Abba herega 5:2 - KITAABA WAAQA

² Hubatte male indubbatiini, ammalle herega male, Waaqaa wo tolcha injed'ini. Inni gubba jira, atini lafa jirta, tanaafi waan jechu malte male, dubbi ind'eerisiini.

Abba herega 5:2 ပူးပေါင်းရင်းမြစ်များ

Uumama 18:27

Abrahamuuni ammalle waan jed'eeni, AABBO Waaqa, dubbi anini si gaafad'u tana naa araarami; wonti akasitiifi anini nama, waan tokole siini jechu himmalle.

Uumama 18:30

Abrahamuuni waan jed'e, AABBO Waaqa, nati indallaniini, ammalle wa si gaafad'a. Yo nami sodoma ch'allaani jiraate ho? Waaqi waan jed'eeni, Yo nama sodoma arge imballeesu.

Uumama 18:32

Abrahamuuni ammalle waan jed'eeni, AABBO Waaqa, nati indallaniini, amma toko ch'alla si gaafad'a. Yo nami kud'ani ch'allaani ka ch'ubbu inqamne Sodoma keesa jiraate ho? AABBO Waaqi waan jed'eeni, Anini lafa suni inhobaasu, yo nami kud'ani ka d'uga qabu keesa jiraate.

Uumama 28:20

Jennaani Yakobooni kakhate waan AABBO Waaqaani jed'e, Hojja atini na wahelchite imaltu tiyya keesati na qorqoratte beelafi daara na baafte,

Uumama 28:22

Fullaani anini d'akha kana akheekhaa old'aabe tunini mana kanke taati; ammalle waan atini naa kennite ch'ufa kud'ani keesa toko sii kenna.

Faaru 115:3

Waaqi keenna gubba jira; inni waan fed'u tolcha.

Mammaasa 10:19

Nami dubbi guddatu ch'ubbu ind'abu, ammo nami afaani qabatu qarooma qaba.

Mammaasa 20:25

Herega male Waaqaa wo baasa injed'ini, hegeri hanqatte ufii gaabita.

Abba herega 10:12

Jechi nama qaro gurra dansaani d'ufa, ammo daalleeni dubbuma ufitiini ufi ijeesa.

Abba herega 10:13

Daallumaani dubbi iti keeyate, maraatumaani buufata.

Abba herega 5:3

Akuma atini waan guddo yaadduuni, akasuma oobju hamtu oobjatta; ammalle akuma dubbi guddattuuni, daallumti siti guddatti.

Abba herega 5:7

Ato guddo oobjatte, huji woma keesa injirre hojatte, yokhaani dubbi d'eeratele, Waaqa sodaachu malte.

Isaya 55:9

Akuma gubbafi lafti gargari fago jirtu, heregaafi karaani kiyyaleeni keesani iraa fago jira.

Lawi 5:4

Hojja nami heregaani waan tateefu dansaafi hamtu taanaani, kakhate hojuma inni waan tahe suni beekate wollaala seena.

Matayo 6:7

Kad'acha keesati dubbi woma imbaane ind'eeresiina, aka worri Waaqa imbeenne tolchu; worri waan maro dubbi heddutiifi kad'acha d'agayaniifi seha.

Matayo 6:9

Aki kad'atani akana: Aabbo keenna ka gubba jirtu, maqa kanke qulqullo ha guddisani;

Mariko 6:23

Inni isiti kakhate waan jed'e, Waan atini na kad'attu ch'ufa, ato moga lafa ani fidu toko taatele, anini sii kenna jed'eeni.

Yakobo 3:2

Nuuni ch'ufti wollaala heddu tolchina. Nami, waan jed'u keesati, wollaala intolchine qit'e jira, dandae nafa ufi ch'ufa qorqorata.

Jaallaboota 11:30

Yefthaani AABBO Waaqa durati kakhate waan jed'eeni, Hojja atini worra Amoni harka kiyyati kennite,