Hosea 4:18 - KITAABA WAAQA

¹⁸ Daad'i d'ugani machaani sharmut'oma gula badani, ulfinna jibbani ch'eera jaalatani.

Hosea 4:18 ပူးပေါင်းရင်းမြစ်များ

Uumama 38:24

Eegi jii sadi dabre, nami toko waan Yudaani jed'e, Intalti tante Tamariini ya sharmut'a taate garaachoofte. Yudaani waan jed'e, Gabaasa, guba yoosi.

Faaru 47:9

Jari gosa ch'ufa mohatu gumi Waaqa Abrahamutini wolti baha. Inni duula lafa ch'ufa ira jaba, inni waan ch'ufa fida.

Bahisa 23:8

Gumbo imfud'atiina, wonti akanatiifi gumbooni nama guddinna qabu ila duuchite nama d'ugaa qabu dubbi duraa balleesiti.

Yeremia 2:21

Anini duri aka sanyi zabibu dansaa isani oobre, amma waan isani taatani laala. Isani mukha zabibu, ka shame woma imbaamne, fakaatani.

Ezekieli 16:15

Ammo atini mid'aaguma tante ta gurraani baafte suni d'aabbatte, nami deemu ch'ufa si bira rafe.

Hosea 4:10

Isani sagale sorio nyaattani ammo inquuftani; fuula Waaqa durati huji sharmut'oma hojattani ammo ilmaani ind'altani, waan isani naraa gortani waaqa d'ibi gula yaatanifi.

Hosea 4:2

Kakhatani, kakhu suni ch'absani; d'ara dubbatani, nama ijeesani, woi hatani, nad'eeni biyyaa baratani. Ch'ubbuleeni guddatte, guyya ch'ufa wolijeesani.

Hosea 9:10

AABBO Waaqi waan jed'u, Gaafa anini qara Israeli arge, worri mid'aani zabibu ka lafa aloo keesati bahu nati fakaate. Ammalle gaafa anini qara ababoota teesani arge, worri mid'aani oda ka qara bahe nati fakaate. Ammo worri Gaara Peoritiini bahe jennaani waaqa Baali jed'ani kad'ate jaalate aka isaa hammaate waan hamtu tolche.

Amosi 5:12

Anini daba keesani guddafi ch'ubbu teesani ta isani maro heddu tolchitani imbeekha. Isani nama woma intahiini dabsitani gumbo nyaatani gaadisa kora keesaleti hiyyeesa d'uga d'owartani dabsitani.

Mika 3:11

Worri dira suniti mataa gumbo nyaate dubbi namaa qora; qaaloleeni wo nama ira fud'attu male seera nama imbarsiiftu. Raagootileeni beese male woma namaa inhimtu. Duuba worri kunini ch'ufti, AABBO Waaqi nu woliini jira, nu woma intaanu jed'a.

Mika 7:3

Worri ch'ufti aka waan hamtu tolchu ya iti ogeesa tahe. Jaaroleefi jaallabi gumbo nama ira fud'ata. Nami gurra qabu waan fed'u worra suniti hime duuba ch'ubbu iti wold'aqani.

Qaabacha Seera 16:19

Worri d'ara gula dubbi qore, yokhaani nama ira inch'iisini. Ammalle gumbole inyaatini, wonti akanatiifi, gumbooni ila nama qalbi qabule duuchite, nama d'ugale kiyyibsifti.

1 Samueli 8:3

Ammo ilmaani tunini kara abba isii gula iyyaane, guddo beese jaalate gula yaate, gumbo nama iraa fud'ate d'uga gula dubbi qoru didde.