Danieli 11:35 - KITAABA WAAQA

³⁵ Jaarole qalbi qabdu suni haga toko infit'ani, aka akasiini gumi taani qulqulleesani aabo d'owani. Wonti kunini haga muummeeni Waaqi kurfeese d'uftuti halkani guyya inuma taati.

Danieli 11:35 ပူးပေါင်းရင်းမြစ်များ

2 Odu duri 32:31

ammalle gaafa jari jaaroleeni Babiloni isati ergite d'ufe waan akheekha waaqi tolche isa odeefate, Waaqi Hezekia yalabahe, aka akasiini isaa ilaalate, waan garaa isaa keesa jira hubatu.

Mammaasa 17:3

Worqifi qarsi ibidaani bassani ilaalani, AABBO Waaqileeni akasuma garaa namaa laala.

Isaya 27:9

Ammo hojaani Israeli daba araaramani, hojja d'akha sorio waaqa d'araati irati baasani ch'ach'absani daara tolchani. Ammalle waan hit'aani irati aarsanifi akheekha waaqa Ashera jed'ani balleesani ch'alla.

Danieli 11:27

Duuba hayyoota taani lamaani ta garaani worraa wolballeesu fed'u, mesa takaa ira woliini teteete wolti kiyyibdi. Ammo waan tahu fed'ani inargatani, wonti akanatiifi guyyaani wonti sunini taatu ingeenne.

Danieli 11:29

Eegi suni inni ammalle lafa bitaa suni d'ufe had'a, ammo marooni tunini aka d'ibi taati.

Danieli 11:33

Jaaroleeni qalbi qabdu nama heddu d'ibi barsiifte qalbi kennitifi ammo worra haga toko haga diqa toko, goradeefi ibidaani fit'ani, ka garile miha iraa saamani boojiani.

Danieli 11:40

Gaafa muummeeni geete hayyuuni lafa bitaa d'ufe isa had'e, hayyuuni mirgaleni fardafi gaari fardi hirkisufi hobolooni d'ufe isa ufi ira had'a. Inni akuma bisaani faach'aani, lafa fud'atani lafa heddu fud'ata.

Danieli 12:3

Jaaroleeni qalbi qabdu aka gubbani bilit'u bibilit'i; jari nama heddu d'uga barsiisuleeni akuma urji haga jiru jireenna ifsa.

Danieli 12:4

Inni waan nani jed'e, Danieli, amma kitaaba ch'ufi, beesisa ira kayi, haga muummeeni d'uftuti. Nami hedduuni olgadi orie waan baratu barbaada.

Danieli 8:10

Gaafi sunini aka male jabaate, Urji gubbale had'e haga toko lafati d'abbe ira ejaanjate.

Danieli 8:17

Gabrielini d'ufe na bira eje, jennaani anini mudame lafa d'ae. Inni waan nani jed'e namicha, waan daayyani d'ooftu hubad'u. Daayyani waan gaafa muumme lafti taatu d'oofti.

Danieli 8:19

Waan nani jed'e, Anini waan dallansuuni Waaqa gadiini d'uftu si garsiisuu jira. Daayyani tunini waan gaafa guyya muumme lafti taatu d'oofti.

Danieli 9:27

Hayyichi suni nama heddu, haga ganna torba, wold'aqisa woliini tolfata. Ammalle ganna torbaani suni jiddu keesati inni soriofi waan Waaqaa baasani ch'ufa balleesa. Waan hamtu nama rifachiisa fiit'e Mana Waaqa gubba kayani, haga nama achi kaye suni baddini Waaqi kurfeesefi sunini d'aqabduti.

Habakuki 2:3

T'aafad'i, wonti akanatiifi dubbini guutamu ingeenne; ammo yoi sunini fago injiru, wonti anini si garsiisu inguutamti. D'ufisi isaa hegeri, ato turele, inuma taha, ammo eeguma eegi; guyyaani sunini inuma d'ufa, inhanqatu, ammalle guddo inturu.

Zekaria 13:9

Anini tokocha hafe kaani ibida keesa kaye qulqulleesa, akuma qarsi ibidaani qulqulleesani yokhaani dansuma worqi ibidaani ilaalani. Duuba worri na yaamate, anileeni worra jala owaad'e waan jed'uuni, Worri kunini gumi tiyya. Worrileeni waan jed'u, AABBOONI Waaqa keenna.

Matayo 16:17

Yesoni waan jed'eeni, Ayyaani keti, Simoni, ilma Yona. Nafafi d'iigi waan kana siti imullimne, ammo Abba kiyya ka gubba jiruti siti mullise.

Matayo 26:56

Ammo wonti kunini ch'ufti aka wonti raagi jed'e, guutamtufi taate. Jennaani jari isaa ch'ufti isa lakise baqate.

Yohana 15:2

Dame na keesa jirtu ta mid'aani imbaamne ch'ufa inni imballeesa, dame mid'aani baaftu ch'ufa inni kolkoleti mid'aasa aka mid'aani haga qarale ira baaftu.

Yohana 20:25

Duuba jari kaani waan jed'eeni, Nu la Aabbo argine. Ammo inni waan worraani jed'e, Yo anini harka isaa keesa gadaanisa musumaraa arge, quba kiyya fulla musumaraani woraane ke kaye, harka kiyyale t'iit'a isaa keesa kaye male, diqo haganale ind'ugefad'u jed'e.

Huji Ergattu 13:13

Paulofi jari isa woliini jiru Pafo hobolooni kaani, Perge ta lafa Pamfilia d'ufani; ammo Yohanani ka Mariko jed'ani worra jala deebie Yerusalemuti gale.

Qaabacha Seera 8:16

Lafa gamooji ta aloo suni keesati sagale manna jed'ani, ta ababooti teesani taka inyaatini, isanii kenne. Inni aka isani ilaalatu gaargala isaniti buuse, aka eegi tana isani eebise, waan dansa isaanii kennu.

Yakobo 1:2

Oboleyaani tiyya, yo gaargala aka heddu argattani, aka gammada heregad'a;

Mudhii Yohaannisii 14:15

Malaikaani d'ibiini Mana Waaqa keesaa baate, nama dumansa gubba tau qonqo guddooni yaamte waan jetteeni, Haamtu tante fud'ad'u haami. Hojjaani haamani yayu geete; mid'aani yayu bilchaatani muraansa gahani.

Mudhii Yohaannisii 17:17

Waaqati fed'i inni fed'u aka tolchani garaa worraa ke kaye, aka worri waan takaa tahe, jabeenna mohatuuni bineensaa kennu haga dubbini Waaqa guutamtuuti.

Mudhii Yohaannisii 2:10

Gaargala d'ufu insodaatiini! Ch'aqasi, Sheet'ani isani gari mana hid'aansa keesa buuse isani ilaalata; haga bulti kud'ani d'ipatani gaargaltani. Haga dootuuti nama d'ugefatani tahi, duuba anini eebafi jireenna sii kenna.

Mudhii Yohaannisii 7:14

Anini waan jed'eeni, Anini imbeekhu, siti beekha. Inni waan naani jed'e, Kunini worra nagayaani gaargala jala bahe. Worri woya miich'ate d'iiga Hoolatiini adefate.