Bahisa 3:18 - KITAABA WAAQA

¹⁸ Duuba dubbi tante ch'aqasani sifi jaaroleeni Israeli gara hayyu Misiri deemtani waan jettaniini, AABBO Waaqa, Waaqa Ebraniatini ya wolgarre. Amma si kad'anna, aka atini guyya sadi nu gadi d'iifte lafa alooti imaltu yaana, aka sorio AABBO Waaqa keenna qallu.

Bahisa 3:18 ပူးပေါင်းရင်းမြစ်များ

Uumama 12:1

AABBO Waaqi waan Abramuuni jed'e, Lafa iti d'alattefi fiit'a tanteetiifi worra abbeetile lakisi, haga lafa anini si agarsiisu deemi.

Uumama 14:13

Ammo namichi toko baqate waan kana ch'ufa Abramu ka gosa Ebraniati hime; inni gaafasi fulla mukeeni woyyu, ta namicha Mamre gosa Amori jed'ani, d'aatu jira. Mamrefi oboleyaani isaa Eshkolifi Aneriini golli Abramuti.

Uumama 15:1

Eegi suni Abramuuni qonqo AABBO Waaqa ta daayya keesa iti d'ufte d'agaye. Qonqooni suni waan jette, Abramu, insodaatini, anini wonte sii tahe waan guddo sii tolcha.

Uumama 17:1

Ganni Abramu sagaltami sagali geennaani AABBO Waaqi isati mullate waan jed'eeni, Anini Waaqa Gudda. Na ch'aqasi, waan hamtu intolchini.

Uumama 48:3

Yakobooni waan Yusufuuni jed'e, Waaqi Guddaani lafa Kanaani keesati fulla Luzuti nati mullate na eebise

2 Odu duri 30:12

Waaqileeni worra Yudale qarqaare, worra ch'ufa garaa takaa tolche, aka worri fed'i isaa gula yae jecha jaaroleetifi ka hayyu guutu.

Faaru 110:3

Guyya atini nyaapa kanke haatu, nami kanke ufi gabaasa. Akuma fit'eesa ganamaa, kaima kanke gaareeni kanke qulqullo irati siti d'ufa.

Bahisa 10:3

Duuba Musafi Harunini gara Farao d'aqani waan jed'aniini, AABBOONI, Waaqi Ebrania, waan siini jed'u, Haga yoomi atini naa saalfachu didda? Worra kiyya gad'iisi, aka worri deeme na kad'atu.

Bahisa 17:5

Duuba AABBO Waaqi waan Musani jed'e, Jaarole Israeli ta gari fuud'i, biyya dura dabri. Ule galaana Niletini d'oofte taanile fuud'i deemiini.

Bahisa 19:1

Guyya qara ka jia sadeeso, eegi worri Israeli lafa Misiri keesaa bahe, worri lafa aloo ta Sinai qubate.

Bahisa 25:22

Anini artiti d'ufe si arga, ammalle qadaada suni gubbaa, jiddu waan koola kaani lamaaniti, anini seera worra Israeli ch'ufa siti hima.

Bahisa 3:12

Waaqi waan jed'eeni, Anini wahela sii taha, aka anini si ergu waan kanaani beeta: eegi atini worra kana lafa Misiri keesaa baafte, isani gaaruma kana irati Waaqa kad'attani.

Bahisa 3:16

Beeni, jaarole Israeli ch'ufa wolti yaami waan jettuuni, AABBOONI, Waaqi ababoota teesani, Waaqi Abrahamu, ka Isaaqo, ka Yakobo, nati mullate waan naani jed'e, Anini waan lafa Misiri keesati isani tolchani ya arge.

Bahisa 30:36

Riiqi bulleesi, Waaro Woyyumati geesi, Sanduqa Wold'aqisa durati firfirsi, waan urgaa kana aka isiini guddo qulqullo heregi.

Bahisa 30:6

Waan mesa fakaata kana golla Sanduqa Wold'aqisa durati hid'ani dura d'aabi. Sunini fulla anini iti d'ufe si argu.

Bahisa 4:1

Jennaani Musani waan jed'eeni, Ammo yo worri na d'ugeefate yokhaani na ch'aqasu dide, AABBO Waaqi siti imullanne naani jed'e, ani maal taha?

Bahisa 4:23

Ammalle waan anini siini jed'u, Ilma kiyya gad'iisi, aka inni na hojatu; ammo yo atini didde, anini ilma kanke ka angafa ijeesa.

Bahisa 4:24

Kara keesa, fulla inni buleti, AABBO Waaqi Musani bahe ijeesu fed'e.

Bahisa 4:31

Biyyiti dubbi suni ind'ugeefatte, ammalle aka AABBO Waaqi worra Israeliti d'ufe gaargala worraa arge d'ageennaani, mataani lafati gajejed'ani isa guddisani.

Bahisa 5:1

Eegi suni Musafi Harunini gara Farao d'aqani waan jed'aniini, AABBO, Waaqi Israeli, waan jed'u, Worra kiyya galakisi, aka worri lafa aloo d'aqe jila naa tolchu.

Bahisa 5:3

Jennaani worri waan jed'e, Waaqi gosa Ebrania ya nuti mullate. Haga guyya sadi nu gad'iisi, lafa aloo yaane, sorio AABBO Waaqa keenna baamna, aka inni d'ukubafi woraanaani nu imballeesine.

Bahisa 7:16

Duuba waan atini isaani jettu, AABBO, Waaqi gosa Ebrania, gara kanke na erge waan jed'e, Worra kiyya galakisi, aka lafa aloo keesati na kad'atu; ammo haga amma atini ch'aqasu didde.

Bahisa 8:1

Jennaani AABBO Waaqi waan Musani jed'e, Faraoti olseeni waan jettuuni, Worra kiyya galakisi, aka worri na kad'atu.

Bahisa 8:20

Jennaani AABBO Waaqi waan Musani jed'e, Bori ganama lafaa kai, Farao gara galaana deemu eegi waan jettuuni, AABBO Waaqi waan jed'e, Worra kiyya gad'iisi, aka worri na kad'atu.

Bahisa 8:23

Akanaani worra kiyyafi kanke gargari baasa. Akheekhi kunini bori guutama.

Bahisa 9:1

Duuba AABBO Waaqi waan Musani jed'e, Beeni, gara hayyu d'aqi waan jettuuni, AABBO Waaqi, Waaqa Ebrania, waan jed'u, Worra kiyya gad'iisi, aka worri na kad'atu.

Bahisa 9:13

Jennaani AABBO Waaqi waan Musani jed'e, Ganama lafaa kai, waan ati Faraoni jettu, AABBOONI, Waaqi Ebrania, waan jed'u, Worra kiyya gad'iisi, aka worri deeme na kad'atu.

Isaya 64:5

Atini nama gammadaani d'uga gula deeme kara kanke jabeese qaabatu qarqaarta. Ato atini nuti dallantele, nu daba iraa indeebine, hojja ch'ufa inuma tolchina. Ato dallansuuni tante guddo taatele, nu haguma duriti ch'ubbuma gula yaane.

Yeremia 2:2

Beeni, Yerusalemu d'aqi, waan nama isii ch'ufaani jettu, AABBO Waaqi waan jed'u, Anini imbeekha, aka atini gaafa kaima na d'ugeefatte, gaafa anini si fuud'e na jaalatte. Atini lafa gamooji keesa na gula deemte, lafa nami takaa infach'aasini.

Yeremia 2:6

Worri, ato anini lafa Misiri keesaa baase lafa aloo ta gamooji lafa d'eebicha ta maansa qabdu, lafa goddu gaargala heddu qabdu, ta nami tokoleeni iti qubate yokhaani imaltule keesa indeemne, keesa worraani deemele, diqole na iyyaalle.

Yeremia 26:5

raagoota hojattu tiyya, ta anini bara ch'ufa isaniti ergele ch'aqasu diddani.

Henna 17:4

Ule suni fulla Waaro Woyyuma geesi, Sanduqa Wold'aqisa fulla anini isaniti d'ufu dura naqi.

Yoshua 1:17

Akuma Musa ch'aqamne sille ch'aqamna: AABBO Waaqi, akuma Musa wahelche sillee wahelchina!