Hosea 14:3 - KITAABA WAAQA

³ Worri Ashuru dandae nu imbaasu, ammalle fardi lolaleeni dandae woma nuraa ind'owu. Nu iti deebine waan harka keennaani boch'ine waaqa jenne inkad'annu. Ee AABBO Waaqa, nami hiyyeeyiini naasu iraa argatu siuma.

Hosea 14:3 ပူးပေါင်းရင်းမြစ်များ

2 Odu duri 16:7

Gaafasi raagi Hanani jed'ani toko gara Asa d'aqe waan jed'eeni, Waan atini AABBO Waaqa kanke lakifte hayyu Shamu qarqaarsa heregateefi, duuli hayyu Israeli ya baqate si duraa bahe.

Faaru 10:14

Ammo atini inuma agarta, atini gaargalafi laalala agarte, yo ch'ufa kurfo jirta aka nama qarqaartu. Nami qarqaarsa inqamne siti ufi kenna; atini haguma duriti d'ipata qarqaarte.

Faaru 146:3

Hayyoota lafa inabdatini, nami si baasu tokoleeni injiru.

Faaru 146:9

Inni keessuma lafa teenna keesa teetu qorqorate, haad'a hiyyeesatiifi ilmaani hiyyeeyi qarqaare mala ch'ubbicha ch'ufa balleesa.

Faaru 33:17

Fardi duula dandae nyaapa namaa indabsachisu; irreeni isaa dandeete nama imbaaftu.

Faaru 68:5

Waaqi ka mana ufii qulqullooti galu, inni abba hiyyeeyi tahe haawaani isiile qorqorata.

Isaya 1:29

Isani waan duri mukha kad'attani oobru woyyoomsitaniifi ingaabitani.

Isaya 2:20

Hojja guyyaani sunini d'ufu worri waan worqifi qarsi ka harkaani boch'ani kad'atani gate, tuqaafi raaree lakisani.

Isaya 27:9

Ammo hojaani Israeli daba araaramani, hojja d'akha sorio waaqa d'araati irati baasani ch'ach'absani daara tolchani. Ammalle waan hit'aani irati aarsanifi akheekha waaqa Ashera jed'ani balleesani ch'alla.

Isaya 30:16

Waan nani jettani, Hiyo! Akasiniti nu nyaapa keenna dura fardaani baqanna. Inuma baqattani! Mala keesani, fardi keesani guddo oria, ammo worri isani reebu fardooleeni worraa hagasi ira oriiti.

Isaya 30:2

Worri ka mala naraa infud'atini lafa Misiri d'aqe, qarqaarsa fed'ata. Worri aka Faraoni worraa kalchu abdate, lafa Misiri d'aqe qarqaarsa kad'ata.

Isaya 31:1

Nama lafa Misiri qarqaarsa kad'achu d'aqu ya bade! Worri fardaafi gaari fardi hirkisufi askarti worraa heddu abdata. Ammo AABBO Waaqa Qulqullo Israeli, inabdatani, yokhaani qarqaarsa inkad'atani.

Isaya 31:3

Worri Misiri namuma, Waaqaniti; fardi worraleeni farduma, waan gubbaa gabueeniti. Hojja AABBO Waaqi wo tolchu, gochiti jabduuni irre d'abde gochiti laaftuni worri qarqaareleni badi. Worri lachu wolumaani d'umata.

Isaya 36:8

Amma kooti, hayyu keenna ka Ashurutini waan taka woliini taha: Anini fardoole kuma lama sii kenna, yo atini dandeete nama hagasi ka Yubatu naa kennite.

Yeremia 49:11

Ilmaani teesani hiyyeeyi na birati lakisa, inqorqorad'a, nad'eeni teesani ta d'iirsa inqamneleeni ha na abdatuti.

Ezekieli 36:25

Anini bisaani qullo isaniti fifit'e, akasiini waaqoota d'ara ka isani kad'atanifi waan hamtu isani ufiini t'ureesitani ch'ufa isani iraa qulqulleesa.

Ezekieli 37:23

Worri deebie waaqoota harkaani boch'ani kad'ate waan hamtu tolche, akasiini ufi int'ureesu. Anini kara worri dabaani tolche nara goruni ch'ufa worra iraa gorse worra qulqulleesa. Duuba worri gumi tiyya tae, aninileeni Waaqa worraa taha.

Hosea 12:1

Worri Israeli halkani guyya wo balleese male woma imid'aasu. Worri haga qarale ira wolsobe wolhad'e wolballeesa. Ammalle worra Ashurutini wold'aqani worra Misiritiini woliini daldalani.

Hosea 13:2

Ammalle amma tanale sibiila tumani, akheekha woi tolchani kad'atani, akasiini daba tolchani — woni kad'atani suni qarsi ogeeyiini oguma ufiitini mid'aasite. Duuba, sorio baasaafi biyyaani jed'ani. Nami akami dandae waaqoota aka akheekha korma looni mid'aasani d'ungata?

Hosea 14:8

Worri Israeli amma tana waaqoota d'ara maani iraa qaba? Anini kad'acha worraa d'agayeefi worra qorqorad'e, aka mukha doti worra gaadiseesa. Hormaati worraa ch'ufti naraa d'ufa.

Hosea 2:17

Ammalle AABBO Waaqi waan jed'u, Anini deebie aka isiini maqa Baali d'ooftu diqole ee injed'u.

Hosea 4:12

Worri waan mukha ira mid'aasani kad'ate, Nu gorsi jed'aani! Uleleeni waan worri beekhu fed'u worrati himti! Worri na lakise sharmut'oma gula bahe waaqoota d'ibi kad'ate.

Hosea 5:13

Worri Israeli fayyad'aba ufii beennaani yokhaani Yudaleeni mada ufii arginaani lafa Ashuru d'aqani hayyu worraa gudda qarqaarsa kad'atani, ammo inni worra fayyad'abafi madale fayyisu dad'abe.

Hosea 7:11

Israeliini aka sabaliisa jirti, ka aka daalle fulla ch'ufa ka inteenne maru; qara lafa Misiri qarqaarsa fed'achu d'aqani, ammo eege Ashuru d'aqani!

Hosea 8:6

Kormi kunini ka ogeeyiini Israeli mid'aasite waaqa akami? Laki, waaqaniti! Korma worqi ka Samaria keesati kad'atani gargari ch'ach'absani!

Hosea 8:9

Worri Israeli harre diidaa fakaata, ta mata ufiiti yaatu. Worri gara Ashuru d'aqe qarqaarsa fed'ate gosa d'ibile qarqaarsa iraa bitate.

Yona 2:10

Jennaani AABBO Waaqi qurt'umi taanini, Yona ufi keesaa diddisi jed'e, duuba isiini lafa goddu irati isa ufi keesaa diddisite.

Zekaria 13:2

Gaafasi anini maqa waan harkaani boch'ani kad'atani kaani lafa keesa balleesa, nami tokoleeni deebie inqaabatu. Anini ammalle nama raaga ufi tolchufi herega waan boch'ani kad'ataniini kad'atani lafa keesaa balleesa.

Yohana 14:18

Anini hiyyuma keesati isani illakisu; anini isaniti deebia.

Qaabacha Seera 17:16

Inni farda heddu inqabaatiini, yokhaani namale lafa Misiriti erge farda imbitatiini; wonti akanatiifi AABBO Waaqi qara, deebitani, achi ind'aqina ya isaniini jed'e.