Amosi 5:14 - KITAABA WAAQA

¹⁴ Waan hamtu hanqad'a, waan dansa barbaada, aka jiraattani. Duuba AABBO Waaqi Guddaani akuma isani, Inni nu woliini jira jettani, d'uguma isani woliini jira.

Amosi 5:14 ပူးပေါင်းရင်းမြစ်များ

Uumama 39:23

Duuba guddaani mana hid'aansaa kaani waan Yusufuti lakise tokole ira imbaane, wonti akanatiifi AABBO Waaqi Yusufu woliini jira, waan inni tolche ch'ufa keesati kayo kenneefi.

1 Odu duri 28:20

Daudini ammalle waan ilma isaa Solomonini jed'e, Ilaafini, garaa jabaad'i. Wonti tokoleeni si ind'owiini, huji suni hojad'i: wonti akanatiifi AABBO Waaqi kiyya si woliini jira. Inni si illakisu, yokhaani si biraa indeemu, haga atini huji Mana Waaqa suni ch'ufa hobaaftuti.

2 Odu duri 15:2

duuba inni kae gara Asa d'aqe waan jed'eeni, Asafi worra Yudatifi ka Benjamini, na ch'aqasa. AABBO Waaqi isani woliini jira, yo isani isa woliini jiraattani. Yo isani isa barbaaddani, isa ind'abdani, ammo yo isani isa lakiftani innileeni isani lakisa.

Faaru 46:11

AABBO Waaqi guddaani nu woliini jira, fullaani nu iti baqannu Waaqa Yakobooti.

Faaru 97:10

AABBO Waaqi nama waan hamtu jibbu injaalata; inni lubbu gumi isaa jabeese qorqorate, harka worra ch'ubbuu jalaa baasa.

Bahisa 3:12

Waaqi waan jed'eeni, Anini wahela sii taha, aka anini si ergu waan kanaani beeta: eegi atini worra kana lafa Misiri keesaa baafte, isani gaaruma kana irati Waaqa kad'attani.

Mammaasa 11:27

Nami waan dansa barbaadu gurra dansa argata, ammo nami waan hamtu barbaadu woma suni argata.

Isaya 55:2

Isani maanifi waan isani inquufsine beese iti baaftani? Isani maanifi ka beela imbaane beese teesani baaftani? Na ch'aqasa, dubbi tiyya gula yaa, sagale sagale ch'ufa ira dansa nyaad'a.

Isaya 8:10

Mala d'aad'a! Ammo mali sunileeni woma imbahu, haga feetani dubbad'a, ammo dubbini sunini woma keesa injirtu, wonti akanatiifi Waaqi nu woliini jira.

Amosi 3:3

Nami lama ka yaasuma wolti inqabatini kara woliini iyyaa?

Amosi 5:6

AABBO Waaqa barbaada, injiraattani. Yo isani barbaadu baatani, inni aka ibida worra Yusufuti d'ufe guba. Ibidi suni worra Betheli gube, nama d'aamfule d'abani.

Mika 3:11

Worri dira suniti mataa gumbo nyaate dubbi namaa qora; qaaloleeni wo nama ira fud'attu male seera nama imbarsiiftu. Raagootileeni beese male woma namaa inhimtu. Duuba worri kunini ch'ufti, AABBO Waaqi nu woliini jira, nu woma intaanu jed'a.

Mika 6:8

Hiyo akasiniti; AABBO Waaqi waan dansa nu tolchuu malle ya nuti hime. Wonti inni nuraa fed'u tana: aka waan d'uga qajeeltu tolchani, jaalala ind'umanne nama garsiisani, ufi saadu lakisani Waaqa woliini taani.

Sefania 2:3

AABBO Waaqa barbaada, isani worri balchichi, ka seera isaa guutu. Waan qajeela barbaada, AABBO Waaqa durati ufi balchoomsa. Hegeri guyya dallansu AABBO Waaqa duraa baatanifa.

Henna 16:3

Worri kunini ch'ufti Musafi Haruni durati wolti d'ufe waan jed'eeni, Isani ya waan ch'ufa keesa dabartani! Gumiini tunini ch'ufti ta AABBO Waaqati, Waaqileeni nu ch'ufa wolumaani jira, Duuba atini, Musa, maanifi gumi Waaqa tana ch'ufa ira ufi olfuuta?

Matayo 1:23

Ilaala, intalti dubra garaachoofte ilma deeti. Maqa isa Imanueli baasani. Akasi jechaani Waaqi nu woliini jira jechu.

Matayo 28:20

waan anini isani barsiise ch'ufa guuta worraani jed'a. Beekha, haga guyya muummele anini isani woliini jira.

Matayo 6:33

Ammo qaraa fiit'e Finnafi d'uga isaa barbaada, duuba wonti kunini ch'ufti teesani taati.

2 Timotheo 4:22

Aabbooni lubbu tante woliini tahinna. Eebitileeni isani ch'ufa woliini tahinna.

Yoshua 1:9

Anini qara ilaafini, garaa jabaad'i siini injenne? Sodaate garaa ilaafini, wonti akanatiifi anini, AABBO Waaqi kanke, fulla atini deemtu ch'ufa sii wahelcha.