Bahisa 20:2 - KITAABA WAAQA

² Anini AABBO Waaqa kanketi, ka lafa Misiri fulla atini tisse iti tate keesaa si baase.

Bahisa 20:2 ပူးပေါင်းရင်းမြစ်များ

1 Hayyoota 18:39

Biyyiti waan kana ch'ufa garte jennaani lafati jijidde, lalabde waan jette, AABBOONI Waaqa, isa male Waaqi d'ibiini injiru!

2 Hayyoota 17:12

seera AABBO Waaqa ka Waaqa harkaani boch'ani inkad'atiina jed'u, ch'abse.

2 Hayyoota 17:7

Wonti dira Samaria akasi taheefi waan worri Israeli AABBO Waaqa isaani, ka worra harka hayyu Misiritiifi lafa Misiri keesa baase durati, ch'ubbu tolcheefi. Worri waaqoota d'ibi kad'ate,

2 Odu duri 28:5

Waan hayyu Ahazini waan hamtu suni taheefi, AABBO Waaqi isa harka hayyu Shamuti isa kenne. Hayyuuni sunini isa dabsate nama Yuda heddu boojie dira Damaskiti galche. AABBO Waaqi hayyu Israeli, ka Peka ilma Remalia jed'ani, Ahazi dabsachiise, duuba inni guyya toko keesa askarti Yuda jajanna nama kuma d'ibbafi diddama fit'e. Wonti AABBO Waaqi nyaapa suni worra Yudati lakiseefi waan worri isa dide Baali gula baheefi.

Faaru 50:7

Gumi tiyya, na ch'aqasa, anini woi jechu fed'a, ee worra Israeli, anini isani himad'a, anini Waaqa, Waaqa keesani.

Faaru 81:10

Anini AABBO Waaqa keesani, ka lafa Misiri keesaa isani baase. Afaani keesani na dura qabad'a, anini isani quubsa.

Faaru 81:11

Ammo gumiini tiyya na ch'aqasu dide, worri Israeli naa saalfachuu dide.

Faaru 81:7

Isani gaafa gaargala qabdani na yaamatani, jennaani anini d'ufe isani baase. Anini fulla mandisu, ta iti d'okhad'u keesa, isani jala owaad'e madda Meribati isani ilaalad'e.

Bahisa 13:14

Eegi tana, yo ilmaani teesani, Wonti kunini maani? jette isani gaafate, waan jettaniini, AABBO Waaqi irre isaa guddooni lafa Misiri ta nu tisse keesati taane harka ufitiini keesaa nu baase jed'aani.

Bahisa 13:3

Musani waan gumiini Israelitini jed'e, Guyya kana ka isani lafa Misiri boola tissooma keesaa baatani, ka AABBO Waaqi harka ufitiini lafa suni keesaa isani baase qaabad'a; qit'a bukho qabu inyaatina.

Bahisa 15:13

Jaalala tante guddooni atini worra ati baafte dura deemte; irre teetiini worra qorqoratte lafa tante qulqullooni d'ufte.

Bahisa 15:16

Sodaafi mudamsuuni worra qabati. Worri jabeenna kanke arge aka d'akha ch'allise, haga gumiini tante ch'ufti dabartuti: gosa atini tissuma keesaa baafte, ee AABBO Waaqa.

Bahisa 15:26

waan jed'e, Yo isani AABBO Waaqa keesani d'ageetani waan inni fed'u guutani waan d'uga tolchitani seera isaa jabeesitani, anini d'ukuba worra Misiritiini d'ufe suni tokoleeni isani ingaargalchu. Wonti akanatiifi anini AABBO Waaqa, ka isani fayyisu.

Bahisa 20:1

Waaqi dubbi tana dubbate waan jed'e:

Bahisa 29:46

Worrileeni imbeekha aka anini AABBO, Waaqa isaani, ka lafa Misiri keesa worra baase worra keesa tau. Anini AABBO, Waaqa worraati.

Bahisa 6:6

Duuba waan worra Israelitini jettu, Anini AABBO Waaqa; anini huji hamtu gosa Misirii keesaa isani fuud'e, tissooma worrale keesaa isani baase, harka kiyya d'eerefad'e worra suni balleese isani baasa.

Isaya 43:3

Wonti akanatiifi anini AABBO, Waaqa keesani, Waaqa qulqullo Israeli, ka isani baasu. Anini worra Misiritiini isani bite, worra Kushitifi ka Sebatini isani balchoomsa.

Yeremia 16:14

AABBO Waaqi waan jed'u, Guyyaani ind'ufa, ka nami deebie, Nu maqa AABBO Waaqa ka lafa Misiri keesa gumi Israeli baaseni kakhanna injenne.

Yeremia 2:6

Worri, ato anini lafa Misiri keesaa baase lafa aloo ta gamooji lafa d'eebicha ta maansa qabdu, lafa goddu gaargala heddu qabdu, ta nami tokoleeni iti qubate yokhaani imaltule keesa indeemne, keesa worraani deemele, diqole na iyyaalle.

Yeremia 31:1

AABBO Waaqi waan jed'u, Guyyaani ind'ufa, ka anini gosa Israeli ch'ufaa Waaqa tahe, worrileeni gumi tiyya tahu.

Yeremia 31:33

Wold'aqisi haraai anini worra Israeli woliini tolfad'u kana; anini seera kiyya qalbi worra keesa kaye, garaa worraa keesati t'aafa. Anini Waaqa worraa tahe, worrileeni gumi tiyya taha.

Yeremia 34:13

Waaqi Israeli waan nani jed'e, Waan atini gumi tanaani jettu: gaafa anini ababoota teesani lafa Misiri keesaa baase tissooma keesaa galakise, anini wold'aqisa worra woliini tolfad'e. Anini waan worraani jed'e,

Ezekieli 20:19

Anini AABBO, Waaqa keesani, aadaafi seera kiyya jabeesa guuta, gula deema.

Ezekieli 20:5

waan jettuuni, wonti AABBO Waaqi guddaani jed'u tana: Anini gaafa worri Israeli fohad'e; Worrati kakhad'e, lafa Misiri keesati ufi agarsiise waan jed'eeni: Anini AABBO, Waaqa keesani.

Ezekieli 20:7

Duuba waan jed'eeni, Isani ch'ufti waan ch'eera hamtu isani waaqa tolfatani kana boolati d'aa, waaqa d'ara ka Misiri kana gula yaatani akanaani ufi int'ureesina. Anini AABBO, Waaqa keesani.

Hosea 12:10

Anini raagoota dubbise daayya heddu worra garsiise, ammalle raagani gumi tiyya mammaasa heddu barsiise.

Hosea 13:4

AABBO Waaqi waan jed'u, Anini AABBO, Waaqa keesani, ka lafa Misiri keesaa isani baase. Isani na male Waaqa d'ibi imbeetani, na male qarqaarsi keesani d'ibiini injiru.

Lawi 11:45

Anini Waaqa keesani, ka lafa Misiri keesaa isani baase, aka Waaqa keesani tahu. Tanaafi akuma anini qulqullo isanileeni qulqullo tahu maltani.

Lawi 19:36

Waan woini biimitani miisanafi waan d'ibile taanaani, waan d'ugaatini wobiima, nama indabsina. Anini AABBO, Waaqa keesani, ka lafa Misiri keesaa isani baase.

Lawi 23:43

aka akanaani d'alooti keesani aka anini worra Israeli duri hoosa keesati galche beekhu, gaafa anini lafa Misiri keesaa baase. Anini AABBO, Waaqa keesani.

Lawi 25:38

Tunini dubbi AABBO Waaqa keesani, kafa Misiri keesaa isani baase, Waaqa keesani tahe lafa kanaani isanii kenne.

Lawi 25:42

Worri Israeli tissele AABBO Waaqaati ka inni lafa Misiri keesa baase; tanaafi worra gurgurani tisse tolchu himmalle.

Lawi 25:55

Nami gosa Israeli dandate haga jiru tisse namaa intahu, wonti akanatiifi worri tissele tiyya ta anini lafa Misiri keesaa baase. Anini AABBO Waaqa keesani.

Lawi 26:1

Ammalle AABBO Waaqi Waan jed'e, Waan harkaani mid'aaani, d'akha boch'ani taanaani, akheekha woi taanaani, d'akha old'ad'aabani taanaani, tokole mid'aafatani inkad'atiina. Wonti akanatiifi anini AABBO Waaqa keesani.

Lawi 26:13

Anini AABBO Waaqa keesani ka lafa Misiri keesaa isani baase tisse tahu isani d'owe. Anini qaampara keesani ch'abse oli isani jechisiise.

Amosi 2:10

Nami lafa Misiri keesaa isani baase lafa aloo ta gamooji ganna afurtama keesa isaniini deeme, ammalle lafa gosa Amori isanii kenne ana.

Roomaa 10:12

Wonti akanatiifi jiddu Yahuditiifi gosa d'ibile wolhanqooni injirtu; Waaqi Aabbo, inni nama ch'ufa imohata, nama isa yaamatu ch'ufa ineebisa.

Roomaa 3:29

Waaqi ka Yahudi ch'alla? Inni Waaqa gosa d'ibitiniti? Inni Waaqa gosa ch'ufaati.

Qaabacha Seera 13:10

D'akhaani d'ai, ijeesi! Wonti akanatiifi inni AABBO Waaqa kanke, ka lafa Misiri, fulla isani tisse iti taatani, keesaa isaani baase, iraa si gorsu fed'a.

Qaabacha Seera 15:15

Qaabad'a, isanileeni duri, lafa Misiri keesati, tisse, ka AABBO Waaqi keesani keesaa isani baase: Tanaafi anini arra seera kana isanii keenna.

Qaabacha Seera 20:1

Hojja isani nyaapa keesanini wolhad'u d'at'ani, gaari fardi hirkisufi fardoole askarti heddu ta teesani ira jirtu argitani, worra insodaatina. AABBO Waaqi keesani, ka lafa Misiri keesaa isani baase, isani woliini jira.

Qaabacha Seera 5:15

Qaabad'i, aka atini duri lafa Misiri keesati tisse taate ammalle anini AABBO Waaqi kanke jabeenna kiyyafi humna tiyyaani si baase. Tanaafi anini guyya Sabato jabeesi siini jed'a.

Qaabacha Seera 5:6

Anini AABBO Waaqa kanke ka lafa Misiri fulla atini tisse iti taate keesaa si baase.

Qaabacha Seera 7:8

Ammo AABBO Waaqi isani jaalate kakhu inni ababoota teesani kakhate guute. Tanaafi inni jabeenna isaa guddaani isani baase, harka Farao, hayyu Misiri, ka isani tisse isaa taatani keesaa isani baase.

Jaallaboota 2:1

Malaikaani AABBO Waaqa Gilgali kaate, Bokimu d'at'e waan worra Israelitini jette, Anini lafa anini ababoota teesaniti kakhad'e isaniini d'ufe, waan jed'e, Anini deebie wold'aqisa isani woliini tolfad'e inch'absu.

Jaallaboota 6:10

Ammalle anini waan isaniini jed'e, Anini AABBO Waaqa keesani; waaqoota worra Amori ka amma isani lafa isaani keesa teetani inkad'atiina. Ammo isani dubbi tiyya d'agayu diddani.