Bahisa 15:7 - KITAABA WAAQA

⁷ Jabeenna kanke guddaani ati nyaapa kanke buufte ufi dura gorsita; dallansuuni tante bobeete aka buuyo gubde worra balleesiti.

Bahisa 15:7 ပူးပေါင်းရင်းမြစ်များ

Aayubu 9:4

Waaqi guddo qaroomafi jabeenna qaba, Eenuti dandae isa dura eje, isaani wo morma?

Faaru 148:13

Worri kunini ch'ufti ha maqa AABBO Waaqa faarsuti! Wonti akanatiifi maqaani isaa maqa waan ch'ufa ira jira; ammalle guddinni isaa lafafi gubbale ira jira.

Faaru 59:13

dallansu tante keesa aka taka inargini worra hafuu d'owi lafa iraa hobaasi. Duuba akanaani aka AABBO Waaqi lafa Israeli mohate, mohachaani isaa muumme lafa ch'ufa geetu, beekhani.

Faaru 83:13

Ee Waaqa, aka bubbeeni awaara firfirsitu worra firfirsi, akuma bua buuyo ta bubbeeni fuutu.

Bahisa 14:27

Duuba Musani harka isaa galaana ira qabe, lafti bariinaani bisaani galaana irre jabduuni deebiani. Worra Misiri ka jiddu baqachuu jiru AABBO Waaqi bisaani ira deebise hobaase.

Bahisa 5:12

Jennaani worri gargari babahe gara ch'ufa lafa Misiri ke yae ch'idi barbaade.

Bahisa 9:16

Ammo wonti anini isani fit'u dideefi, aka isani irre tiyya agartani, gurri kiyya lafa ch'ufaa gahu.

Isaya 37:17

Amma, ee AABBO Waaqa, nu d'agayi, waan harkaa nu qaba kana argi, araba Senakeribuni sii Waaqa gudda arabsu kana ch'ufa d'agayi.

Isaya 37:23

Nama atini arabsite goyeesite kana eenu seeta? Nami atini tufate sunini anuma, Waaqa Israeli qulqullo.

Isaya 37:29

Anini yayu kiyyiba kanke suni d'agaye tanaafi amma kiyyoofi lugama siti kaye si hirkise kara atini d'ufte kaani si deebisa.

Isaya 37:36

Malaikani AABBO Waaqa fulla duuli Ashuru jiru d'at'e, askarti nama kuma d'ibbafi saddeetami shani hobaafte, boriyyaate lafti bariinaani nami reefa ufuma ch'iisu arge.

Isaya 37:38

Guyya toko, ato inni mana waaqa isaa, ka Nizroki jed'ani, keesa tae waaqa kad'atu, ilmaani isaa lama, Adramelekifi Sharezani goraade ufitini isa ijeefte, lafa Araratiti baqatte. Duuba ilmi isaa ka Esar-Hadoni jed'ani fulla isaa hayyu tahe.

Isaya 47:14

Worri sunini jirma buuyo ka ibidi gubu fakaata! Worri sunini dandae ibida suni jalaa ufi imbaasu, ibidi sunini waan nami qanqamaatuniti.

Isaya 5:16

Ammo AABBO Waaqi guddaani waan d'uga tolche, guddinna ufii garsiise, gumi ufii qore, akasiini qulqullooma ufii mullisa.

Isaya 5:24

Tanaafi amma tana akuma okhayafi buuyooni godduuni ibida keesati gubatu, akasuma hiddi keesani shame, daraaraani keesani goge bubbeeni fud'atti, waan isani, waan AABBO guddaani, Waaqi Israelii, qulqullooni nu barsiise, diddaniifi.

Yeremia 10:6

Ee AABBO Waaqa, nami aka keeti lafa keesa injiru; atini gudda, maqaani kankeleeni gudda, ammalle jabeenna qaba.

Mika 4:11

Amma gochiti hedduuni wolti baate isani haate waan jettu, Sioni balleesani t'ureesu malani! Ilti teenna ha dira kana ka one bade agartu!

Zekaria 14:3

Duuba AABBO Waaqi kae, gosa suni ch'ufa aka inni duri had'e had'a.

Zekaria 14:8

Hojja guyyaani sunini gahe, bisaani ch'ulkiini Yerusalemu keesaa yaani, hagi toko galaana ilaboruti yaani, hagi tokoleeni baariini ila galchuti yaani. Bisaani suni hojja roobatiifi hojja bonale ch'ufa yaani.

Zekaria 2:8

Nami isani tuqe ya guma ilaa naa tuqe. Jennaani AABBO Waaqi Guddaani d'aamsa kanaani gara gosa gumi isaa saamte na erge waan jed'e.

Malaki 4:1

AABBO Waaqi Guddaani waan jed'u, Guyyaani ind'ufa, ka ch'ubbichafi nami ufi saaduleeni aka buuyo godde gubatu. Guyya suni worri ch'ufti gubate hobae daara d'aba.

Matayo 3:12

Hafareeni isaa harka isaa keesa jirti. Oobdi ufi inqulqulleesa, dargaye wolti qabe khod'oti naqa, ammo qola ibida haga jiru ind'aamneti naqa.

Huji Ergattu 9:4

Inni lafati jige, qonqo toko d'agaye ta, Saulo, Saulo, atini maafi akana na gaargalchita? jetteeni.

Qaabacha Seera 33:26

Isani worra gosa Israeli, Waaqi aka waaqa keesani jiru tokoleeni injiru, ka woi yaabate guddinnaani gubbaa deeme dumansa keesa deeme qarqaarsaani isanii d'ufu.

Qaabacha Seera 4:24

Wonti akanatiifi AABBO Waaqi keesani aka bobaa ibida jira; inni nama isaani morku inoobsu.

Ebrania 12:29

wonti akanatiifi Waaqi keenna ibida wo balleesu.