2 Samueli 23:5 - KITAABA WAAQA

⁵ AABBO Waaqi d'aloota kiyya akasuma eebisa. Waan anaafi inni wold'aqisa hegeri woliini tolfanne, wold'ageeti haguma jirtu imbannefi kakhu injijiramne wolti kakhanneefi. Woni anini fed'u tanuma, tanumati dabsacha na taha, Waaqileeni tana inuma guuta.

2 Samueli 23:5 ပူးပေါင်းရင်းမြစ်များ

Uumama 9:16

Yo anini ule tiyya ta dumansa keesa mullattu argu, anini wold'aqisa jiru jireenna ka sifi waan lubbu qaba ch'ufa woliini tolfad'u qaabad'a.

2 Samueli 12:10

Duuba tanaafi amma armaa achi woraani worraa keesani keesa imbahu, waan atini na tufate dubbi tiyya lakifte niiti Uria fud'ateefi.

2 Samueli 13:14

Ammo inni isi ch'aqasu dide maro irre isi ira qabuufi qabe buufate.

2 Samueli 13:28

Waan jara isatini jed'e: Hojja Amnonini farso d'uge machae ufi wollaale, yo anini ijeesa isaniini jed'e, nama tokole insodaatina, ijeesa, wollaali gubba tiyya garaa jaabad'a, irinch'ich'ina!

2 Samueli 18:14

Yoabuni waan jed'e, Anini si bira tae hagana ch'ufa si ineegu, jennaani woraana sadi fud'ate Absalomu qoma keesa woraane ato lubbuuni keesa jirtu akasumati mukhuma suni irati lakise.

2 Samueli 7:12

Gaafa atini doote fulla duri ababoota tante iti awaalaniti si awaalani anini ilma kanke toko hayyu tolche lafa isaale jabeesa.

2 Samueli 7:18

Jennaani hayyu Daudini Waaro Woyyuma ta AABBO Waaqa d'aqe, gatae kad'ate waan jed'e, Anaafi worri kiyyaleni qara eenu, ee AABBO Waaqa, ka atini armaani geete waan kana ch'ufa tolchiteefi?

1 Hayyoota 1:5

Duuba Adoniani, ilmi Hagi, ufi guddise waan ufiini jed'e, Anini hayyu taha; jennaani gaari fardi hirkisufi nama farda yaabatule tolfate, nama shantama ka isa dura yaule tolche.

1 Hayyoota 11:38

Yo atini dubbi tiyya ch'aqafte seera kiyya guute waan anini fed'u ch'ufa akuma hojattu tiyya Daudi tolchite na gammachiifte anini hojja ch'ufa si woliini jiraad'e, hayyu Israeli si tolche, akuma Daudi tolche d'aloota kankele hayyu lafa tana tolcha.

1 Hayyoota 12:14

mala hariya isaa kaani gula bahe, dubbi jajabdu worrati dubbate waan jed'eeni, Abbaani kiyya ulfinna gudda isani ira kaye, ammo anini hagasi irale isaniti guddisa. Inni lichooni isani d'aane, ammo anini ogoraani isani d'aana!

Faaru 111:9

Inni gumi isaa balchoomse, wold'aqisa haga jiru jireenna woliini tolfate. Inni qulqullo ammalle jabeenna qaba.

Faaru 119:81

Ee AABBO Waaqa, anini ya ufi jibbaad'e ato tae baafama kanke eegad'u; anini waan ch'ufa keesa dubbi tante abdad'a.

Faaru 27:4

Anini waan toko ch'alla AABBO Waaqa kad'ad'a, waan toko ch'alla isaa iraa fed'a: aka haga jiru ch'ufa mana AABBO Waaqa keesa tae mid'aaguma isaa mame, Mana isaa keesati isa kad'ad'u.

Faaru 62:2

Isuma ch'allati na qorqorate, na baase na jabeesa; duuba nami dandae na inchochoosu.

Faaru 89:3

Atini waan jette, Anini nama anini fohad'e wold'aqisa woliini tolfad'e hojattu tiyya Daudi waan jed'eeni,

Isaya 11:1

D'alooti Yese hunda mukha murani fakaata; ammo akuma dameeni latte hunda suni iraa baatu, akasuma hayyuuni d'aloota isa keesa d'alata.

Isaya 27:6

Guyyaani ind'ufa, ka worri Israeli, d'alooti Yakobo, aka mukha hidda baase, late daraare lafa ch'ufa mid'aaniini qabatu.

Isaya 4:2

Guyyaani ind'ufa, ka AABBO Waaqi dame lafa keesa jirtu ch'ufa guddise mid'aadu tolchu. Nami Israelii ch'ufti, ka hafe, mid'aani lafti sunini baaftu iraa gammade, kiyyibaani.

Isaya 54:10

Ato gaareeni chochoosani kubilele balleesani, jaalalti anini isi jaalad'u ind'umatu, anini kakhu tiyya ta nagaya haga jiru jireenna jabeesa. AABBO Waaqi ka sii nahu akana jed'a.

Isaya 55:3

Gumi tiyya, na ch'aqasa, nati koota; nati koota, jireenna argattani! Anini wold'aqisa haguma jiru jireenna jiru isani woliini tolfad'e eeba duri Dauditi kakhad'e isanii kenna.

Isaya 61:8

AABBO Waaqi waan jed'u, Anini d'uga jaalad'e dabaafi ch'ubbu jibba. Anini d'uga gula gumi tiyyaa woi kenne wold'aqisa jiru jireenna worra woliini tolfad'a.

Isaya 7:14

Duuba amma AABBUMA Waaqati akheekha sii kenna: intalti dubra garaachoofte, ilma deete, maqa isaa Imanueli baaftiifi.

Yeremia 32:40

Anini wold'aqisa jiru jireenna worra woliini tolfad'a. Waan dansa worraa tolchu illakisu, ammalle ufi sodaachisa, aka worri garaa tokooni na gula yae haga jiru naraa ingorre.

Yeremia 33:21

Akasuma anini hojattu tiyya Daudi wold'aqisa woliini tolfad'e, aka d'aloota isaa keesaa nama hayyu tahu ind'amne. Ammalle anini qaalole gosa Lawi wold'aqisa woliini tolfad'e, aka isiini hojja ch'ufa; naa hojatu; wold'aqisa suni lachu dandaani inch'absani.

Ezekieli 37:26

Anini wold'aqisa nagaya, ka haga jiru jireenna jiru, worraani woliini tolfad'a. Anini worra jabeese, daraarse deebanse, Mana kiyya ka haga jiru jireenna tau lafa worra keesati jaarad'a.

Amosi 9:11

AABBO Waaqi waan jed'u, Guyyaani ind'ufa, ka anini mana Daudi, ka jige aka hoosa jiru, deebise fulla isaa ta ch'ach'abde ch'ufa mid'ad'aase jaare aka qara inni jiruti deebisu,

Huji Ergattu 13:34

Ammalle waan duisa keesaa isa kaasiti, aka inni duisati indeebine, Waaqi waan jed'e, Anini eeba d'ugaatifi qulqullo isani kenna ta anini Dauditi kakhad'e.

Ebrania 13:20

Waaqi la Aabbo keenna Yeso duisa keesaa Kaase. Inni d'iiga ufitiini Tissitu Guddo hooliye tissu tahe, ka wold'aqisa hegeri beesisaniini.

Ebrania 6:19

Abdiini tuni jabduu aka male nu jabeesiti. Isiini jabdufi d'uga, ammalle golla Mana Waaqa ka gubba jiru keesa seenti, haga Fulla Qulqullo.

1 Samueli 2:35

Anini nama d'uga ka waan anini jed'u ch'ufa guutu qaallu fohad'e, ilmaanile ta hojja ch'ufa hayyu anini fohad'e durati na hojatu kennaafi.

1 Samueli 25:28

Ammalle aabbo kiyya, wollaala anini tolche ch'ufa biraa naa deemi. AABBO Waaqi siifi d'aloota kanke hayyu tolcha, waan atini maqa isaatini nyaapa isaa ch'ufa dabsatteefi, atini haga jirtu waan hamtule intolchitu.