Hosea 8:6 - KITAABA WAAQA

⁶ Kormi kunini ka ogeeyiini Israeli mid'aasite waaqa akami? Laki, waaqaniti! Korma worqi ka Samaria keesati kad'atani gargari ch'ach'absani!

Hosea 8:6 ပူးပေါင်းရင်းမြစ်များ

2 Hayyoota 23:15

Yosiani ammalle fulla waaqa d'ara iti kad'atani, ta hayyu Yeroboamu, ilmi Nabathi, Betheliti jaare akasiini worra Israeli ch'ubbu keesa buuse kaani ch'ach'abse. Yosiani ammalle fulla suni buqise, d'akha jaaranini ch'ach'abse bulleese, tume d'ukeese; ammalle akheekha Asherale fuud'e gube.

2 Hayyoota 23:19

Dira Israeli ch'ufa keesa hayyu Yosiani fulla sorio iti baasani waaqa dara iti kad'atani ch'ufa, ta hayyooti Israeli jaarte akanaani AABBO Waaqa dallansiifte, ch'ach'abse. Fulla sorio iti baasani tana ch'ufa, akuma Betheliti tolche kaani, tolche.

2 Odu duri 13:8

Amma tana isani irree AABBO Waaqi ilmaani Dauditi kenneeni morku feetani. Isani duula muumme inqamneefi koromi worqi, Waaqa Yeroboamuni isanii mid'aase, qabdani.

2 Odu duri 31:1

Eegi jilti sunini ch'ufti dabarte, worri Israeli ch'ufti dira Yuda ch'ufa d'aqe d'akhaaye old'ad'aabani ch'ach'abse, akheekha waaqa d'ara ka Ashera jed'ani ch'ire, fulla sorio iti qalanifi ta waaqa d'ara iti kad'atanile balleese. Akasuma lafa Yuda ch'ufafi ta Benjaminitifi ta Efraimutifi ta Manase keesati tolchani, kaani worra ufiti galani.

Yeremia 10:14

Waan kana arginaani nami mame, daalle woma imbeenne ufi sehe. Nami waaqa harkaani boch'atu ufumaa ch'eera, wonti akanatiifi waaqi inni mid'aasu sunini woma d'araati, lubbu inqabu.

Yeremia 48:13

Duuba worri Moabu waaqa worraa, ka Kemoshi jed'ani tufate jibbe yalabaha, akuma duri worri Israeli Betheli, waaqa worri duri abdate, tufate yalabahe.

Yeremia 50:2

Odu tana gosa ch'ufati hima, odeesa! Akheekha woi garsiisa, odu tana odeesa, ind'ossina, Babiloni ya balleesani! Waaqa isii, ka Merodaki jed'ani, ya fafalaansani! Waaqoota Babiloni ya ch'eersani, akheekha hama worri kad'atu ya ch'ach'absani!

Hosea 10:2

Garaani worraa d'articha, tanaafi worri gati ch'ubbu suni argachu male. Waaqi waan worri sorio irati baasu ch'ach'abse d'akha worraa ka woyyu balleesa.

Hosea 13:2

Ammalle amma tanale sibiila tumani, akheekha woi tolchani kad'atani, akasiini daba tolchani — woni kad'atani suni qarsi ogeeyiini oguma ufiitini mid'aasite. Duuba, sorio baasaafi biyyaani jed'ani. Nami akami dandae waaqoota aka akheekha korma looni mid'aasani d'ungata?

Hosea 14:3

Worri Ashuru dandae nu imbaasu, ammalle fardi lolaleeni dandae woma nuraa ind'owu. Nu iti deebine waan harka keennaani boch'ine waaqa jenne inkad'annu. Ee AABBO Waaqa, nami hiyyeeyiini naasu iraa argatu siuma.

Mika 1:7

Waan worri boch'e kad'atu ch'ufa ch'ach'absani, waan sharmut'a mana waaqoota suni ke jiru baasani ch'ufa gubani, ammalle wonti boch'ani kad'atani suni ch'ufti onte baddi. Waan kana ch'ufa Samariani kara sharmut'omatiini argate, amma nyaapi isii waan suni ch'ufa fud'ate lafa d'ibi geese kad'ata.

Habakuki 2:18

Wonti harkaani mid'aasani kad'atani kunini maani namaa baati? Isiini ufiiftu akheekhuma, ka nami harkaani mid'aase; d'ara male huji d'ibi inqabdu. Wonti dansaani isiini abba mid'aase d'ugeefatu sunile tolchitu maani? — ka ufiiftu dandeete indubbanne!

Huji Ergattu 17:29

Waan nu ijoolle isaa taaneefi, waan Waaqi aka worqi yokhaani aka saldaqa yokhaani aka d'akha nami harkaani boch'u jiru nu sehu himmalle.

Huji Ergattu 19:26

Ammalle isani ya argitani d'ageettani, aka fulla Efeso ch'allaaniti, ammo fulla ch'ufa Asia keesa, Pauloni nama heddu sosobe qalbi worra garagalche, Wonti harkaani mid'aasani Waaqaaniti jed'u.