Huji Ergattu 21:40 - KITAABA WAAQA

⁴⁰ Inni ee jennaani, Pauloni afaani balbala eje harkaani biyya ch'allisiise. Worri ch'allimnaani, inni afaani Ebraniatiini worrati dubbate waan jed'eeni:

Huji Ergattu 21:40 ပူးပေါင်းရင်းမြစ်များ

2 Hayyoota 9:13

Maro tokotu waheli Yehu kaani ch'ufti woya ufi faano mana sunini korani ira afaani, Yehuni ira eje, jennaani magalata d'aani lalabani waan jed'ani, Yehuni ya hayyu tahe!

Luqaas 23:38

Dubbi tana isa gararoti t'aafani, Kunini hayyu Yahudi jed'ani.

Yohana 19:13

Pilatoni dubbi tana d'ageennaani Yeso alati gadi baase fulla ch'icha d'akhaa jed'ani ta afaani Ebraniatiini Gabbatha jed'ani barch'uma qorsuma ira tae.

Yohana 19:17

Inni maskali ufi baate deeme, haga fulla Buqe Mata jed'aniti, ta afaani Ebraniatiini Golgotha jed'ani.

Yohana 19:20

Beesisa kana Yahudi hedduti soome, waan fullaani Yeso iti fannisani suni d'aatu dira tatefi. Ammalle afaani Ebraniatiifi ka Rumitiifi ka Grikileeni t'aafani.

Yohana 5:2

Yerusalemu keesa, d'aatu Fullo Ree jed'ani, haro tokoti jira, ta daargula shani qabdu, ta afaani Ebraniatiini Bethzatha jed'ani.

Huji Ergattu 1:19

Nami Yerusalemu jiru ch'ufti waan kana d'agaye, afaani worratiini oobru suni maqa Akeldama iti baasani, akasi jechaani oobru d'iiga jecha.)

Huji Ergattu 12:17

Ammo inni harkaani akheekhe, Ch'allisa jed'eeni; duuba aka Aabbooni hid'aansa keesaa isa baase worrati hime. Ammalle waan worraani jed'e, Beena, waan kana Yakobofi oboleyaani taaniti hima. Inni duuba ufi kae gara d'ibi d'aqe.

Huji Ergattu 13:16

Jennaani Pauloni olkae, harka olfud'ate waan biyyaani jed'e. D'iiro, worra Israelitiifi gosa d'ibile ta Waaqa d'ugefattu, na ch'aqasa!

Huji Ergattu 19:33

Nami gari, Iskandati wo yake jed'e, waan Yahudiini biyya dura isa d'aabdeefi. Jennaani Iskandani harkaani biyya ch'allisiisu fed'e, aka sila worrati dubbatu.

Huji Ergattu 21:35

Afaani balbala geennaani, askartiini maro dalansu gumitiifi Paulo hampaarte.

Huji Ergattu 22:2

Isa afaani Ebrania dubbatu d'ageennaani haga qarale ira ch'allisani. Duuba Pauloni waan jed'e.

Huji Ergattu 26:14

Nuuni ch'ufti lafati jinnaani anini qonqo toko ta afaani Ebraniatiini naani dubbatu d'agaye, ta Saulo, Saulo maafa na gaargalchita? Atini ka aka qotiyo ule nama oofu d'iitu, teete, d'ugaa d'iitu ufuma ufi balleesita naani jettu.

Huji Ergattu 6:1

Eegi suni jari Yeso heddannaani worra afaani Griki dubbatufi ka afaani Ebrania dubbatu wold'abani. Jari afaani Griki dubbatu nad'eeni teenna ta d'iirsowani iraa raawate, qooda sagale ka guyya ch'ufa keesati aka dansa inqorqoratani jed'e himate.

Mudhii Yohaannisii 16:16

Jennaani lubbuuni taani fulla afaani Ebraniatiini Har-Magedoni jed'aniti hayyoota ch'ufa wolti guurte.

Mudhii Yohaannisii 9:11

Hayyu worra mohatu qabani; inni malaika boola qile suni qorqorattu. Maqaani isaa afaani Ebraniatiini Abadoni, afaani Grikitiini Apolioni, akasi jechaani, ka wa balleesu jechu.