Huji Ergattu 21:24 - KITAABA WAAQA

²⁴ Worra fuud'i, worra woliini ufi qulqulleesi, hori aadaa baasi, aka worri mata haadatu. Duuba nami ch'ufti aka wonti waan kanke d'agayani suni woma intahiini inarga, ammo aka atini aada gula deemte Seera Musa guuttu.

Huji Ergattu 21:24 ပူးပေါင်းရင်းမြစ်များ

Aayubu 1:5

Yo jilti suni hobaatu ch'ufa Ayubuni ganama lafaa akae, aka ilmaani isaa ch'ufa qulqulleesu sorio qala. Wonti inni akasi tolchufi, waan ilmaani isaa hegeri garaa keesati Waaqa abaartu fa sehe sodaata.

Aayubu 41:25

Yo inni olkau, nami jajabaaleeni sodaate, lubbuuni d'ufte waan tau wollaala.

Bahisa 19:10

ammalle AABBO Waaqi waan Musani jed'e, Beeni, gara biyya d'aqi waan jettuuni, Arrafi bori ufi qulqulleesa, woya miich'ad'a.

Bahisa 19:14

Duuba Musani gaara ira gadibue waan biyyaani jed'e, Ufi qulqulleesa; duuba biyyiti woya miich'atte.

Henna 6:13

Hojja nami aada Naziri keesa jiru guyyaani inni kakhate dabre, inni aada tana tolchu male. Inni ha fulla balbala Waaro Woyyuma deeme,

Henna 6:18

Fulla balbala Waaro Woyyuma, namichi aada Naziri keesa jiru suni, ha rifeensa haadate ibida sorio wold'ageeti gubbati gubani kaaniti jissuti.

Henna 6:5

Ammalle haga aada Naziri tana keesa jiru, inni mata ch'irate yokhaani inhaadatini. Haga guyyaani inni AABBO Waaqa kakhate isaati ufi kenne, aada suni gula deemu iraa hobauti, inni ha rifeensa isaa ka matatifi ka areeda galakisuti, aka inni d'ed'eeratu.

Henna 6:9

Hojja nami d'aatu isaati due, ka duuba akanaani rifeensi isaa ka aada kaani t'urae, inni guyya torba bule duuba matafi areeda ha haadatuti, duuba ha akanaani ufi qulqulleesuti.

Yohana 11:55

Jilti Yahudi ta Pasaka jed'ani d'iaannaani, nami hedduuni lafa ch'ufaa bahe Yerusalemu d'aqe, ato jilti ingahiini, aka aada gula ufi qulqulleesani.

Yohana 3:25

Jara Yohanatiifi namichi Yahudi toko waan aada qulqullefacha wolmormani.

Huji Ergattu 18:18

Eegi waan kana, Pauloni guyya heddu achi keesa tae, duuba nagaya oboleyaaniti d'aamate, hobolo seene lafa Shamu d'ufe, Prisilafi Akila woliini. Ato indeemini, Kenkrea keesati kakhate mata haadate.

Huji Ergattu 21:26

Jennaani Pauloni jara kaani fuud'e, boriyya worra woliini ufi qulqulleese, aka guyya qulqullefachaani isaa hobaate sorio worra suni ch'ufaafi qalani himu Mana Waaqa seene.

Huji Ergattu 24:18

Anaa waan kana tolchu jiru Mana Waaqa keesati na argani, eegi anini aada qulqullefacha hobaafad'e. Gumiini na woliini injirtu, gohantileeni injirtu.

1 Korintho 9:20

Yo Yahudi woliini jirru aka Yahudi taa, aka worra hirkisu; ato anini Seera Musa gula deemu d'ibaad'ele, yo worri gula yau woliini jirru, aka nama gula deemu ufi tolcha, aka worra hirkisu.

Galatia 2:12

Ato nami Yakoboni erge achiini imbahiini, Petroni gosa d'ibi woliini sagale nyaate. Ammo worri kaani d'umnaani inni gosa d'ibi woliini sagale nyaachu dide, waan inni jara gosa d'ibi qabanqaba qabuufi fed'e kaani sodaateefi.

Jaallaboota 13:5

eegi gurbaani sii d'alate rifeensa mata isaa inhaadini, wonti akanatiifi isa haguma inni d'alate asi eebisani, aada worra Naziri gula Waaqaa kennani. Nami qara worra Israeli harka Filisti keesaa baasu isuma.