Efessoon 3:1 - KITAABA WAAQA

¹ Maro waan kanatifi anini Pauloni, ka maro Kristo Yesotiifi hid'ani, isani gosa d'ibiti Waaqa kad'ad'a.

Efessoon 3:1 ပူးပေါင်းရင်းမြစ်များ

Luqaas 21:12

Ammo waan kana ch'ufa durati isani qabani gaargalchani, maneeni Waaqa iti kad'atani duraani isani d'ufani, mana hid'aansa keesa isani buusani; maro tiyyaafi hayyootafi jaallaba dura isani geesani.

Huji Ergattu 21:33

Guddaani askarti iti d'iaate, Paulo qabe, Haada sibiila lamaani hid'a jed'e. Jennaani, Nami kuni eennu, maani yake? jed'e gaafate.

Huji Ergattu 23:18

Askartichi isa fuud'e, gara gudda askarti isa geese waan jed'eeni, Pauloni, namichi hid'aansa keesa jiru kaani, na yaame, Kaima kana gara gudda kanketi geesi naani jed'e; inni dubbi jabdu ta siini jed'u qaba.

Huji Ergattu 26:29

Pauloni waan jed'eeni, Ha dubbi diqo taatu, ha guddo taatu, woni anini Waaqa kad'ad'u, aka si ch'allaaniti, ammo worri na ch'aqasu jiru kunini ch'ufti, aka anini jiru tahu, haada naani hid'ani kana male.

Huji Ergattu 9:15

Ammo Aabbooni waan isaani jed'e, Beeni d'aqi, anini yayu isa fohad'e, aka inni maqa kiyya gosa d'ibiifi hayyootafi ijoolle Israelile durati odeesu.

2 Korintho 1:6

Yo nu gaargalle, maro qarqaarsafi baafama keesanitiifi gaargalla; yo nu qarqaarani isanile ya qarqaarani, irre ta isani gaargala aka keenna obsitaniini isani kennani.

2 Korintho 10:1

Anini Pauloni, isani kad'ad'a, yo anini isani woliini jiru diqo daafana naani jed'ani, ammo yo fago jiru guddo janna naani jed'ani. Anini isani kad'ad'a, dansoomafi naasu Kristotiini:

2 Korintho 11:23

Worri hojattu Kristoti? Aka maraata dubbad'a — ammo anini hojattu Kristo ka worra ira jiru. Anini ya worra ira hojad'e, ya worra ira na hid'ani, ya worra ira na d'aanani, ya worra ira duisati d'iaad'e.

Galatia 5:11

Ammo oboleyaani tiyya, yo anini Qabanqaba qabachu maltani jed'e barsiise, maafi ammalle na gaargalchani?

Galatia 5:2

Ch'aqasa! Anini, Pauloni, waan kana isaniti hima: yo isani qabanqaba qabattani, Kristoni woma isanii imbahu.

Galatia 5:24

Worri Kristo Yeso gula yau ya nafa ufi ijeese, d'araafi fed'i isaa ch'ufa woliini.

Efessoon 3:11

Waaqi herega ufi ka hegeri gula waan kana tolche, ka inni Kristo Yeso Aabbo keennaani guute.

Efessoon 3:13

Tanaafi anini isani kad'ad'a, waan anini maro teesaniifi gaargaleefi ufi injibaatiina; wonti kuni ch'ufti isanii olaanti.

Efessoon 3:8

Anini gumi Waaqa ch'ufa maand'a qit'issu, ammo Waaqi huji gosa d'ibiti Odu Dansa odeesani nati kenne, aka durooma Kristo ka ind'umanne barsiisu,

Efessoon 4:1

Anini ka maro anini Aabbo hojad'uufi na hid'ani, isani kad'ad'a yaamicha Waaqi isani yaame gula yaa.

Efessoon 6:20

Maro Odu Dansa tanaatiifi gara na ergani, ato anini amma hid'aansa keesa jiraad'ele. Tanaafi Waaqa naa kad'ad'a, aka anini jabeese dubbad'u, akuma tolchu male.

Filipi 1:7

Isani hojja ch'ufa qalbi tiyya keesa jirtani! Tanaafi anini hojja ch'ufa waan keesani akasi heregu male. Isaniini ch'ufti ya eeba Waaqi naa kenne tana qoodattani, ana ka amma hid'aansa keesa jiruufi gaafa anini duri diida jirule, aka Odu Dansa suniifi dubbad'e isi jabeesu.

Kolosai 1:24

Anini amma waan maro teesanii gaargaleefi gammada. Wonti akanatiifi, maro gaargala nafa kiyyatiifi, anini gaargala Kristoni maro nafa isaatiifi gaargale ka hafe hobaasa. Nafi isaa gumi isaati.

Kolosai 4:18

Anini waan kana harka kiyyaani t'aafa: Pauloni nagaya isani fuud'a. Haada naani hid'ani inded'ina. Eebiti Waaqa isani woliini jiraatiinna.

Kolosai 4:3

Nule Waaqa kad'ad'a, aka inni balbala nu bane nu dubbi isaa odeesine waan d'ossa Kristo himnu. Maro waan sunitiifi anini hid'aansa keesa jira.

2 Timotheo 1:16

Waaqi worra Onesiforoti nahiinna, waan inni maro heddu garaa na jabeeseefi. Inni waan anini hid'aansa keesa jiruufi na injibine,

2 Timotheo 1:8

Aabbo Yeso d'ugeesu inch'eerfatiini; ana ka maro isaatiifi hid'anile inch'eerfatiini. Ammo, maro Odu Dansaatiifi gaargala obsi, akuma Waaqi jabeenna sii kenne.

Filemoni 1:1

Maqaani kiyya Paulo, nama maro Kristo Yesotiifi hid'aani, ammalle oboleesa keenna Timotheo woliini jira. Gara jaala Filemoni ka nu woliini hojannuufi. Gara jaalafi nama nu woliini hojatu Filemonifi

Filemoni 1:23

Epafraani, ka hid'aansa keesa maro Kristo Yesotiifi na woliini jiru, nagaya sii d'aama;

Filemoni 1:9

Ammo waan anini si jaalad'uufi, wo si kad'ad'a. Anini waan kana ato Paulo nama maro isaatiifi hid'aansa keesa jiru taatele, inuma jed'a.

Mudhii Yohaannisii 2:10

Gaargala d'ufu insodaatiini! Ch'aqasi, Sheet'ani isani gari mana hid'aansa keesa buuse isani ilaalata; haga bulti kud'ani d'ipatani gaargaltani. Haga dootuuti nama d'ugefatani tahi, duuba anini eebafi jireenna sii kenna.