Hosea 3:4 - KITAABA WAAQA

⁴ Akanaani worri Israelileeni hayyufi jaarsa male yokhaani ka soriofi d'akha woyyu ka old'ad'aabani yokhaani akheekha waaqoota d'ara ta woini garsiisani inqamne, tau male.

Hosea 3:4 ပူးပေါင်းရင်းမြစ်များ

Uumama 31:19

Ato Yakobooni kae ingodaaniini, gaafa toko Labaniini hooliye isaa dabassa woyaani mid'aasani iraa ch'iruu d'aqe, jennaani Raheliini mana abba seente waan harkaani mid'aasani ka aka Waaqa kad'atani duraa hatte.

Uumama 31:34

Raheliini isa durati, ato inni ind'ufini, Waaqoota Labani taani fuute subba gaalaani fahani keesa keete ira teete. Labaniini waaro ch'ufa garagalche soqe, ammo woma keesaa d'abe.

Uumama 49:10

Ororooni inni namaani fidu harkaa imbuutu, lichooni hayyumaa worra isaa keesaa imbaatu, haga abbaani damoosa baasanifi d'ufe isa durati gajed'ani saalfatanifiiti.

2 Samueli 6:14

Daudini ka woya boofta ch'alla mart'ifatu aka male sirbe AABBO Waaqa guddise.

2 Hayyoota 23:24

Ammalle Yosiani falfaltuufi worra ayyaanatifi ammalle akheekha waan aka Mana Waaqa keesati kad'attani ch'ufa Yudafi Yerusalemu keesa balleese, aka akanaani t'aafi kitaaba qaallicha Hilkia jed'ani, Mana Waaqa keesati arge kaani keesa jirtu guutufi tolche.

2 Odu duri 15:2

duuba inni kae gara Asa d'aqe waan jed'eeni, Asafi worra Yudatifi ka Benjamini, na ch'aqasa. AABBO Waaqi isani woliini jira, yo isani isa woliini jiraattani. Yo isani isa barbaaddani, isa ind'abdani, ammo yo isani isa lakiftani innileeni isani lakisa.

Bahisa 28:4

Woyaani worri mid'aasu male tana: ukha fulla qomati hod'ani, woya toko ta aka korrbo hid'atani, ubaara d'eera miila gahu, ubaara barreesani, sure, ammalle gurda. Miha kana ch'ufa worri ha oboleesa kanke Harunifi ilmaani isati mid'aasuti, aka worri qaalole tahe naa hojatu.

Bahisa 28:6

Ammalle worri ha woya toko, ta aka korrbo hid'atani, liilana worqitiifi liilana bule, bule diima, diima ammalle woya boofta ta barreesanini mid'aasuti.

Boha 2:9

Balbalti fullo diraleni ya lafa lit'e, danqaro isiileeni ch'ach'abt'e buloofte. Hayyu worratifi jaarole worra gugurdole ya boojiani. Seerileni bade duuba raagootileeni deebite d'uga AABBO Waaqaa ingartu.

Ezekieli 19:14

Ibidi hunda zabibu taani qabate, dameeleefi mid'aanile gube. Dameeleeni isiileeni deebite jabaatte boku hayyu intaatu. Tunini faaru bohati, ta hojja ch'ufa d'aatani.

Ezekieli 20:32

Isani waan jettani, Nu aka gosa d'ibi, ta lafa d'ibi keesa teete mukhaafi d'akha kad'atu tahu feena. Ammo wonti sunini isanii intaatu.

Ezekieli 21:21

Hayyuuni Babiloni fulla mukha d'ad'aabani ka karaani iti gargari bahu taani eje, t'iya argufe, waaqa isaa ka d'ara kaani kad'ate, tiru hori sorio qalani laala, aka akasiini kara gula deemu male beekhu.

Ezekieli 21:31

Yo anini aka ibida isaniti bobae, dallansu tiyya agartani. Ammalle anini harka nama naasu inqamne, ka aka male nama fit'uti isani kenna.

Danieli 11:31

Askartini isaa hagi toko d'ufte Mana Waaqa t'ureesite, sorio guyya ch'ufa baasani d'owarte waan hamtu nama rifachiisa kaani old'aabdi.

Danieli 12:11

Haguma gaafa sorio guyya ch'ufa baasani balleesani, yokhaani haguma gaafa waan hamtu nama rifachiisa kaani old'aabani, guyya kuma tokotifi d'ibba lamafi sagaltamati dabra.

Danieli 9:27

Hayyichi suni nama heddu, haga ganna torba, wold'aqisa woliini tolfata. Ammalle ganna torbaani suni jiddu keesati inni soriofi waan Waaqaa baasani ch'ufa balleesa. Waan hamtu nama rifachiisa fiit'e Mana Waaqa gubba kayani, haga nama achi kaye suni baddini Waaqi kurfeesefi sunini d'aqabduti.

Hosea 13:10

Isani, jaarsafi hayyu nuu kenni jettani na kad'attani, ammo worri suni akami dandae gosa baasa?

Hosea 13:11

Anini dallansu tiyyaani hayyoota isanii kenne ammalle dallansuma suniini hayyoota suni isani iraa fuud'e.

Hosea 2:11

Anini jila isii d'owa — jila isii ta wogaatiifi ta baatitiifi ta Sabatotiifi jila isii d'ibi ch'ufa.

Lawi 8:7

Inni ubaara iti kaye, gurdale hid'eefi ubaara d'eerafi woya aka korbo hid'atanile iti kaye, gurda hid'aana ka aka dansa d'aani kaaniini hid'eefi.

Zekaria 10:2

Nami waaqoota d'ara ta harkaani mid'aasani ira wo eegate nama wo himule wo gaafata, ammo dubbi d'araatiifi ta woma keesa injirre iti himani. Nami gari waan oobjuuni d'ooftu hima, ammo d'uga ira isani gorsa; worri sunini qarqaarsa woma imbaanne isanii keenna. Tanaafi biyyiti aka hooliye badde yayaati, aka nama nama tissu inqamne, gaargalti.

Zekaria 13:2

Gaafasi anini maqa waan harkaani boch'ani kad'atani kaani lafa keesa balleesa, nami tokoleeni deebie inqaabatu. Anini ammalle nama raaga ufi tolchufi herega waan boch'ani kad'ataniini kad'atani lafa keesaa balleesa.

Luqaas 21:24

Worra gari sheeftini fit'ani, ka hafele boojiani lafa d'ibi geesani. Gochiti d'ibiini d'ufte Yerusalemu ira ejaanjatti haga guyyaani isii hobauti.

Yohana 19:15

Worri ch'aare waan jed'e, Armaa fuud'i, Armaa fuud'i, olfannisi! Pilatoni, Hayyu keesani olfannisa? jed'e worra gaafate. Qaaloleeni gugurdooni waan jetteeni, Nu hayyu d'ibi inqamnu, Kaisari male!

Ebrania 10:26

Wonti akanatiifi sorioni tokoleeni amma dandeete daba nuraa imbaaftu, yo nu beekha daba tolchine, eegi d'uga nuti himani.

Jaallaboota 17:5

Namichi kunini ka Mika jed'ani fulla itikad'atu qaba. Inni akheekha woi heddufi waan efodi jed'ani toko Waaqa jed'e mid'aase, ilma isaa tokole qaallu tolfate.

Jaallaboota 18:14

Jennaani worri shanani kaani ka lafa d'aatu Laishi dooyate, waan wahela worratiini jed'e, Isani aka maneeni tana toko keesa, akheekhi mukha ka boch'aani qarsiini mat'ansani kad'atani jiru beetu? Ammalle akheekha kad'atani d'ibifi waan efodi jed'aniti jira, akasi beetu? Nu maani tahu male re?

Jaallaboota 8:27

Gideonini worqi suni fuud'e, waan aka waaqa kad'atani mid'aase, dira isaa ka Ofra keesa kaye. Worri Israeli ch'ufti waaqa lakise, achi yae woni suni kad'ate. Wonini sunini t'urura Gideoniifi worra isaati taate.

1 Samueli 14:3

Qaallichi woya qaallu ta aka korba hid'atanini deemu Ahiya, ilma oboleesa Ekabodi ka Ahitubu jed'ani, innileeni ilma Finehasi ka ilma Eli qaallu AABBO Waaqa, lafa Shilo keesa. Biyyitileeni aka Yonathani deeme quba inqabdu.

1 Samueli 15:23

Diditini isa didani akuma falfala hamtu. Kiyyibi isa durati kiyyibanileeni akuma nama waaqa harkani mid'aasani kad'ate hama. Waan atini dubbi AABBO Waaqa diddeefi, innileeni aka atini hayyu tate worra Israeli dura deemtu ya dide.

1 Samueli 2:18

Bara suni ch'ufa gurbaani Samueli jed'ani woya qomati keeyate AABBO Waaqa hojate.

1 Samueli 21:9

Ahimelekini waan jed'eeni, Anini goraade Goliathi namicha Filisti ka atini bale Eela keesati ijeefte ch'alla qaba; isiini kuuno, achi miha woyyuma suni duuba mamarani teeti, yo feete fud'ad'i isi male goraadeeni d'ibiini injirtu. Daudini waan jed'eeni, Qarale goraadeeni isi ira jirtu injirtu, naa kenni.

1 Samueli 22:18

Jennaani hayyichi waan Doegini jed'e, Atumaani worra hobaasi, jennaani Doegini ch'ufa hobaase, akasiini inni guyya suni qaalole nama saddetami shani ta ch'ufti woya boofta ta aka korbo hid'atani taani ufira qabdu hobaase.

1 Samueli 23:6

Gaafa Abiatharini, ilmi Ahimeleki fiige Keilati Daudini bahe, inni gaafasi Woya aka korbo hid'atani taani d'ufeeni.

1 Samueli 23:9

Daudini aka Sauloni had'iisa iti malatu d'agaye jennaani waan qaallicha Abiatharini jed'e, Woya aka korbo hid'atani taanini kooti.

1 Samueli 30:7

Jennaani Daudini waan qaallicha Abiathari ka ilma Ahimelekitini jed'e, Woya aka korba hid'atani taani natiini kooti, duuba Abiatharini itiini d'ufe.