Huji Ergattu 2:39 - KITAABA WAAQA

³⁹ Kakhu Waaqa isanifi ilmaani teesani kakhatani, ammalle ta eegi tana d'alattule — worra Aabbo Waaqi keenna ufiiti yaamu ch'ufa.

Huji Ergattu 2:39 ပူးပေါင်းရင်းမြစ်များ

Isaya 44:3

Anini lafa d'eebicha bisaani iti buuse lafa goddule laga yaasa. Anini lubbu tiyya ijoolle teesani ira buuse, d'aloota keesanile eebisa.

Isaya 54:13

Anumati ilmaani tante barsiise nagayafi hormaata kenneefi.

Isaya 57:19

Anini nama fagootifi ka d'iole nagaya isanii kenna jed'e worra fayyisa.

Isaya 59:19

Ila borutiifi ila adule ch'ufa nami isa sodaate, nami ch'ufti maqa isaatiifi jabeenna isaale d'eeta. Inni akuma laga yau, ka qilleensi AABBO Waaqa yaasu, d'ufa.

Isaya 59:20

AABBO Waaqi waan gumi isatini jed'u, Anini Yerusalemu d'ufe, isanii kalche, nama keesani ka daba ira deebie ch'ufa baasa.

Isaya 65:23

Hujiini worraa ch'ufti tolte eebifamti, ijoolleeni worraleeni gaargala inargattu. Ammalle anini worraafi d'aloota worrale haga jiru jireenna eebisa.

Ezekieli 37:25

Worri lafa anini hojattu tiyya Yakobo kenne, ta ababooti worraa keesa teete, keesa tae, worraafi ilmaani worraatifi d'alooti worraa ch'ufti haga jiru jireenna achuma taa. Ammalle hayyu hojattu tiyya Daudi fakaatuti haga jiru jireenna worra mohata.

Yoeli 2:28

Duuba eegee anini lubbu tiyya nama ch'ufa ira buusa: ilmaani teesani ta d'iiratiifi ta uwalealeeni wo fadde, jaaroleeni teesani oobju oobjatte, kaimi keesanileeni daayyani wo arga.

Yoeli 2:32

Duuba nami maqa AABBO Waaqaa yaamatu ch'ufti imbaafama. Akuma AABBO Waaqi jed'e, Gaara Sionitiifi Yerusalemu keesale nami baqate fiigu injira; nami fiige suni worra anini fohad'e.

Huji Ergattu 10:45

Worri Yahudi ka d'ugefate ka Petro woliini d'ufe, waan Waaqi Lubbu ufi Qulqullo gosa d'ibile ira buusefi guddo mame.

Huji Ergattu 14:27

Worri d'ufnaani gumi wolti yaamani, worri waan Waaqi harka worraatiini tolche ch'ufa odeese ammalle aka inni balbala d'ugefacha gosa d'ibile bane odeesani.

Huji Ergattu 15:14

Simonini ya aka Waaqi qara gosa d'ibi herege worra keesaa gumi maqa ufitiini fohatu odeese.

Huji Ergattu 15:3

Duuba gummiini Waaqaa imaltu worra ergite; Foinikefi Samaria keesa dabrani, aka nami gosa d'ibi gara Waaqa deebie odeesani. Oduuni tuni guddo oboleyaani ch'ufa gammachiifte.

Huji Ergattu 15:8

Ammalle Waaqi ka garaa nama beekhu d'ugefacha worra arginaani Lubbu Qulqullo worraa kenne, akuma nuu kenne.

Roomaa 11:29

Waaqi qalbi ufi worra fohate eebise iraa garaingalfatu.

Roomaa 8:30

Tanaafi Waaqi worra duri olkaye kaani yaame; yaamicha ch'allaaniti ammo d'uga heregeefi; d'uga ch'alla inherenneefi ammo guddinna ufile worraa qoode.

Roomaa 9:24

Worri inni yaame nuu, Yahudi ch'alla keesaaniti ammo gosa d'ibile keesaa yaame.

Roomaa 9:4

Worri gumi Waaqi fohate; ilmaani ufi worra tolche, guddinna ufi worra woliini qoodate; wold'aqisa ufi worra woliini tolche Seera kenneefi; kad'acha d'uga qabani; ya kakhu Waaqa argatani;

1 Korintho 7:14

Wonti akasitiifi d'iirsi ind'ugefanne niiti ufitiini qulqullaa, akasuma niiti ind'ugefanneleeni d'iirsa ufitiini qulqulloofti. Yo sila akasi intahiini ijoolleeni worraa aka ta worra Waaqa imbeenne taati; ammo amma ya qulqulloofte.

Efessoon 1:18

Wonti anini kad'ad'u, aka qalbiini teesani banamte ifsa isaa argitani, aka isani abdi inni iti isani yaameefi eeba durooma ta inni gumi isaati kakhate hubattani,

Efessoon 2:12

Gaafasi isani Kristo iraa fago jirtani. Isani nyaapa, gumi Waaqa ta fohatani keesa injirtani. Wold'aqisa Waaqi gumi isati khakhate keesaa inqabdani. Lafa tana keesa abdifi Waaqa male teetani!

Efessoon 4:4

Nafa tokofi Lubbu toko ch'allati jira, akuma abdiini toko, ta Waaqi iti isani yaame.

Qaabacha Seera 29:15

Inni nu ka arra arma fuula isaa dura d'umneefi, ilmaani teenna ta qara ind'alatini wold'aqisa woliini tolfata.

2Tasaloonqe 1:11

Wonti nu hojja ch'ufa Waaqa isanii kad'annuufi tana. Nu Waaqa keenna isanii kad'anna, aka isani jireenna inni iti isani yaame argattani. Jabeenna isaatiini inni yaada dansa ka isani feetani isanii kenne huji teesani dansa ta d'ugefacha guutinna.

2 Timotheo 1:9

Inni nu baase, jireenna qulqullo iti nu yaame, maro nu waan dansa tolchinefiiniti, ammo maro fed'ifi eeba isaati. Inni eeba tana ato lafa inuumiini Kristo Yeso keesa nuu kenne,

Ebrania 3:1

Oboleyaani tiyya ta Kristiana, Waaqi ya isanile yaame! Yeso ka Waaqi erge, aka Qaallu Gudda d'ugefacha teenna tahu, ilaala.

Ebrania 9:15

Maro waan kanatifi Kristoni nama wold'aqisa haraa kurfeesu tahe, aka worri Waaqi yaame eeba hegeri ta Waaqi kakhate argatu. Wonti woni kuni taatuufi, maro duisi jiruufi ka wollaala wold'aqisa qara jalati tolchani, keesaa nama baasu jiruufi.

1 Petro 5:10

Ammo eegi isani bulti diqo toko gaargaltani, Waaqi eeba ch'ufa, ka aka guddinna Kristo woliini qoodattani isani yaame, isani qit'eese, jabeenna isanii kenne, yayaba jaba isanii mid'aasa.

2 Petro 1:10

Tanaafi oboleyaani tiyya, jabaad'a, aka yaamicha Waaqaatiifi fohacha isaa waan guyya ch'ufa tolfattani; wonti akanatiifi yo waan kana tolchitani haga jirtani injiddani.

2 Petro 1:3

Jabeenni isaa jabeenna Waaqaati, ya waan nu argachu male ch'ufa nuu kenne, aka jireenna dansaani teennu, waan nu nama nu yaame guddinnaafi dansooma ufi nu qoode beennuufi.

Mudhii Yohaannisii 17:14

Ilma Hoola inhad'ani ammo Ilme Hoolatiifi jari d'uga ka isii gula yau, ka isiini fohate yaamte worra dabsata, waan isiini guddo abbooti ch'ufatiifi, hayyu hayyoota ch'ufa tatefi.

Mudhii Yohaannisii 19:9

Jennaani malaikaani waan naani jette, Waan kana t'aafi: Ayyaana worra fuud'a Ilme Hoolati yaamani. Malaikaani waan jette, Tunini dubbi d'uga ta Waaqi dubbate.