Amosi 4:5 - KITAABA WAAQA

⁵ Qit'a bukho inqamne Waaqaa baasa, galata deebisa, waan isani fed'i teesani gula Waaqaa baaftaniini ufi guddisa! Wonti isani jaalattani tana.

Amosi 4:5 ပူးပေါင်းရင်းမြစ်များ

Faaru 81:12

Tanaafi anini, aka worri mata jabaate, waan fed'u tahu, iti lakise.

Isaya 1:1

Tunini daayya Isayaani, ilmi Amozii arge, ta waan Yudatifi ta Yerusalemu garsiiftu, gaafa Uziafi Yothamufi Ahazifi Hezekiani hayyoota Yudaa.

Isaya 1:11

Inni waan jed'u, Waan anini sorio isani naa baaftani tana jaalad'u seetani? Hooliyeeni isani naa baaftanifi d'ad'ani hori keesani gagaba ya nara dabre na lilise. Anini d'iiga Koromitiifi hooliyeetifi ka lalleesa ya dad'abe.

Yeremia 7:10

Isani waan anini jibbu kana tolchitani d'uftani Mana kiyya keesa na dura ejitani duuba waan naani jettani, Nu nagaya qamna!

Yeremia 7:9

Isani wohattani, nama ijeeftani, huji sharmut'oma hojatani dubbi woi kakhatani, waaqa Baali jed'ani hit'aana aarsitani, Waaqa duri imbeenne gula yaatani.

Hosea 9:1

Worri Israeli, jila teesani aka worra Waaqa imbeenne intolfatina. Isani ya Waaqa keesani iraa gortani waaqa d'ibi gula yaatani. Fulla ch'ufa isani ya aka sharmut'a waaqa Baali jed'aniti ufi gurgurtani mid'aani waan inni isanii kennu seetanile jaalattani.

Hosea 9:10

AABBO Waaqi waan jed'u, Gaafa anini qara Israeli arge, worri mid'aani zabibu ka lafa aloo keesati bahu nati fakaate. Ammalle gaafa anini qara ababoota teesani arge, worri mid'aani oda ka qara bahe nati fakaate. Ammo worri Gaara Peoritiini bahe jennaani waaqa Baali jed'ani kad'ate jaalate aka isaa hammaate waan hamtu tolche.

Lawi 23:17

Nami ch'ufti ha mana manani qit'a lamaani d'ufe, AABBO Waaqaa baasu. Qit'a suni ha mid'aani kilo lama ira mid'aasani bukhooni d'aabani, AABBO Waaqa baasaniti, sunini mid'aani qara murani ka Waaqaa baasani.

Amosi 5:21

AABBO Waaqi waan jed'u, Anini jila teesani ta aadaa jibbe tufad'e dida!

Amosi 5:22

Ato isani waan gubani sorio na baaftanifi mid'aani keesani na baaftanile anini imfud'ad'u. Hori isani gabbiftani na baaftanile ani imfud'ad'u.

Matayo 15:9

Ufuma na yaamatani, wonti akanatiifi barsiisa ufi keesa seera nama aka seera Waaqa barsiisani jed'e.

Matayo 23:23

Gaargala keesani, jara Seera beekhufi Farisayo. Kiyyibdoole! Qooda kud'anneeso ka gurbi urgotiifi waan d'ibi ka sagaleeni urgesanile Waaqa baaftani, ammo barsiisa isa jajabdu ta Seera diddani, ta aka nagayafi nasufi d'ugaa. Waan kana guutu maltani, ato seera d'ibile indinne.

Matayo 6:2

Tanaafi yo hiyyeesa qarqaartu, magalata ufi durati ind'aiini, aka nami kiyyibaani Maneeni Waaqa iti kad'ataniifi kara keesati tolchu, aka nami sila worra guddisu. D'uguma waan anini isaniini jed'u, Worri suni gati ufi ya argate.

Roomaa 1:28

Maro biyyiti waan d'uga Waaqa barachu diddeefi, inni ya qalbi hamtuti worra lakise, tanaafi waan tolchu himmalini tolchani.