14 Tanaafi anini akami dandae Waaqaani wo morma?
AABBO Waaqa, d'uguma atini lafa irati ingalta? Gubbaleeni ato ballo akami tateele si infuutu, duuba Mani anini jaare kunini akami dandae si fuud'a?
Anini waan kiyya ch'ufa iti himad'e, aka dansa afaani kiyyaani ufii dubbad'a.
Anini nama d'ugaati; dandae waan kiyya Waaqati himad'a; inni dubbi tiyya qore, d'uga naa mura.
Nami maani re, ka ufiftu raamofi buqata fakaatu? Waaqa durati nami maani keesa jira?
Yo dandeete dubbi naa deebisi, waan jechu feetu kurfefad'i.
Waan nu Waaqaani jechu male nu barsiisi: nu dukanuma keesa jira waan jennu imbeennu.
Mala keeti, waan inni nama d'oqe iraa mid'aasani ka dandaani aka billaacha ch'arasani d'ugeefatu seeta?
Nami akami dandae Waaqaani woi morma? Inni dandae waan heddu muumme inqamne nama gaafata, ammo nami dandae waan isii inhimu.
Yo Waaqi nama taate, anini sila dandae wo jed'aani; nu sila gaadisa kora woliini d'anne jaaroleeti woli himanna.
