Bahisa 24:3 - KITAABA WAAQA

³ Musani deebie seerafi gorsa AABBO Waaqi jed'eeni ch'ufa worrati hime. Nami ch'ufti qonqo takaani jalaa qabe waan jed'e, Waan ch'ufa ka Waaqi jed'e intolchina.

Bahisa 24:3 ပူးပေါင်းရင်းမြစ်များ

2 Odu duri 15:14

lalabani, Waaqa durati kakhatani, iyyaani, magalata d'aani waan jed'ani, Nu wold'aqisa kana inguunna.

2 Odu duri 15:15

Worri Yuda ch'ufti, maro wold'aqisa kana garaa tokooni tolfateefi, gammade. Duuba aka dansaa jabatani, AABBO Waaqa kad'atani, innileeni kad'acha worraa d'agayeefi, lafa worra ganna ch'ufa nagaya tolche.

Faaru 50:5

Ammalle waan inni jed'u, gumi tiyya, ta na d'ugeefatu, wolti na baasa, worra sorio na baase wold'aqisa na woliini tolfate.

Bahisa 19:8

Worri ch'ufti woligale waan jed'e, Waan AABBO Waaqi jed'e ch'ufa intolchina. Duuba Musani qonqo worraa ch'ufa AABBO Waaqati deebise.

Bahisa 24:2

Si male nami tokoleeni nati gadi ind'iaatiini, biyyitileeni gaara olinkoriini.

Bahisa 24:7

Jennaani inni kitaaba wold'aqisaa ka aada AABBO Waaqaa keesati t'aafani fuud'e qonqo olfud'ate biyyaa soome. Worri waan jed'e, Nu waan AABBO Waaqi jed'e guunne tolchina.

Yeremia 11:4

Wold'aqisa kunini ka anini duri ababoota teesani woliini tolfad'e, gaafa anini worra lafa Misiri, ta ibida bobau worrati fakaatu, keesaa baase. Anini gaafasi waan worraani jed'e, Na ch'aqasa, waan anini isaniini jed'u ch'ufa guuta; duuba isani nama kiyya taatani, aninileeni Waaqa keesani taha.

Yeremia 34:13

Waaqi Israeli waan nani jed'e, Waan atini gumi tanaani jettu: gaafa anini ababoota teesani lafa Misiri keesaa baase tissooma keesaa galakise, anini wold'aqisa worra woliini tolfad'e. Anini waan worraani jed'e,

Hagai 2:5

Gaafa isani lafa Misiri keesaa baatani, Haga jiru jireenna isani woliini taa jed'e, ammalle isanuma woliini jira, insodaatina jed'e.

Malaki 2:10

Nu ch'ufa abbaani takani ind'alle? Waaqi takachi nu ch'ufa inuumne? Duuba nu maafi waan woli tolchina jenne guutu dinna, ammalle maafi wold'aqisa Waaqi ababooti teenna woliini tolfate tufanna?

Qaabacha Seera 11:1

AABBO Waaqa keesani jaalad'a, guyya ch'ufa dubbifi gorsaafi aadaafi seera isaa guuta.

Qaabacha Seera 4:1

Jennaani Musani waan biyyaani jed'e, seerafi waan anini isaani barsiise ch'ufa jabeesa guuta, aka lafa AABBO Waaqi, ababoota teesaniini, isanii kennu fud'attani.

Qaabacha Seera 4:45

Gaafi inni seera kana kenneefi sunileeni eegi worri lafa Misiri keesaa bahe, bale galaana Yordanitini ilaboru jirtu, ta dira Beth-Peoritini gama jiru. Fullaani suni lafa hayyu Sioni, jed'ani ka gosa Amori ka dira Heshboni ke jirti. Hayyuuni suni ka duri Musafi gumiini Israeli, gaafa lafa Misiriti d'ufte dabsate.

Qaabacha Seera 4:5

Anini akuma AABBO Waaqi kiyya naani jed'e ya seera ch'ufa isani barsiise. Lafa amma isani diquma fud'attani iti inqubatini suni keesaleti, seera kana jabeesa guuta.

Qaabacha Seera 5:1

Musani gosa Israeli ch'ufa wolti yaame waan jed'eeni, gosa Israeli, Seera anini arra isani kennu ch'ufa d'agaya, barad'a, aka dansaa jabeesa, guuta.

Qaabacha Seera 5:31

Ammo atini, Musa, arma na woliini tai, duuba anini aadaafi seera kiyya ch'ufa sii kenna. Biyya barsiisi, aka worri lafa amma anini kennuufi tana keesati jabeese guutu.

Qaabacha Seera 6:1

Tunini aadaafi seera AABBO Waaqi keesani worra kana barsiisi, gorsi naani jed'e. Lafa isani amma tana fud'atani iti qubachuu geettani tana keesati jabeesa guuta.

Yoshua 24:21

Biyyiti waan Yoshuani jette, Hiyo, akananiti, nu AABBO Waaqa inuma hojanna.

Yoshua 24:22

Jennaani Yoshuani waan worraani jed'e, D'ugaani teesanileeni isanuma, aka isani AABBO Waaqa fohattani isa hojattani worri waan jed'eeni, hataatuti, d'ugaani teennalleeni ha nuuma taatu.

Yoshua 24:24

Duuba biyyiti waan Yoshuani jette, Nu AABBO Waaqa keenna hojanne dubbi isaa gula yaana.