Amosi 4:11 - KITAABA WAAQA

¹¹ Anini isani nama haga gari, akuma anini Sodomafi Gomora balleese, balleese. Isani nami hafe aka qoraani ibidaa, ka ibida keesaa fuud'ani, jirtani. AABBO Waaqi waan jed'e, Taatule isani nati indeebine.

Amosi 4:11 ပူးပေါင်းရင်းမြစ်များ

Isaya 13:19

Lafti Babiloni lafa ch'ufa ira mid'aadu, mid'aaguma isii suni nami isii ch'ufti mataani d'aaba. Ammo anini, AABBO Waaqi, akuma Sodomafi Gomora balleese Babilonile balleesa!

Isaya 7:4

Duuba waan jettuuni, Eegad'i, irifatiini, yokhaani sodaate imudamiini. Dallansuuni hayyu Resiniitifi worra isaa ka Shamutifi hayyu Pekaleeni, aara mukha lama iraa bahu ira injirtu.

Isaya 9:12

Worri Ashuru ka ilaborutiifi worri Filisti ka ila aduuleeni yayu afaani worra Israeliti baane worra liqimse. Ammo ato akasile taate dallansuuni AABBO Waaqaa isa ira ingaltu, inni harka d'eerefate ammalle worra d'aanu fed'a.

Yeremia 23:14

Ammo anini raagoota Yerusalemu, ta waan hagasi ira hamtu tolchitu, arge: Worri huji sharmut'oma hojate, d'ara dubbate, nama waan hamtu tolchule wahelche; duuba akanaani nami tokoleeni hameenna ufi iraa deebiu dide. Aka kiyyati worri yayu worra Sodomatifi ka Gomora fakaate.

Yeremia 49:18

Woma duri Sodomafi Gomorafi diri d'aatu jiru ch'ufti, gaafa balleesani tahe, Edomuleeni taati. Nami deebie achi intau. Nami dubbi tana jed'e ana, AABBO Waaqa.

Yeremia 5:3

Ee AABBO Waaqa, ilti tante d'uga imbarbaadu? Atini worra d'oofte ammo worri ind'ukubsanne, atini worra ch'arasite ammo worri mata jabaate ch'ubbu iraa deebiu dide.

Yeremia 50:40

Akuma anini duri Sodomafi Gomorafi dira d'aatu ch'ufa balleese, Babilonile balleesa. Nami deebie iti ingalu. Nami dubbi tana jed'e ana; AABBO Waaqa.

Ezekieli 24:13

Ee Yerusalemu, hameenni kanke ya si t'ureese ato anini si qulqulleesu fed'ele, t'urini siraa imbaatu, Haga dallansuuni tiyya naraa galtuti, atini deebite qulqullo intaatu.

Hosea 11:5

Worri nati deebiu dida, tanaafi worri amma lafa Misiriti deebia, ammalle worri Ashuru worra mohata.

Hosea 11:8

Ee Israeli, anini akami dandae isani lakisa? Yokhaani akami lafa isani buuse isani biraa deema? Anini akami dandae aka Adma balleesani isani balleesa, yokhaani aka Seboimu tolche isani tolcha? Garaani kiyya ee naani injed'u, jaalalti anini isani jaalad'u guddo jabdu.

Amosi 4:6

Nami beela jabdu dira keesanifi worra keesaniti buuse anuma.

Hagai 2:17

Anini bubbe wo gossitufi bokaa d'akhaani roobu lafati buuse, aka wonti isani oobritani tokoleeni imbaanne, ammo isani ammalle ch'ubbu illakimne.

Zekaria 3:2

Jennaani malaikaani AABBO Waaqaa waan Sheet'anani jette, AABBO Waaqi si balleesinna, Sheet'ana! AABBO Waaqi, ka Yerusalemu jaalatu, si balleesina! Nami kunini qoraani ibidaa, ka ibida keesaa fuud'aniniti?

Roomaa 9:29

Akuma duri Isayani jed'e, Ato sila Aabbo Waaqi guddaani ilmaani teenna hambisu baate, nu ya arra kale worra Sodoma taane worra Gomora imfakaatini.

1 Korintho 3:15

Ammo yo isiini gubatte, nami sunini woma inargatu; ammo inni imbaha, akuma nama ibida keesaa bahe.

Qaabacha Seera 28:24

Fulla bokaya AABBO Waaqi awaarafi hobombolati isaniti buusa, haga isani hobaataniti.

Qaabacha Seera 29:23

Oobruuni teesani adaala, ta d'akha daalachafi soodi ch'allaani gubba jiru. Woma tokole imbaaftu ya bade. Lafti teesani aka dira Sodomafi Gomorafi Admafi Seboimu taati, ka AABBO Waaqi, gaafa aka male dallane kaani balleese.

2 Petro 2:6

Waaqi dira Sodomafi ka Gomora wollaala iti mure, ibidaani gube daara tolche, akheekha nama Waaqa insodaanne ka eegi tana d'ufu tolche.

Yihudaa 1:23

ibida keesaa worra baasa. Nama d'ibile ch'ufaa naha, ammo sodaad'a, woya dabi worra t'ureesele jibba.

Yihudaa 1:7

Sodomafi Gomorafi dira lafa suni ch'ufa qaabad'a! Worri dira suni waan malaikaani taate tolche, sharmut'omafi hameenna taka inargiini gula yae: Duuba gaargala ibida argate aka akasiini nama ch'ufaa gorsa tahu.

Mudhii Yohaannisii 9:20

Nami lafati hafe kaani, ka gaargali kunini inijeesiini, waan harka ufitiini mid'aafatani kaani iraa indeebine, jinniifi waan harkaani boch'ani ka worqifi qarsifi saldaqafi d'akhafi mukhaani mid'aasani, ka dandae lafa ingarre, ka woma indandeenne, ka dandae indeemne, kad'achu illakimne.