Danieli 7:24 - KITAABA WAAQA

²⁴ Gaafi kud'annaani suni hayyoota kud'ani ta lafa suni mohattu. Duuba eege hayyu d'ibiti d'ufa, ka hayyoota taani ch'ufa iraa goru; inni hayyoota sadi dabsata.

Danieli 7:24 ပူးပေါင်းရင်းမြစ်များ

Danieli 11:36

Hayyuuni lafa mirgaa waan fed'u tahe, anini waaqa ch'ufa ira jira jed'e ufi guddise, Waaqa guddale aka hama arabse akasiini nama mamsiisa. Inni haga Waaqi dallane badi isatini d'ufuti akasuma taha. Waaqi waan herege suni inuma guuta.

Danieli 2:41

Atini ammalle faana isaa ta sibiila guraachafi faaraani mid'aasani ya agarte. Suni wonti isiini garsiiftu, aka finni gargari qoodamu garsiifti. Finna suni keesa, jaba aka sibiilaati jira, akuma atini faarafi sibiila wolkeesa mid'aasani agarte kaani.

Danieli 7:20

Anini ammalle waan gaafa isaa kud'annaani kaanitifi gaafa didiqa eege bahe, gaafa sadeeni kaani bubuqise, beekhu fed'e. Gaafi sunini ilaafi afaani kiyyibo ufi totolcha qaba, ammalle gaafa kaani ch'ufa ira nama mudamsiisa.

Danieli 7:23

Wonti daayyani suni d'ooftu, ka inni nati hime tana: Bineensi afreeso suni lafa hayyuuni fidu toko ta lafa hayyuuni d'ibiini fidu ch'ufa iraa gortu. Isiini lafa ch'ufa ira ejaanjatte balleesiti.

Mudhii Yohaannisii 12:3

Akheekhi d'ibileeni gubba bahe. Jawe diimtu guddo toko, ta mata torbaafi gaafa kud'ani qabdu jira, ammalle mata ch'ufa gubba sure qabdi.

Mudhii Yohaannisii 13:1

Jennaani anini bineensa toko ka galaana keesaa bahu arge. Gaafa kud'anifi mata torba qaba, gaafa ch'ufa ira sure hayyumati jira, mata ch'ufa irati maqa hamama t'aafani.

Mudhii Yohaannisii 17:3

Lubbuuni na fuute, malaikaani lafa gamooji naa geesite. Achiti anini niiti toko, ta bineensa diima maqa hamama irati t'aafani gubba teetu, arge; bineensi suni mata torbaafi gaafa kud'ani qaba.