Amosi 1:3 - KITAABA WAAQA

³ AABBO Waaqi waan jed'u, Worri Damaski ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri worra Gileadi dabse, sibiilani lafati rige balleese, akuma mid'aani biila d'aanani.

Amosi 1:3 ပူးပေါင်းရင်းမြစ်များ

1 Hayyoota 19:17

Nama baqate Hazaeli duraa bahe Yehuti hobaasa, ammalle ka Yehu duraa bae Elishati hobaasa,

2 Hayyoota 13:3

Duuba sunifi AABBO Waaqi worra Israeliti dallane, aka Hazaelini hayyu Shamutifi ilmi isaa Benhadadi worra Israeli dabsatu, maro heddu iti lakise.

2 Hayyoota 13:7

Yehoahazini askarti shantama ta fardatifi gaari kud'anifi askarti miilaani yaatu ta kuma kud'ani male askarti d'ibi inqabu; wonti akanatiifi askarti taani ch'ufa worra Shamuti hobaase d'ukeese ira ejaanjate.

2 Hayyoota 16:9

Tiglath-Pilesarini waan inni kad'ate suni ee jed'e fud'ate, askarti isa fud'ate Damaski had'u d'aqe, dabsate, hayyu Resini ijeese, worra dira suni boojie, Kiriti geese.

2 Hayyoota 8:12

Hazaelini waan jed'eeni, Aabbo, atini maanifi boota? Elishani waan jed'eeni, Waan hamtu atini worra Israeli tolchitu anini imbeekha, atini dira worra jajaba gubde, nama worraa kaima ch'ufa qaqalte, ijoolle worraa ch'ufa ch'ach'arasite, nad'eeni worraa ta garaacha qabdu ch'ufa garaa baqasita.

Aayubu 19:3

Maro heddu na arabsitani, araba na arabsitani iraa ch'eeru diddani.

Aayubu 5:19

Inni maro heddu gaargala keesaa si baase, duuba deebie gaargali si inqabatu.

Mammaasa 6:16

Waan torbati jira, ka AABBO Waaqi jibbe diqole inobsini: Millu kiyyibaa, araba d'articha harka nama woma intahini ijeesu. Garaa ch'ubbu malatu miila waan hamtuti arifatu nama guyya ch'ufa d'ara d'ugeesu nama oboleesa wolti naqu.

Abba herega 11:2

Hori kanke fulla heddu olkeyad'u; wonti akanatiifi waan hamtu guyya toko lafa tana keesati siti d'ufa imbeetu.

Isaya 28:27

Inni hojja urgoofi waan d'ibi woini urgeesani d'aanu, ule guddooni ind'aanu, ammo ule fakaatuni d'aana.

Isaya 41:15

Anini waan woini daakhani, ka ilkaani haareesa aka male qara qaba qabu, isani tolcha. Duuba isani gaarale ch'ach'absitani balleesitani kubile bulla tolchitani.

Isaya 7:16

Ato guyyaani sunini ingeenne, lafti hayyoota lamaani si mudamsiiftu sunini badde ona taati.

Isaya 7:8

Maafi akasi taati; wonti isiini akasi taatuufi, Shamuuni dira Damaski ira injirtu, diri Damaskileeni hayyu Resini ira injiru. Ganna jaatami shani keesati worra Israeli firfirsani balleesani, harka gosa d'ibi keesati bula.

Isaya 8:4

Ato gurbaani guddate aabboofi aayyo jechu imbaratini, waan worri Damaski horateefi waan Samaria keesa boojiani ch'ufa hayyichi Ashuru d'ufe fud'ata.

Amosi 1:11

AABBO Waaqi waan jed'u, Worri Edomu ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri oboleyaani isaani ta Israeli naasu d'abeefi woraanaani reebe. Dallansuuni worraa haga inqabdu, iraale ingaltu.

Amosi 1:13

AABBO Waaqi waan jed'u, Worri Amoni ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi gaafa worri lafa d'ibi fed'ata nama had'e, nad'eeni lafa Gileadi ta garaacha qabdule garaa tarsaasani.

Amosi 1:6

AABBO Waaqi waan jed'u, Worri Gaza ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri gosa toko ch'ufa, haguma geetunu boojie, worra Edomuti aka tisse gurgure.

Amosi 1:9

AABBO Waaqi waan jed'u, Worri Tiro ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri gosa toko, ta qara wold'aqani oboleesa woli taani, dabse harka worra Edomu ka nyaapa worrati kenne.

Amosi 2:1

AABBO Waaqi waan jed'u, Worri Moabu ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri lafele hayyu Edomu gube daara tolche.

Amosi 2:4

AABBO Waaqi waan jed'u, Worri Yuda ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri ya seera kiyya dide aada tiyyale lakise. Waaqooti d'ara, ta ababooti isaani kad'ate, ya worra kara iraa gorse balleese.

Amosi 2:6

AABBO Waaqi waan jed'u, Worri Israeli ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri nama d'uga hiyyeesa, ka dandae kobe gati fuud'ele imbaamne, aka tisse gurgure.

Zekaria 9:1

Tunini dubbi AABBO Waaqi biyyati hime: Waaqi lafa Hadrakitiifi dira Damaski ya gaargala iti mure. Gosa Israeli ch'allaniti, ammo diri guddaani ka Sirialeeni kama AABBO Waaqaati.

Zekaria 9:2

Hamathileeni ka Hadrakiti aanu kama isaati. diri Tirotiifi ka Sidoni hoguma worraleeni woliini kama isaati.