Huji Ergattu 2:22 - KITAABA WAAQA

²² Dubbi tana d'agaya, worra Israeli! Yeso Nazareti, nama Waaqi fohate, waan mamatiifi huji jabdufi akheekha Waaqi isa keesa tolcheeni isani agarsiise, aka isani beetani, waan wonti kunini jiddu teesani keesa taateefi.

Huji Ergattu 2:22 ပူးပေါင်းရင်းမြစ်များ

Isaya 41:14

AABBO Waaqi waan jed'u, Israeli isani ato diqo muyole taatanile insodaatina; anini isani qarqaara. Nami isani baasu anuma, Waaqa qulqullo Israeli.

Matayo 12:28

Ammo yo anini Lubbu Waaqatiini jinni baase, yo suni Finni Waaqa ya d'iaate.

Matayo 2:23

deeme dira Nazareti jed'aniti qubate, aka wonti duri raagooti jette guutamtu, ta isaani nama Nazarayo jed'ani jettu.

Matayo 9:8

Biyyiti waan kana arginaani sodaate, Waaqa ka jabeenna akana kana namaa kenne guddifte.

Luqaas 11:20

Ammo, yo anini quba Waaqatiini jinni baase, d'uguma Finni Waaqa ya isaniti d'ufe.

Luqaas 18:37

Waan jed'aniini, Yeso Nazaretiti kara kana gula deemu jira.

Luqaas 24:18

Jara keesa namichi toko, ka Kleopa jed'ani, waan jed'eeni, Nami Yerusalemu keesa jiru, ka waan achiti d'io tana tahe ind'agayiini sii ch'alla?

Yohana 1:45

Filiponi Nathanieli arge waan jed'eeni, Nu namicha Musani waan isaa kitaaba Seera keesati t'aafe, ka ammalle raagootileeni kitaaba ufi keesati t'aafte ya agarre. Yeso ilma Yusufu nama Nazareti.

Yohana 10:37

Yo anini huji Abba kiyya intolchine na ind'ugefatiina.

Yohana 11:47

Tanaafi qaalole gugurdofi Farisayooni jaarole kora korte waan jette, Nu maani taana? Namichi kunini akheekha heddu tolcha.

Yohana 12:17

Gumiini ta gaafa inni Lazaro awaala keesaa yaame duisa keesaa kaase isa woliini jirtu taani waan gaafasi agarte ch'ufa odeesite.

Yohana 15:24

Ato sila anini huji nami tokoleeni jiddu worrati intolchiini tolchu d'ibaad'e, daba inqabani; taatule amma worri ya anaafi Abba kiyya arge jibbe.

Yohana 19:19

Pilatoni beesisa t'aafe, maskali isaa gararoti mat'ansani. Yeso Nazareti, hayyu Yahudi jed'ani t'aafani.

Yohana 3:2

Inni Yesoti halkaniini d'ufe waan jed'eeni, Rabbi, nu imbeenna aka atini qaallu gara Waaqati d'ufe; wonti akanatiifi nami tokoleeni akheekha atini tolchitu kana dandae intolchu, yo Waaqi isa woliini jiraate male.

Yohana 4:48

Jennaani Yesoni waan jed'eeni, Yo isani akheekhafi waan mama argitani male, diqole ind'ugefattani.

Yohana 5:36

Anini d'uga ta haga Yohana ira jirtu qaba: hujiini anini tolchu ta Abbaani Tolchi naani jed'e, isiini naa dubbatte, aka Abbaani na erge agarsiifti.

Yohana 6:14

Biyyiti akheekha inni tolche suni arginaani waan jette, Kunini d'uguma raaga ka sila lafati d'ufu male!

Yohana 6:27

Sagale d'umattu inhojatiina, ammo sagale haga jireenna hegeri teetu ta Ilmi Nama isanii kennu hojad'a, wonti akanatiifi Waaqi Abbaani yayu beesisa ufi isa ira keyate.

Yohana 7:31

Ammo gumi keesa nami hedduuni d'ugefate waan jed'e, Yo Kristoni d'ufe, akheekha d'ibi ka nami kuni tolche ira tolcha?

Yohana 9:33

Yo namichi kunini gara Waaqaati imbahiini dandae woma intolchu jed'e.

Huji Ergattu 13:16

Jennaani Pauloni olkae, harka olfud'ate waan biyyaani jed'e. D'iiro, worra Israelitiifi gosa d'ibile ta Waaqa d'ugefattu, na ch'aqasa!

Huji Ergattu 14:27

Worri d'ufnaani gumi wolti yaamani, worri waan Waaqi harka worraatiini tolche ch'ufa odeese ammalle aka inni balbala d'ugefacha gosa d'ibile bane odeesani.

Huji Ergattu 2:19

Anini waan mama gubbati agarsiise, lafa keesaleti akheekha agarsiisa: D'iigafi ibidafi aarati lafati bua.

Huji Ergattu 2:43

Ergattuuni waan mamatiifi akheekha heddu tolchite, tanaafi nami ch'ufti sodaate.

Huji Ergattu 21:28

D'iiro, gosa Israeli, nu qarqaara! Namichi kunini sunuma, ka nama ch'ufa fulla ch'ufati barsiisu, aka gosafi Seerafi Mana Waaqaa kana tuffatani. Ammalle nama gosa Griki Mana Waaqa kanaani d'ufe, fulla qulqullo tana t'ureese.

Huji Ergattu 22:8

Anini, Aabbo, atini eennu kana? jed'eeni. Inni waan naani jed'e, Anini Yeso Nazareti, kauma atini gaargalchuu jirtu.

Huji Ergattu 24:5

Nu nama kana ka nama gaargalchu argine; inni fulla deemu ch'ufati Yahudi yaka; inni gudda worra Nazarayoti.

Huji Ergattu 26:26

Hayyuuni waan kana imbeekha, anini isa durati soda male dubbachu jira. Anini imbeekha, aka wonti kunini tokoleeni isa dura indahanne; waan kana fulla d'ossati intolchine.

Huji Ergattu 26:9

Anini herega kiyya keesa, aka maqa Yeso Nazareti balleesu guddo wolaaneeni.

Huji Ergattu 3:12

Petroni waan kana arginaani waan biyyaani jed'e, Worra Israeli, maafi waan kana mamtani sonaani nu ilaaltani, aka waan nu jabeenna keennaani yokhaani qulqullooma keennaani nama kana fayyimne?

Huji Ergattu 3:6

Petroni waan jed'eeni, Shilingifi worqi sii kennu inqabu, ammo waan qabu sii kenna: maqa Yeso Kristo ka Nazaretitiini kai deemi.

Huji Ergattu 4:10

isaniini ch'ufti beekhu maltani, ammalle gochiti Israeli ch'ufti hubachu malte, namichi kunini jabeenna maqa Yeso Kristo Nazareti, ka isani ijeeftani Waaqi duisa keesaa kaaseeni fayya ufitiini isani dura eja.

Huji Ergattu 5:35

Jennaani waan jaaroleeni jed'e, Isani worra Israeli, waan jara kana tolchitani eegad'a.

Huji Ergattu 6:14

Nu ya d'ageenne aka inni, Yesoni Nazareti mana qulqullo kana balleese aada Musani nuu kenne tana garagalcha jed'u!

2 Korintho 12:12

Waan aka anini ergattu na agarsiisu ch'ufa kara obsatiini jiddu teesani keesati tolchani; akheekhafi huji jabdufi waan mama jiddu teesaniti tolchani.

Ebrania 2:4

Waaqileeni d'uga ufi ta worrati dare, akheekhafi waan mamatiifi waan jabdu heddu tolche. Ammalle Lubbu Qulqullo fed'i ufi gula namaa qoode.