2 Samueli 7:8 - KITAABA WAAQA

⁸ Duuba waan hojatu tiyya Daudini jettu, Anini, AABBO Waaqi guddaani, akana sini jed'a, Anini hooliye atini tissitu keesa si fuud'e hayyu worra Israeli si tolche.

2 Samueli 7:8 ပူးပေါင်းရင်းမြစ်များ

2 Samueli 12:7

Jennaani Nathanini waan Daudini jed'e, Nami suni siuma. Tuleeni waan AABBOONI Waaqi Israeli jed'e, Anini si muude, hayyu Israeli si tolche, harka Saulo keesaa si baase.

2 Samueli 14:13

Isiini waan jetteeni, Atini maanifi waan hamtu akana gumi Waaqati hojatta? Atileeni ka gurba kanke ka lafa d'ibiti baqate galchu didde, jechuma reefu kaaniini wollaala ufiti murte.

2 Samueli 23:1

Daudini, ilmi Yese, nama Waaqi guddo guddise toko, ka Waaqi Yakobo hayyu fohate. Ammalle inni nama faaru heddu Israelii baase. Dubbini isaa ta eege tana:

2 Samueli 24:17

Daudini malaika biyya fit'u jirtu arginaani waan AABBO Waaqaani jed'e, Nami wollaala qabu, ka wo balleese anuma, worri woma keesa injirre kunini maani yake? Atini sila anaafi worra kiyya balleesu malte.

2 Samueli 5:2

Duri gaafa Sauloni hayyu keennale atini worra Israelitini duulte, AABBO Waaqileeni atini gumi tiyya dura deemte hayyu iti tata sini jed'e.

2 Samueli 6:21

Daudini waan jed'eeni, Anini AABBO Waaqa ka abbeetifi worra keesani lakise na fohate gudda worra Israeli na tolche durati sirbu jira. Ammalle akuma kana deebie isa durati sirbe,

1 Hayyoota 3:6

Solomonini waan jed'eeni, Atini duri hojattu tante abba kiyya Daudi guddo jaalate, innileeni guddo sii saalfate d'ugaafi qajeelumani si jala deeme. Atinileeni akasuma isaa naate, ilma arra fulla isaa lafa mohatu isaa kennite.

1 Hayyoota 8:16

Haguma anini gumi tiyya lafa Misiri keesaa baase anini dira tokole lafa Israeli keesati fulla mana kiyya iti jaarani na kad'atani infohanne. Ammo Daudi, anini ya si fohad'e, aka atini gumi tiyya fidu jed'e.

1 Odu duri 17:7

Duuba waan hojatu tiyya Daudini jettu, Anini, AABBO Waaqi guddaani, akana sini jed'a, Anini hooliye atini tissitu keesaa si fuud'e, hayyu worra Israeli si tolche.

1 Odu duri 21:17

Daudini Waaqa kad'ate waan jed'e, Ee Waaqa nami woi balleese anuma, anumati, biyya heda jed'e, worri woma keesa injirre kunini maani yake? Ee AABBO Waaqa kiyya, anaafi worra kiyya balleese, gumi tante tana baasi.

Amosi 7:15

Jennaani AABBO Waaqi huji tiyya ta tikha keesaa na fuud'e waan naani jed'e, Beeni, gumi tiyya ta Israeliti woi himi.

Huji Ergattu 7:46

Inni Waaqa durati eeba argate, ammalle Waaqa kad'ate waan jed'eeni, Aka anini Mana Waaqa Yakoboti ijaaru na tolchi jed'e.

1 Samueli 10:1

Jennaani Samuelini dulo d'ad'a fuud'e, mata Sauloti naqe muude, d'ungate waan jed'eeni, AABBO Waaqati sii muude hayyu Israeli si tolche. Atini gosa isaa fidde harka nyaapa worraa keesaa baafta. Aka AABBO Waaqi si fohate hayyu worra isaa si tolche akanaani beeta.

1 Samueli 2:8

Inni hiyyeeyi awara keesaa fuud'e, nama laafa woma inqamne fulla daara iti harani keesaa baasa. Inni worra suni worra gugurda woliini teesise barch'uma guddinna kennaafi, yayabi lafaa ka AABBO Waaqati, inni isii irati waan ch'ufa jaare.

1 Samueli 9:16

Bori hojja tana anini nama gosa Benjamini siti erga; Duuba atini isaa muudi, hayyu worra kiyya ka Israeli tolchi, isati worra kiyya harka worra Filisti keesaa baasa. Anini yayu gaargala worra kiyya arge boha worrale d'agaye.