Hosea 2:13 - KITAABA WAAQA

¹³ Waan isiini na lakifte waaqa Baali jed'ani hit'aana aarsite jila tolchite ufi mid'aasite qubefi faayaani ufi ch'ote garayoota isii taani gula deemteefi, anini isi gaargalche balleesa. Tunini dubbi AABBO Waaqi jed'e.

Hosea 2:13 ပူးပေါင်းရင်းမြစ်များ

2 Hayyoota 1:2

Hayyu Ahaziani mana isaa ka Samaria, jiru iraa d'aqate aka hama wotahe. Tanaafi inni nama gara Baal-Zebubu, waaqa dira Ekroni, erge waan jed'eeni, Anini infayya mo infayyu? jed'aa na gaafad'a.

2 Hayyoota 10:28

Aki Yehuni Baali lafa Israeli keesa balleese akasi.

2 Hayyoota 21:3

Fulla waaqa d'ara iti kad'atani ta gaara ira, ta qara abbaani isaa Hezekiani ch'ach'abse, jaare ammalle fulla Baali iti kad'atani sorio baasanifi mid'aase, fakeenna waaqa Ashera jed'anile boch'e, akuma hayyuuni Israeli ka Ahabu jed'ani kaani tolche. Ammalle inni urjile ch'ufa gajed'e kad'ate.

Aayubu 8:13

nami Waaqa imbeenne illaadu suni fakaata; hojja Waaqa ded'ani abdiini worraa ya badde.

Faaru 106:13

Ammo worri yoosu waan inni tolcheefi suni ded'e, ka mala womatu isa ingaafatini ch'ee, waan d'ibi tahe.

Faaru 106:21

Worri Waaqa, ka lafa Misiri keesati waan jabdu tolche worra baase, ded'e,

Faaru 78:11

waan mama ka inni duri tolche, ka ila ufiitini arge, ded'e.

Bahisa 32:34

Amma beeni deemi, gumi tana lafa anini siini jed'e taaniti geesi. Ammo beekhi, malaikaani tiyya si tissite si woliini deemti. Ammo hojaani anini worra kana maro ch'ubbu worraatifi gaargalchu inuma d'ufti.

Isaya 17:10

Worra Israeli, isani ya Waaqa isani baase aka d'akha jabaate isani qorqorate deetani, fulla oobru woyyuma fach'aaftani waaqa gosa d'ibi kad'atani.

Isaya 65:7

maro daba worraatifi ka ababoota worrale haalo baafad'a. Worri gaara irati sorio gubbaani baase kubile irati na arabse. Tanaafi anini waan worri tolche suni gula haalo baafad'a.

Yeremia 11:13

Worri Yuda akuma diri worraa heddu, waaqooti worraleeni heddu. Ammalle worri Yerusalemuleeni akuma karaani dira worraa heddu, akasuma fulla heddu ta waaqoota worraa, ka d'ara, ka Baali jed'ani, ka isa durati nami waan ch'eera tahu, fulla sorio irati isaa baasani jaare.

Yeremia 18:15

Ammo gumiini tiyya ya na deete; worri waaqa d'araati hit'aana aarsa. Worri kara gula deemu ch'ufati gugufate, kara duri kaani gula iyyaau, ammo kara gudda lakise, daandi gula yaa.

Yeremia 2:32

Niitiini d'io fuud'ani, faaya isii indeeti? Intalti fuud'a indeeti? Ammo gumiini tiyya yayu guyya heddu muumme inqamne na deete.

Yeremia 23:2

Wonti AABBO Waaqi Israeli waan nama nama fidu, ka sila gumi isaa qorqoratuni jed'u, tana: Isani gumi tiyya qorqorachu diddani gargari firfirsitani d'id'imati d'ooftani. Anini amma tana maro isani waan hamtu suni tolchitanifi isani gaargalcha.

Yeremia 7:34

Anini dira Yudatifi kara Yerusalemu keesa, qonqo gammadaatifi ta qilit'ama, yokhaani gammada guyya fuud'a balleese, lafale duwa tolcha.

Yeremia 7:9

Isani wohattani, nama ijeeftani, huji sharmut'oma hojatani dubbi woi kakhatani, waaqa Baali jed'ani hit'aana aarsitani, Waaqa duri imbeenne gula yaatani.

Boha 1:4

Amma nami tokoleeni ka guyya jila d'ufe Mana Waaqati kad'atu injiru. Dubriti ta duri achiti sirbitu gaargalte, qaaloleni ufumaa waati. Fullooni dira ch'ufti duwa teteeti, Sionileni gaargala hama qabdi.

Boha 5:14

Jaaroleeni aka duri kaani fullo dira keesa inteteetu, kaimileeni deebie insirbu.

Ezekieli 16:12

Anini qube funnaanifi guraati si kaye, hagogo mid'aadu hayyiti mata ira sii kaye.

Ezekieli 16:17

Atini faaya qarsitiifi ka worqi, ka anini sii kenne fuute, fakeenna d'iira mid'aasite ufi keesa nat'e.

Ezekieli 22:12

Nami kanke ka d'ibileeni gumbo fud'ate nama fit'a. Hagi garileeni gati gosa ufiti kenne, tirfi jala fed'ate, akasiini nama dabse ufi duroomsa. Worri kunini ch'ufti ya na ded'e. Nami dubbi tana jed'e AABBO Waaqa gudda.

Ezekieli 23:35

Duuba amma, wonti AABBO Waaqi guddaani jed'u tana: Waan atini na deete dudda nati galteefi, d'araafi sharmut'oma keetifi gaargalta.

Hosea 11:2

Ammo akuma anini isa yaamuuni, inni naraa fagaate. Worri waaqa Baali jed'ani sorio baase, waaqoota d'arati hit'aana aarse.

Hosea 13:1

Duri, hojja gochiti Efraimu dubbatte, gochiti Israeli taani insodaatte; wonti akanatiifi gosa Efraimuti saalfatani. Ammo worri waaqa Baali jed'ani kad'ate ch'ubbu tolche, tanaafi worri indua.

Hosea 13:6

Ammo eegi lafa dansati qubattani, isani aka dansaa quuftani jennaani kiyyibdani na deetani.

Hosea 2:5

Isiini waan jette, Anini garayoota tiyya gula deema, ta aananifi bisaani naa kennite gaad'a dadansa naa bitte daara na baafte d'ad'afi daad'i naa kennitu.

Hosea 2:7

Isiini garayoota isii irreebdi ammo ind'aqabdu, ammalle imbarbaadi ammo inargattu. Duuba isiini ufi jibbaatte waan jettu, Anini d'iirsuma kiyyati deebia — gaafuma d'iirsa kiyya woliini jiru aka dansaa taa, ammatana ira.

Hosea 4:13

Fiit'e gaara gubbaa, fulla woyyumati sorio qalani, kubi gubbaa galma mukha jalati hit'aana aarsani gaadisa boqotani! Maro waan sunitiifi dubriti teesani sharmut'a taate, nad'eeni ilmaani teesanileeni daru taati.

Hosea 4:6

Gumiini tiyya maro beekha Waaqaa inqamneefi ya badde. Isani qaalole, waan isani na diddani barsiisa tiyyale diddanifi, anini isani dide ilmaani teesanile qaalole tiyya tahu d'owa.

Hosea 8:14

Worri Israeli ya Waaqa worra uume ded'e, maneeni dadansa jaarate. Worri Yudaleeni ya dira dadansa aka dansaa marsani jaarani jaarate, ammo anini dira worraa ibida iti erge maneeni isaani jajabdu ch'ufa guba.

Hosea 9:7

Guyyaani worra gaargalchani ya d'ufe, guyyaani haalo worraa baafatani ya gahe. Guyya suni Israeliini inuma beeti! Isani waan jettani, Raagi kunini daalle, nami woi fagu kunini ya maraate. Wonti isani akasi guddo na jibbitaniifi, waan ch'ubbu teesani heddutiifi.

Amosi 8:10

Anini jila teesani boha tolche sirba keesani ka gammada faaru bohaa tolcha. Anini mata keesani isani haadachiise ch'arqi hid'aanati isani naqa, duuba isani worra ilma ufii tokocha due bohu fakaattani. Guyyaani sunini haga muumme laalala jabdu qaba.

Qaabacha Seera 32:18

Isani Waaqa keesani ka isani uume wollaaltani Waaqa isani d'ale ch'aqasu diddani.

Qaabacha Seera 6:12

eegad'a aka AABBO Waaqa, ka lafa Misiri fulla isani tisse iti tatani, keesa isaani baase, indeene.

Jaallaboota 10:6

Ammalle worri Israeli AABBO Waaqaa durati waan hamtu tahe waaqa Baalifi Ashtorethi jed'ani Kad'atani, ammalle waaqa worra Shamutifi ka Sidonitifi ka Moabutifi ka, Amonitifi ka Filistile kad'atani. AABBO Waaqati wollaalani isa kad'achu lakisani.

Jaallaboota 3:7

Worri Israeli AABBO Waaqa isaani ded'e, waan hamtu isa durati tolche waaqoota harkani mid'aasani, Baalifi Ashteroti, kad'atani.

1 Samueli 12:9

Ammo biyyiti AABBO Waaqa isaani deete, tanaafi inni worra Filistitifi, hayyu Moabutifi Sisera, gudda askarti dira Hasori, iti erge, aka ababoota teesani had'ani dabsatani.