Efessoon 2:3 - KITAABA WAAQA

³ Nuuni ch'ufti duri aka worra suni jirra, d'araa nafa keenna gula yaane waan nafafi qalbiini teenna feetu ch'alla tolchine, ka sila akuma nama ch'ufa Waaqi nuleti dalanu male.

Efessoon 2:3 ပူးပေါင်းရင်းမြစ်များ

Uumama 5:3

Adamuuni ganna d'ibbafi sodoma gahe jennaani ilma waan ch'ufaani isa fakaatu d'ale maqa Sethi baaseefi.

Uumama 6:5

AABBO Waaqi aka hameenni namaa lafa ira dabre, ammalle heregi garaa worraa hojja ch'ufa hama arginaani,

Uumama 8:21

AABBO Waaqi ch'inch'a fooni gubani suni suufe jennaani waan ufiini jed'e, Anini deebie namaa jed'e lafa inabaaru, ato heregi garaa isaa haguma inni d'alate hamale tahe, yokhaani anini waan lubbu qaba aka qara balleese kana deebie imballeesu.

Aayubu 14:4

Nami waan qulqullo, waan t'uri keesaa baasu, injira? Injiru.

Aayubu 25:4

Nami akami dandae Waaqa durati d'uga qaba? Nami uwii d'alu akami dandae qulqullo taha?

Faaru 51:5

Anini haguma d'alad'e daba qaba, haguma duri garaa haad'a tiyya keesati uumame ch'ubbu qaba.

Isaya 53:6

Nuuni ch'ufti aka hooliye banne, abbu kara ufi gula bahe. Ammo AABBO Waaqi ch'ubbu teenna ch'ufa isa ira kaye.

Mariko 4:19

ammo d'ipu lafa tanaatiifi gammada horitiifi d'araani gosa ch'ufaa seente, dubbi qanch'arsitu, aka mid'aani imbaamne.

Yohana 1:13

Worri suni fed'i nama gula ind'alanne, yokhaani nami worra ind'alle, ammo Waaqati worra d'ale.

Yohana 8:44

Abbaani keesani Sheet'ana, ammalle d'araa abba keesani tolchu feetani. Inni haguma duriiti nama ijeesa, d'ugale woma ira inqabu, waan d'ugaani isa keesa injirreefi. Yo inni d'ara dubbate akuma ufi dubbata; wonti akanatiifi inni kiyyiba, abba d'araati.

Huji Ergattu 14:16

Inni duri aka gochiti ch'ufti aada ufi gula yaate iti lakise.

Roomaa 1:24

Waan nami akana daalleefi, Waaqi ya worra lakise, aka waan hamtu ka garaani worraa d'araufi tolchani waan ch'eera woli tolchani.

Roomaa 11:30

Ammo isani gochiti d'ibiini duri Waaqa diddani, amma ya naasu Waaqa argattani maro Yahudiini diddeefi.

Roomaa 13:14

Ammo miha lola ka Aabbo Yeso Kristo keyad'a, adaba keesani ka daba, ka d'araa nafa keesani quufsu lakisa.

Roomaa 2:14

Gochiti d'ibiini Seera inqabdu; ammo yo fed'i ufitiini waan Seeri fed'u tolchitu, worrumati seera ufi taha, ato Seera qabaachu dibatele.

Roomaa 5:10

Nu duri nyaapa Waaqaati, ammo inni duisa Ilma ufitiini jaalaani nu tolfate. Amma nu jaalaani Waaqaati, tanaafi jireenni Kristo hagasi ira nu baasa!

Roomaa 5:9

Waan maro d'iiga isaatiifi d'uga nu hereganiifi hagasi ira dalansu Waaqa dura nu baasa.

Roomaa 6:12

Dabi iti deebie nafa keesani imohatiini, aka isani d'araa nafa keesani gula iyaane.

Roomaa 7:18

Anini aka wonti dansaani na keesa injirre imbeekha, nafa kiyya keesa. Ato waan dansa tolchu fed'ele dandae intolchu.

Roomaa 9:22

Wonti Waaqi tolcheleeni akasuma. Inni dalansu ufi agarsiise jabeenna ufi nama beesisu fed'e. Tanaafi inni eele iti dalane diquma imballeesini suni guddo obseefi.

1 Korintho 4:7

Eentu nama d'ibi ira si guddise? Waaqati waan atini qabdu ch'ufa si kenneeyu? Yoosi, maafi ufi guddifta, aka waan waan atini qabdu ch'ufa tolaa sii inkenniini?

2 Korintho 7:1

Kakhu tana ch'ufa nuu khakhatani, jaalaani tiyya! Tanaafi waan nafafi lubbu t'ureesa laganna, qulqulloomne soda Waaqaa keesa tau malle.

Galatia 3:22

Ammo t'aafiini, Lafti ch'ufti jabeenna dabaa jala jirti yayu jette, aka worri d'ugefatu galata worra Yeso Kristo d'ugefatuuti kakhatani argatu.

Efessoon 2:2

Hojja suni kara lafa ka daba gula yaatani, hayyu jabeenna ka qilleensa ch'aqaftani, ka lubbu amma worra Waaqa inch'aqamne mohatu.

Efessoon 4:22

Tanaafi jireenna keesani dullacha duri, ka waan isani duri taatani isani tolche — jireenna duri ka d'araani hamtuuni balleesite baafad'a.

Kolosai 1:21

Duri wonti hamtuuni isani tolchitaniifi ta isani hereddani Waaqa ira isani fageesite, nyaapa isaa isani tolchite.

1Tasaloonqe 4:13

Oboleyaani, nu isanii waan d'uga ka worra due dabre barattani feena, aka isani aka worra abdi inqamne ilaalefanne.

1Tasaloonqe 5:6

Tanaafi nu aka biyya d'ibi rafu himmalle; hojja ch'ufa kurfo teenne eegu malle.

1 Timotheo 6:9

Ammo worri dureesa tahu fed'u ilaalacha keesa seene, t'urura daallumatiifi ka d'araa hamtu keesa seenani, ka baditi nama hirkisu.

Tiitoo 3:3

Wonti akanatiifi nuleeni duri daalle, dubbi inch'aqamne, ta wollaala tolchitu. Nu tissele d'araa nafatiifi gammada gosa ch'ufaa taane. Jireenna keenna ch'ufa daallumafi d'iibi keesa teenne. Nami hedduuni nu jibbe, nuleeni worra jibbine.

1 Petro 1:14

Ijoolle Waaqa saalfattu taha, d'araa gaafa woma imbeenne qabdani taani amma gula indeemina.

2 Petro 2:14

Worri waan tokole imillatu, nad'eeni male, sabdooma worraa ka gara daba haguma jirani inquufsani. Worri nama laafa ch'ufa t'urura keesa buusa. Onneeni worraa ya sabdooma baratte, tanaafi worri abaarsa Waaqa qaba.

2 Petro 2:18

Dubbi kiyyibatiifi ta daalluma dubbatani, nama diquma toko worra wollaala qabu keesaa imbahiini d'araa nafatiini sobani t'urura ke buusani.

1 Yohona 2:16

Wonti lafa keesa jira ch'ufti, d'araa nafatiifi d'araa ilaatiifi finna nami jaalatuleeni gara Abbaati ind'umne, ammo lafuma keesaa d'ufe.

1 Yohona 2:8

Taatule, seeri anini isani t'aafu hareesa, aka inni d'uga, isanifi Kristole keesati inargani. Wonti akanatiifi dukanti dabru jirti, ifsaani d'uga yayu ifse.