Hosea 11:6 - KITAABA WAAQA

⁶ Nyaapi dira worraa keesati goraadeeni nama balleese, balbala fullo dira worrale ch'abse, maneeni worraa jajabdu keesati worra hobaasa.

Hosea 11:6 ပူးပေါင်းရင်းမြစ်များ

Faaru 106:39

Worri akanaani huji ufiitini ufi t'ureese, waan ch'eera hamtu tahe Waaqati wollaale.

Faaru 106:43

Maro heddu AABBO Waaqi gumi ufii baase, ammo worri beekhaa isa dide, haga qara irale ch'ubbu gula bade.

Isaya 18:5

Ato mid'aani zabibu inguurre, ka daraaraani ch'ufi bue mid'aani bilchaachu jirani, nyaapi d'ufe worra Kushi suni balleesa, akuma billa, dame mukha zabibu yoosu kutu.

Isaya 27:10

Diri jabeesani jaarani ya badde ona tahe, lafa aloo fakaate, fulla horiini oole marra nyaatu.

Isaya 30:1

AABBO Waaqi waan jed'u, Nami lafa Yuda mohatu waan na dideefi ya bade. Worri mala anini worraa ind'aini gula deeme, fed'i tiyya male wold'ageeti woliini tolfate, akanaani dabi worraa guddate.

Isaya 9:14

Guyya tokooni AABBO Waaqi worra gugurda Israelitiifi gumile ch'ufa inhobaasa; inni matafi eegele ch'ufa iraa kuta.

Yeremia 5:17

Worri sunini sagale teesani nyaate fit'e, ilmaani teesani ta d'iiratifi ta dubrale hobaasa. Worri loonifi ree teesani qaqale nyaate, mukeeni teesani ta zabibutifi ta odale balleesa. Worri woraana ufiitini dira jabeesani jaarani, ka isani abdatani, balleesa.

Yeremia 50:35

AABBO Waaqi waan jed'u, Dooti ha lafa Babiloni qabatu! Dooti ha nama isiitiifi nama isi mohatufi worra isii qaqaro qabatuuti.

Boha 2:9

Balbalti fullo diraleni ya lafa lit'e, danqaro isiileeni ch'ach'abt'e buloofte. Hayyu worratifi jaarole worra gugurdole ya boojiani. Seerileni bade duuba raagootileeni deebite d'uga AABBO Waaqaa ingartu.

Ezekieli 20:47

Waan atini badda Negebutini jettu, waan AABBO Waaqi guddaani jed'u d'agayi. Laali, anini ibida mukha kanke gogafi jiid'ale ch'ufa gube balleesu siti kaya, ka nami dandae ind'aamfine. Ibidi sunini bitaa bahe, mirgati eje, owi isaa waan lafa suni jira ch'ufa guba.

Hosea 10:14

had'iisi lafa teesaniti d'ufe maneeni teesani jajabdu ch'ufa balleesa. Guyyaani gaafasi aka gaafa guyya hayyu Shalmaniini dira Betharbeli had'e balleese haawaanifi ilmaani tume bulleese akasi taha.

Hosea 10:6

Waan harkaani boch'ani suni lafa Ashuruti geesani damoosa hayyu guddaa baasani. Worra Israeli waan worri gorsa suni gula deemefi guddo ch'eersani.

Hosea 13:16

Waan Samariani Waaqa ufii diddeefi isi balleesani, nama isii had'iisa keesati fit'ani, daima worrale lafati d'abbani, nad'eeni worraa ta garaacha qabdule garaa babaqasani.

Hosea 4:16

Worri Israeli mataa jajaba, ka dubbini gurra inseenne. Anini akami dandae aka ilmaani ree worra gololcha?

Hosea 4:17

Worri Israeli ya waaqoota d'ara jaalate gula bade; laki, ha baduti!

Lawi 26:25

Anini woraana isaniti buusa waan isani wold'aqisa keenna ch'absitanifi; ammalle yo isani lubbu d'eetani dira keesaniti galtanile anini d'ukuba hama isaniti buuse, duuba isani ufumaani harka nyaapa keesaniti ufi kennitani.

Lawi 26:31

dira keesani balleese ona tolche, fulla isani waaqa iti kad'atanile bulleese, sorio isani na baaftani fud'achu dida.

Lawi 26:33

Anini gosa d'ibi keesa isani firfirse achileti woraana isaniti buusa. Lafti teesani badde, diri keesanileeni ona taha.

Amosi 6:8

AABBO Waaqi Guddaani akana kakhate biyya gorse waan jed'e: Anini kiyyiba worra Yakobo injibba, maneeni worraa ta ch'okhani intufad'a. Anini dira worratiifi waan keesa jira ch'ufa harka nyaapati kenna.

Mika 5:11

Anini dira keesani balleese waan isani nyaapani ufiraa d'owartani jaartani ch'ufa ch'ach'absa.

Malaki 4:1

AABBO Waaqi Guddaani waan jed'u, Guyyaani ind'ufa, ka ch'ubbichafi nami ufi saaduleeni aka buuyo godde gubatu. Guyya suni worri ch'ufti gubate hobae daara d'aba.

Qaabacha Seera 28:52

Worri dira lafa AABBO Waaqi isanii kennu kana marse had'e, d'akha jaba dira sunini marsani jaarani, ka isani abdattani, jissa.

Qaabacha Seera 32:25

Woraani kara keesati nama balleese, gaargali taka inargini worra keesati nama qabata; kaimi ka d'iiratifi ka uwaleeni raawate, daimafi jaaroleleeni hafto d'abdi.