Bahisa 10:7 - KITAABA WAAQA

⁷ Hojattuuni Farao waan jetteeni, Namichi kuni ya guddo waan hamtu nuti malate nu balleese; inni yoomi waan kana lakisa? D'iirti ch'allaani ha yaate AABBO Waaqa worraa suni kad'attu. Atini aka lafti teenna ta Misiri tunini baddu ingartu?

Bahisa 10:7 ပူးပေါင်းရင်းမြစ်များ

Faaru 107:34

Inni maro ch'ubbu worra achi tautiifi lafa biyye dansa garagalche, lafa aloo ta soodda ch'alla tolche.

Bahisa 12:33

Worri Misiri worra Israelitini, Hurrisa lafa teenna keesaa baha, yokhaani nu ch'ufti indoona jed'eeni.

Bahisa 23:33

Worri sunini lafa teesani keesa intaiini; wonti akanatiifi worri ch'ubbu isani barsiise duuba hegeri nati ch'ubbamtani. Yo isani waaqoota worraa kad'attani, ya t'urura hama keesa ufi buuftani.

Bahisa 7:5

Eegi anini gaargala gudda worra Misiriti buuse gosa tiyya ta Israeli dura deeme lafa keesaa baase, worri Misiri aka anini AABBO Waaqa aka d'ugaa beekha.

Bahisa 8:19

Duuba worri wo tolchu kaani waan Faraoni jed'e, Kunini waan Waaqi tolche. Ammo Faraoni garaa jabaate, akuma AABBO Waaqi qara jed'e kaani worra ch'aqasu dide.

Mammaasa 29:6

Ch'ubbichi dabuma ufitini haada ufi kaya, ammo nami d'ugaa gammade ufumaa sirba.

Abba herega 7:26

Anini waan duisa ira hamtu arge — nad'eeni. Jaalalti isiini sii qabdu aka t'urura nama qabdi, harki isii ka nama marsu akuma sansalata nama hid'a. Nami Waaqa jaalatu dandae jalaa baha, ammo isiini nama daba inuma qabdi.

Isaya 14:20

Waan atini lafa tante balleesite, nama kanke fit'eefi, aka hayyoota d'ibi awaala dansa inargattu. Nami worra keeti, ch'ubbichi tokoleeni, ka bahu injiru.

Isaya 51:9

AABBO Waaqa, kai, nu qarqaari, harka keetiini nu baasi, akuma atini duri tolchite. Nami goorjama Rahabu jed'ani gargari ch'ire siiniti?

Yeremia 48:4

Moabu ya balleesani, aka ijoolleeni teete bootu ch'aqasa.

Yeremia 51:8

Diri Babiloni tassa jige bade! Bohafi! Maddaa isaa qorsa iti barbaada, hegeri infayyiti.

Sefania 1:18

Guyya AABBO Waaqi dallanu, qarsifi worqiini worraleeni dandeete worra imbaaftu. Lafti ch'ufti dallansu isaatiini gubati. Inni nama lafa keesa jiru ch'ufa yoosu maro tokotu hobaasa.

1 Korintho 7:35

Anini waan kana maro isani qarqaaru fed'uufi jed'a. Anini woma isani d'owu imfed'u. Ammo aka isani waan qajeelatiifi ka fullaa tolchitani, huji Aabbo garaa tokooni hojattani fed'a.

Yoshua 23:13

beekha AABBO Waaqi keesani itumani deebie gosa tana isani duraa ingussu. Ammo worri hegeri, aka t'urura isani qabe, aka licho dirra isani gube, yokhaani aka qoraati ila isani woraana, haga isani lafa dansa AABBO Waaqa isanii kenne tana iraa d'umattaniti.

1 Samueli 18:21

ufiini jed'e, Anini Mikali Daudii keenna, aka isiini t'urura iti taate duuba worri Filisti isa ijeesu. Duuba maro lameeso Sauloni waan Daudini jed'e intala tiyya fuud'i.

1 Samueli 5:11

Duuba ammalle hayyoota worra lafa Filisti ch'ufa wolti yaamani waan jed'ani, Sanduqa Wold'aqisa ka Israeli kana fulla isati nuraa deebisa, aka nufi worri keenna inhobaane. Dira suni keesa biyyiti guddo mudamte maro Waaqi aka hama nama gaargalchuti jirufi.