Boha 1:2 - KITAABA WAAQA

² Halkani ch'ufa boote, imimaani boqo ira yaani. Jaallowaani duri isiini qabdu ta d'ufte. Iraa hafi jettuuni tokoleeni injirtu. Golini isi ch'ufti yayu iti gargalte nyaapa iti taate.

Boha 1:2 ပူးပေါင်းရင်းမြစ်များ

Aayubu 6:15

Ammo jaalani tiyya, isani laga fakaatani, ka hojja bokaya inqamne gogogu.

Aayubu 7:3

Anini jia ch'ufa abdi woma tokole inqabu, halkani ch'ufa gaargalumati nati d'ufa.

Faaru 126:5

Worri gaafa mid'aani fach'aafatu bohe ha gaafa muratu gammaduti.

Faaru 31:11

Nyaapi kiyya ch'ufti, keesuma nami d'aatu tiyya jiru, ya na tufate, nami na beekhu na sodaate, hojja kara keesati na argule na baqata.

Faaru 6:6

Anini ya laalefad'e boha d'aqe ufi jibbaad'e, halkani ch'ufa sireeni tiyya imimaani kiyyaani jiiti, ilti tiyyaleeni d'impifte saabo tiyya ch'ooleesite.

Faaru 69:21

Gaafa anini beela qabu had'aa na nyaachisani; gaafa anini d'eebu qabu waan kurooftu na obaasani.

Mammaasa 19:7

Hiyyeesa oboleyaani isaleeni infeetu, jaalani isaleeni hagasi ira jibbiti. Inni ato waan fed'u tahele jaalani inargatu.

Yeremia 13:17

Yo isani ch'aqasu diddani, anini maro kiyyiba keesanitifi d'ofad'e boha; anini aka male, ka imimaani ila tiyya keesaa yaani, boha waan gumi AABBO Waaqa boojianifi.

Yeremia 2:25

Ee Israeli, ufumaa teetani miila keesani indad'absisina, yokhaani waaqa d'ibi gula deemtani lubbu teesani ingogosina. Ammo isani waan jettani, Hiyo, nu dandeenne illakimnu, nu yayu waaqa d'ibi jaalane, isuma gula baana.

Yeremia 3:1

AABBO Waaqi waan jed'u, Yo nami niiti ufi jalaa baase, nami d'ibiini isii fuud'e, inni dandae deefata? Lafti suni yo akasi int'urooftu? Ammo isani worri Israeli ka jaalani heddu qabdani, nati deebiu feetani?

Yeremia 30:14

Jaalani teesani ch'ufti ya isani deete, worri diqole waan keesani iyyaalu. Waan dabi keesani heddate, ch'ubbuuni teesani lafa ira dabarteefi, anini aka nyaapa isani had'e gaargala gudda isanitini d'ufe.

Yeremia 4:30

Ee Yerusalemu! Atini ya badde! Atini maafi woya diimtu uyifatte, faaya worqi naqatte, ila kuulatta? Atini ufumaa ufi ch'ota! Jaalani tante ya si jibbite si ijeesu feeti.

Yeremia 9:1

Ato sila mataani kiyya madda bisaani tahe, ilti tiyya laga imimaani taate akami fed'a! Sila anini dandae halkani guyya gumi tiyya ta fit'ani boha.

Boha 1:19

Anini goli tiyya yaamad'e, ammo worri na qarqaaru dide. Qaaloleefi jari gugurdaleni ato waan liqimsu ka ufiini jireesu barbaadu kara dira keesati raawate.

Boha 1:21

Waacha tiyya ch'aqasi; nami tokoleeni ka, iraa hafi nani jed'u injiru. Nyaapi kiyya badi atini natiini d'ufte tana ira guddo gammada. Guyya atini, si qarqaara jette kaaniini kooti, aka anini amma gaargala kana, nyaapa kiyya gaargalchi.

Boha 1:9

T'urini isi iti marate, ammo isiini waan iti deemtu iyyaalle. Isiini gaafa jidde aka hama lafa d'oofte; nami tokoleeni ka iraa hafi jed'eeni injiru. Nyaapi yayu isi dabsate, duuba isiini naasu AABBO Waaqaati booti.

Boha 2:11

Ilti ya bohaani na luluqaate, garaani kiyyaleni ya aka male gaargale, ammalle waan gosa tiyya balleesanifi laalalti ya garaa na yakite. Ijoolleefi daimi didiqaleeni gagagabe kara dira keesati jijige.

Ezekieli 16:37

Maro waan kanatifi anini gaarayoota tante ta atini jaalatufi ta atini jibbitule ch'ufa wolti baase, ila worraa durati qunch'ise woya siraa baase qulla si d'aaba.

Hosea 2:7

Isiini garayoota isii irreebdi ammo ind'aqabdu, ammalle imbarbaadi ammo inargattu. Duuba isiini ufi jibbaatte waan jettu, Anini d'iirsuma kiyyati deebia — gaafuma d'iirsa kiyya woliini jiru aka dansaa taa, ammatana ira.

Mika 7:5

Olla kanke ind'ugeefatiini, yokhaani jaala kanke inquufiini; niiti tante ta woliini raftanile iti indagatiini.

Mudhii Yohaannisii 17:13

Worri kunini ch'ufti herega takaa qaba, aka humnafi jabeenna ufi ch'ufa bineensa suni kennani.

Mudhii Yohaannisii 17:16

Gaafa kud'annaani atini garteefi bineensileeni sharmut'iti taani injiba; waan isiini qabdu ch'ufa fud'atani, qulla isii lakisani; fooni isii nyaatani, ibidaani isii gubani.