Danieli 3:28 - KITAABA WAAQA

²⁸ Hayyichi waan jed'e, Waaqa Shadrakatifi ka Meshekitifi ka Abednego faarsa! Inni malaika isaa erge, jara hojattu isaa ka isa d'ugeefate kana, baase. Worri lubbu ufi jibbaate seera kiyya ch'abse fulla gajed'e Waaqa isaani male waaqa d'ibi kad'atu.

Danieli 3:28 ပူးပေါင်းရင်းမြစ်များ

Uumama 9:26

Ammalle inni waan jed'e, AABBO Waaqi ha worra Shemu eebisu; Kanaaniini ha tisse Shemu tahuti.

1 Odu duri 5:20

Worri Waaqa abbadate qarqaarsa kad'ate, Waaqileeni kad'acha suni d'agaye gosa Hajiritifi goli worrale worra dabsachiise.

2 Odu duri 20:20

Boriyyaate ganama biyyiti kaate gara lafa aloo, ta d'aatu Tekoa, d'at'e. Ato worri yau, Yehoshefathini waan worraani jed'e, Gumi Yudatifi ta Yerusalemu, na ch'aqasa! AABBO Waaqa keesani abdad'a, duuba nami isani chochoosu injiru. Waan raagooti isaa isaniti himtu d'ugeefad'a, indabsattani.

2 Odu duri 32:21

Jennaani AABBO Waaqi malaika ufi erge malaikaani suni askarti Ashurutifi jara gugurda worrale hobaafte. Akanaani hayyichi Ashuru, ka ch'eeraani injirre, kae, lafa ufiti gale. Guyya toko, ato inni Mana Waaqa isaa keesa tau, ilmaani isaa hagi toko d'ufte goraadeeni isa ijeefte.

Kitaaba Izra'aa 1:3

Waaqi isani nama gumi isaa ch'ufa woliini jiraatinna kaa, Yerusalemu d'aqa, Mana AABBO Waaqa Israeli ka qara ch'ach'abe jaara — Waaqi dira suni isuma.

Kitaaba Izra'aa 6:11

Yo nami seera kana ch'abse, dareera mana isaa ha keesaa fuud'ani, gama toko qarani duuba isaani tumataniti; mana isale ha jissani huura tolchaniti.

Faaru 103:20

Isani malaikaani jajabduni, ta seera isaa guute dubbi isaa ch'aqaftu, AABBO Waaqa faarsa.

Faaru 147:11

ammo nama isa sodaate, jaalala isa ta ind'umanne abdatuti isa gammachiisa.

Faaru 33:18

AABBO Waaqi nama isaa saalfatu, ka jaalala isaa ta ind'umanne d'aabatu, eege qorqorata.

Faaru 33:21

Nu maro isaatiifi gammanne, maqa isaa qulqullo d'ugeefanna.

Faaru 34:22

AABBO Waaqi gumi ufii baase, nama isaati baqatu ch'ufa lubbu baasa.

Faaru 62:8

Ee gumi tiyya hojja ch'ufa Waaqa d'uge fad'a, gaargala keesani ch'ufa iti hima, nami nu iti baqannu isa.

Bahisa 20:5

Waan boch'ani mid'aasani kana tokole dura gajette inkad'atiini; wonti akanatiifi anini, AABBO Waaqi kanke, waan d'ibi na biraani kad'atani inoobsu. Anini ammalle nama jibbuufi d'aloota worraa ka sadeesotiifi ka afreesole gaargala itiini d'ufa.

Isaya 12:2

AABBO Waaqi ya na baase, anini isa d'ugeefad'e woma insodaad'u inni irree jabeenna naa kenne, naa baase.

Isaya 37:36

Malaikani AABBO Waaqa fulla duuli Ashuru jiru d'at'e, askarti nama kuma d'ibbafi saddeetami shani hobaafte, boriyyaate lafti bariinaani nami reefa ufuma ch'iisu arge.

Isaya 50:10

Isani keesaa nami AABBO Waaqa sodaate dubbi hojatu isaa saalfatu, ka ifsa male dukanaani deemu, ka maqa AABBO Waaqa abdate, Waaqa ufi d'aabbatu eenu?

Danieli 2:47

Ammalle hayyichi waan Danielini jed'e, D'uguma Waaqi kanke Waaqa Waaqa ch'ufati, ka abba hayyoota ch'ufa ka waan d'ossani ch'ufa namaa mullisu, Tanaafi atini waan d'ossani kana dandeete nati himte.

Danieli 3:25

Inni waan jed'eeni, Anini maanifi nama afuri ka ufumaa ibida keesa yau arga re? Worri hid'ansale inqabu ammalle nafi worraleeni diqole ingubanne namichi afreeso suni, inninu waaqa fakaata.

Danieli 4:34

Ganni torbaani kaani hobaanaani, anini, hayyu Nebukadrezani waaqa ollale, jennaani qalbini nati deebite. Jennaani anini Waaqa gudda faarse, isa ka haga jiru jireenna jiru guddise. Inni haga jiru jireenna mohata, finni isaleeni bara ch'ufa jira.

Danieli 6:16

Jennaani hayyichi seera baase, Danieli qaba, goda nyeench'i miju keesa buusa jed'e. Duuba inni waan Danielini jed'e, Waaqi kanke, ka atini guyya ch'ufa kad'atu, si baasinna

Danieli 6:26

Anini amma seera baasa, aka nami lafa anini fidu keesa jiru ch'ufti Waaqa Danieli sodaate saalfatufi. Inni Waaqa jiru, ka haga jiru jireenna tau. Finna isaa dandaani imballeesani jabeenni isaaleeni muumme inqabu.

Matayo 4:10

Jennaani Yesoni waan jed'eeni, na biraa deemi, Sheet'ana t'aafiini waan jettu Aabbo Waaqa kanke ch'alla guddisi isuma ch'alla hojad'u!

Huji Ergattu 4:19

Ammo worri waan jed'eeni, Isaniyu ilaala, dubbi teesani mo ta Waaqa ch'aqamna?

Huji Ergattu 5:19

Ammo malaikaani Aabbo toko d'ufte, halkani balbala bante, worra hid'aansa keesaa yaafte, waan jetteeni,

Roomaa 12:1

Tanaafi oboleyaani tiyya maro naasu Waaqa guddotiifi anini isani kad'ad'a; aka sorio jirtu Waaqaa ufi baasa huji isaa hojad'a isa gammachiisa. Tunini aada d'ugaa ta isani tolfachuu maltani.

1 Korintho 13:3

Yo anini waan qabu ch'ufa biyyaa kenne, Nafa kiyyale guba jed'e, ammo jaalala inqamne woma naa imbaatu.

Filipi 1:20

Wonti akanatiifi abdifi fed'iini tiyya tana — aka anini inch'eerfanne, ammo aka hojja ch'ufa, keesuma ammatana, anini garaa jabaad'u, aka jabeenna kiyya ch'ufaani Kristo ulfeesu, yo duefi yo jiraad'ele.

Ebrania 1:14

Malaikaani maani re? Worri lubbu Waaqaa hojattu, ammalle isati worra erga, aka worra baafama argatu qarqaartu.

Ebrania 11:37

D'akhaani d'aanani gargari ch'irani, sheeftiini fit'ani. Goga hooliyetiifi ka laleesa hid'atani, hiyyoomatani, d'ipatani gaargalchani.

1 Petro 1:21

Maro isatiifi isani Waaqa d'ugefattani, ka duisa keesaa isa kaase, guddinna kenneefi; tanaafi d'ugefachaafi abdiini teesanileeni Waaqa ilaalti.

Mudhii Yohaannisii 12:11

Oboleyaani teenna d'iiga Ilme Hoolatiifi d'uga worri odeesuuni isa dabsatte; worri kurfo jira aka jireenna ufi baase duu.