Amosi 7:8 - KITAABA WAAQA

⁸ Inni, Amosi, maani agarta? jed'e na gaafate. Anini waan jed'eeni, Haada mana jaaraniini qajeelchani arga. Jennaani inni waan naani jed'e, Anini haada kanaani, aka gumiini tiyya ta Israeli qajeela injirre, garsiisa. Anini deebie worraa araarame biraa indeemuufi.

Amosi 7:8 ပူးပေါင်းရင်းမြစ်များ

2 Hayyoota 21:13

Akuma anini Samaria gaargalche kaani Yerusalemule tolcha, akuma duri hayyu Ahabu Israelitiifi d'aloota isale tolche. Gumi Yerusalemu ch'ufa lafa iraa hare balleese, akuma qori d'iqani lafati gombisani tolcha.

Isaya 28:17

Yayaba suni d'ugaani biimani, qajeelumaani qajeelchani. Bokeeni d'akhaani roobu kiyyiba isani fulla iti d'eetani tolfatani hare, fach'ai bisaanileni fulla isani iti baqatani balleesa.

Isaya 34:11

Urungufi haranqeesa male waan d'ibi keesati inargani. AABBO Waaqi lafa balleese duwa tolche akanumati lakisa.

Yeremia 15:6

Gumi tana, isani ya na diddani dudda nati galtani, tanaafi anini waan anini isani obsu dad'abeefi harka kiyya d'eerefad'e isani balleesa.

Boha 2:8

AABBO Waaqi aka naabo Sioni jissani ya herege buufate; inni aka naabo suni tokole inhamne ch'ufa balleesani d'und'umna d'ae. Doofi d'ed'eertufi naaboni d'akha ka diraani jaaranileeni ya woliini ch'abe butute.

Hosea 1:6

Gomeriini ammalle garaachoofte maro tana dubra deete. Jennaani AABBO Waaqi waan Hoseani jed'e, Maqa isii, Ta injaalanne baasiifi; wonti akanatiifi anini deebie gosa Israeli injaalad'u yokhaani inaraaramuufi,

Amosi 7:7

AABBO Waaqi ammalle daayya keesa woi na agarsiise. Wonti anini arge isa mana haadaani qajeelchani d'akhaani jaarani, d'aatu eju, ka haada qajeelchaniini suni harkaa qabu, arge.

Amosi 8:2

Inni waan naani jed'e, Amosi, maani agarta? Anini waan jed'eeni, Dadu mid'aani arga. Jennaani AABBO Waaqi waan naani jed'e, Muummeeni gumi tiyya ta Israeli ya geete, anini deebie worraa araarame ch'ubbu biraa indeemuufi.

Mika 7:18

Waaqi aka keeti injira? Ee AABBO Waaqa, atini ch'ubbu namaa araaramte wollaala gumi teeti ta hafte biraa deemtaafi. Atini haga jiru jireenna indallantu, ammo atini jaalala tante ta ind'umanne nu garsiisu feeta.

Zekaria 4:2

Maani agarta? jette na gaafatte. Anini waan jed'eeni, Anini waan ifseeni ira ejitu, ka worqiini mid'aasani, arga. Gubba isii d'ameela d'ad'aa jira, ammalle ifse torbati ira ejaanja, ta tamu bututu bobeesaniini torba qabdu.

Zekaria 5:2

Malaikaani waan anini arge na gaafatte, jennaani anini waan jed'eeni, Woraqata barisu arge jed'eeni. D'eerinni isaa d'und'uma diddamaati, ballinnileeni kud'ani.