kakhate sunini nama afurtama ira jira.

Huji Ergattu 23:20

Inni waan jed'eeni, Yahudiini ya wold'ate ammalle si kad'achu feeti, aka atini bori Paulo gara kora geesitu, aka isiini waan kora keesati dubbi isaa d'agayu feetu ufi tolchitu.

Huji Ergattu 23:21

Ammo dubbi worra inch'aqasiini, nama haga afurtamati isa eegu jira. Worri ch'ufti ya kakhate, aka nyaatani ind'unne haga isa ijeesaniti. Kurfo jirani aka waan suni tolchani, ammo qonqo tante eegachu jirani.