Bahisa 1:7 - KITAABA WAAQA

⁷ Ammo d'alooti Israeli hore deebane lafa ira dabre lafa suni ch'ufa guute.

Bahisa 1:7 ပူးပေါင်းရင်းမြစ်များ

Uumama 1:20

Jennaani Waaqi waan jed'e, Bisaani waan lubbu qaba heddu ha d'alani; simpirreleeni ha gubba qilleensa keesa bariftu.

Uumama 1:28

eebiseefi waan jed'eeni, Ilmaani hora, lafa guuta fida, ammalle qurt'umi baariinitifi waan gubbaa barisatiifi waan lubbu qaba ka deemu ch'ufa mohad'a.

Uumama 12:2

Anini ilmaani guddo sii kenna, ta gosa guddo taatu. Anini si eebise maqa dansa sii kenna, aka maqa kanketiini namaa eebisani.

Uumama 13:16

Anini d'aloota kanke daraarse aka biyye tolcha; yo dandaani biyye hedani d'aloota keetile hedani.

Uumama 15:5

AABBO Waaqi isa alati baase waan jed'eeni, Me, gubbaa ilaali, yo dandeete urji tana ch'ufa hedi; ilmaani tante hagasi geeti.

Uumama 17:16

Ani isii eebisa, aka isiini ilma sii d'altu. Ani isii eebise, isiini haad'a gosa heddu taate, ilmaani isiileeni ta gari hayyoota taati.

Uumama 22:17

Anini inkakhad'a, aka ilmaani heddu ta aka biyye tana, yokhaani ta haga urji Waaqa gubbaa geetu, sii kennu. Ilmaani tanteleeni nyaapa ufii dabsatte,

Uumama 26:22

Achi godaane fulla d'ibiti eela qotate. Ammo kana irati nami wolind'amne. Tanaafi maqa Rehobothi baasanifi, akasi jechaani Ballinna jechu. Inni waan jed'e, AABBO Waaqi ya ballinna nuu kenne, amma guddo horanna.

Uumama 26:4

Anini ilmaani heddu ta haga urji garaa Waaqa geetu sii kenne lafa tanale ch'ufa ilmaani sunii kenna. Gochiti ch'ufti ilmaani tante gula eeba argatti.

Uumama 28:14

Isiini aka biyye tana taate, lafa tana mirgaa bitaa fud'atte sifi ilmaani teetiini gochi ch'ufti eeba argatti.

Uumama 35:11

Waaqi waan jed'eeni, Anini Waaqa Gudda; daraari, ilmaani heddu d'ali. Gochiti hedduuni siraa uumamte, hayyooti hedduuni si keesaa baati.

Uumama 46:3

Anini Waaqa, Waaqa abba keetiti; lafa Misiri d'aqu insodaatini; achiti gosa guddo si tolcha.

Uumama 47:27

Gochiti Israeli lafa Misiri arda Gosheni keesa teete achiti horte daraarte ilmaani heddu d'alte.

Uumama 48:16

Malaikaani ta gaargala ch'ufa keesaa na baafte isi eebisinna! Maqa kiyyafi ka abbooti tiyya Abrahamufi Isaaqoleeni ijoolle tanaani imbadiini! Isiini ha daraarte ijoolle heddu d'altuti!

Uumama 48:4

waan naani jed'e, Anini si daraarse ilmaani tante heddu taati; lafa tanale sifi ilmaani teetii kenna, haga jiru jireennale teesani taati.

Uumama 9:1

Waaqi Nuhufi ilmaani isaati eebise waan jed'eeni, Hora bula, daraara, lafa ira dabra.

Nehemia 9:23

Atini ilmaani heddu aka urji gubba jirtu worraa kennite, lafa ababoota worrati kakhate harka worrati kennite, keesa qubsiifte.

Faaru 105:24

AABBO Waaqi gumi isa horsiise nyaapa worraale ira jabeenna kenneefi.

Faaru 107:38

Inni worra eebise daraarse, hori worraale diqaachu d'owe.

Bahisa 1:12

Ammo akuma gaargali worri Misiri worra gaargalchu worrati guddatuni, hormaati Israelileeni guddate lafa ira dabre fulla ch'ufa gahe. Tanaafi worri Misiri worra Israeli jibbe sodaate.

Bahisa 12:37

Worri Israeli Ramesesi godaane lafa Sukothitini bahe. Worri nami d'iira ka miilaani yae nama kuma d'ibba jaa, ka nad'eenifi ijoolleeni keesa injirre.

Bahisa 5:5

Isani amma yayu heddattani lafa ira dabartani, ammatana huji didu feetani re?

Ezekieli 16:7

Duuba anini si guddise atini aka mukha latte baate guddate d'eerate, aka intala gaaltama taate, guntutafi rifeensale baafte, ammo woya male qulla ejita.

Huji Ergattu 13:17

Waaqi gosa Israeli ababoota teenna fohate gosa jabdu tolche, gaafa worri aka keesuma lafa Misiri keesa tau. Inni harka jabaani lafa suni keesa worra baase,

Qaabacha Seera 10:22

Gaafa ababooti teesani lafa Misiriti godaante, worri nama torbatama ch'alla, ammo amma AABBO Waaqi keesaani ya isani daraarse, aka urji garaa waaqa isani tolche.

Qaabacha Seera 26:5

Duuba AABBO Waaqa durati isani dubbi tana jettani: Ababooni keenna nama gogodaanu, ka gosa Arami, ka worra ufii fud'ate lafa Misiri keesa qubate tae. Worri gaafa achii d'aqe nama diqa, ammo eege gosa guddo irre qabdu tahe.