Amosi 7:7 - KITAABA WAAQA

⁷ AABBO Waaqi ammalle daayya keesa woi na agarsiise. Wonti anini arge isa mana haadaani qajeelchani d'akhaani jaarani, d'aatu eju, ka haada qajeelchaniini suni harkaa qabu, arge.

Amosi 7:7 ပူးပေါင်းရင်းမြစ်များ

Uumama 28:13

Yo inni jed'e, kuno, AABBO Waaqi bira eja. Waaqi waan jed'eeni, Anini AABBO, Waaqa Abrahamutiifi ka Isaaqo; lafa atini amma ira ch'iiftu tana sifi ilmaani teetii kenna.

2 Samueli 8:2

Jennaani inni worra Moabu dabsate, nama qaqabe lafa ch'ich'ifsise nama sadi ch'ufa keesaa nama lama fit'e. Duuba akanaani worri Moabu isa jalati bule gibira baaseefi.

2 Hayyoota 21:13

Akuma anini Samaria gaargalche kaani Yerusalemule tolcha, akuma duri hayyu Ahabu Israelitiifi d'aloota isale tolche. Gumi Yerusalemu ch'ufa lafa iraa hare balleese, akuma qori d'iqani lafati gombisani tolcha.

Isaya 28:17

Yayaba suni d'ugaani biimani, qajeelumaani qajeelchani. Bokeeni d'akhaani roobu kiyyiba isani fulla iti d'eetani tolfatani hare, fach'ai bisaanileni fulla isani iti baqatani balleesa.

Isaya 34:11

Urungufi haranqeesa male waan d'ibi keesati inargani. AABBO Waaqi lafa balleese duwa tolche akanumati lakisa.

Boha 2:8

AABBO Waaqi aka naabo Sioni jissani ya herege buufate; inni aka naabo suni tokole inhamne ch'ufa balleesani d'und'umna d'ae. Doofi d'ed'eertufi naaboni d'akha ka diraani jaaranileeni ya woliini ch'abe butute.

Ezekieli 40:3

Inni maneeni sunitini na d'iannaani, anini nama aka sibiila diima bibiliqu arge. Inni haada horogeetiifi ule woini biimani harkati qabate, balbala mana toko keesa eja.

Amosi 7:6

Ammalle AABBO Waaqi herega ufii garagalfate waan jed'e, Wonti atini agarte kunileeni intaatu.

Amosi 7:8

Inni, Amosi, maani agarta? jed'e na gaafate. Anini waan jed'eeni, Haada mana jaaraniini qajeelchani arga. Jennaani inni waan naani jed'e, Anini haada kanaani, aka gumiini tiyya ta Israeli qajeela injirre, garsiisa. Anini deebie worraa araarame biraa indeemuufi.

Mudhii Yohaannisii 11:1

Jennaani ule woiini biimani nati kennani waan jed'ani, kai, Mana Waaqatiifi waan sorio irati qalani biimi jara keesati kad'atu ch'ufa hedi.

Mudhii Yohaannisii 21:15

Malaikaani naani dubbate ule worqi ta d'eerinna diratiifi fullo isaatiifi naabooni biimani harkaa qabdi.