Boha 4:22 - KITAABA WAAQA

²² Sionini ya gati daba ufi baafte tanaafi, AABBO Waaqi harka worra nu boojie keesaa gadi nu d'iisa. Ammo ee Edomu, AABBO Waaqi si gaargalche wollaala kanke diidati baasa.

Boha 4:22 ပူးပေါင်းရင်းမြစ်များ

Faaru 137:7

Ee AABBO Waaqa, gaafa Yerusalemu qabani, waan worri Edomu tolche qaabad'i. Aka worri, Dira suni ch'ach'absa balleesa jed'e qaabad'i!

Isaya 40:2

Gumi Yerusalemu dubbi dansa iti dubbad'a. Waan jettaniini, gaargali keesani guddaani ya hobae, daba keesani amma la isanii araaramani. Anini maro daba keesanitifi yayu guddo isani gaargalche.

Isaya 52:1

Ee Yerusalemu, lafaa kai, garaa jabaad'i! Ee dira qulqullo, woya mid'aadu keeyad'i! Worri Waaqa imbeenne, ka aada inqamne, deebie fullo teetiini oli inseenu.

Isaya 60:18

Woraana deebiani si keesati ind'agayani — woni hamtuuni tokoleeni deebite si qabatte si imballeesitu. Anini naabo si tahe si qorqorad'a waan anini si baaseefi na faarsita.

Yeremia 32:40

Anini wold'aqisa jiru jireenna worra woliini tolfad'a. Waan dansa worraa tolchu illakisu, ammalle ufi sodaachisa, aka worri garaa tokooni na gula yae haga jiru naraa ingorre.

Yeremia 33:7

Anini worra Yudatifi ka Israeli eebise, finna duri worri keesa jiruti deebisa.

Yeremia 33:8

Anini ch'ubbu worri duri nati ch'ubbame ch'ufa iraa qulqulleese, wollaala worri na dide keesa seene ch'ufa araaramaafi.

Yeremia 49:10

Ammo anini d'aloota Esau ya waan ch'ufa iraa sosse fulla inni iti d'okhatule diidati baase, aka akasiini worri dandae deebie ind'okhanne. Worra Edomu ch'ufa ya balleesani, tokoleeni inhamne.

Yeremia 50:20

hojja guyyaani sunini gahu, Israeli keesati ch'ubbu tokole inargani, Yuda keesale hameenni injiru; wonti akanatiifi anini worra hambise kana ch'ubbu isani inaraaramafi, nami dubbi tana jed'e ana, AABBO Waaqa.

Boha 4:21

Isani worri Edomufi Usi amma haga dandeetani kobla gammada; badiini teesanileeni fago injirtu ya isani d'aqabu geete; isanileni amuma d'iotu ch'eeraani dadaaqa qulla yaatani.

Boha 4:6

Worri kiyya ya worra dira Sodoma ka ato worri imbeekatini harka Waaqatini bade ira gaargale.

Ezekieli 37:28

Hojja anini Mana kiyya ka haga jiru jireenna tau jiddu worrati jaarad'e, gochiti ch'ufti aka anini, AABBO Waaqi, gosa Israeli fohad'e gumi tiyya tolche beeti.

Ezekieli 6:12

Nami fago jiru fayyad'abe raawata; ka d'io jiru woraanaani hobaa; ka waan suni jalaa bahuleeni garaachani hobaa. Akanaani worri aka dallansuuni tiyya hamtu arga.

Obadia 1:10

Waan atini oboleesa kanke Yakobo irreeni saamteefi, ch'eeraani doota, haga jiru jireennale si balleesani.

Malaki 1:3

Esau jibbe. Anini layu lafa isaa ta gaareeni balleese waan inni qabu ch'ufa bineensa alati lakise.

Malaki 1:4

Yo worri Edomu, Ya nu balleesani, ammo nu dira keenna injaaranna jed'e, AABBO Waaqi Guddaani waan jed'u, Worri ha jaaratu, ammo anini ammalle inch'absa, haga nami ch'ufti worraani, Isani worra hama AABBO Waaqi injaalanne jed'uuti.