2 Samueli 21:16 - KITAABA WAAQA

¹⁶ Duuba namichi d'eerani furdaani toko, ka Ishibbeenobu jed'ani, ka woraana isaa sibiila diimani mid'aasani, ka ulfiini mata woraana isaa ch'allaani haga kilo sadifi woi gahu, baate, goraade hareetile hid'ate, Daudi ijeesa jed'e kae.

2 Samueli 21:16 ပူးပေါင်းရင်းမြစ်များ

Uumama 14:5

Ganna kud'ani afreeso Kedor-Laomafi hayyooti golli isaa d'ufani, gosa Refai ta lafa Ashteroth-Karnaimu, gosa Zuzi ta lafa Hamu, gosa Emi ta lafa Shawe-Kiryathaimu,

Uumama 6:4

Gaafasifi eegi sunile worra gugurda toko lafa jira, ka haga woi gagahu, ka dubarti namaatiifi ilmaani Waaqaa d'alte. Worri worra jajaba duri, ka lafa keesati gurra qabu.

2 Samueli 21:18

Eegi sunile worra Filistitini dira Gobuti wolhad'ani ammalle had'iisa suni keesa Sibekaini ka lafa Husati bahe, namicha d'eera furda Safu jed'ani ijeese.

2 Samueli 21:20

Ammalle Gathiti wolhad'ani, achiti namicha d'eera furda toko, ka aka male had'iisa fed'u, argani. Inni harkaafi miilale quba jaa qaba.

2 Samueli 21:22

Jari afraani fit'ani kunini worra d'ed'eera fufurda gosa Gathi keesaa d'alate; worra suni Daudifi jara isaati fit'e.

2 Samueli 5:18

Worri Filisti bale Refaimutini bahe keesati qubate.

Henna 13:22

Worri qara lafa bitaati qajeele dira Hebronitiini bahe, fulla worri d'eed'erani gosa Anaki, ka balbalati gosa Ahimanifi Shishaifi Talmai iraa baate tau. (Hebroni suni ganna torba dira lafa Misiri ka soori jed'ani durati jaarani.)

Henna 13:28

Ammo gochiti achi teetu guddo irre qabdi, diri worraleeni gugurda, ammalle aka jaba maneenifi naabo isaale jaarani. Suni malele, nu ilmaani gosa Anaki worra gugurda d'eed'era kaani, argine.

Qaabacha Seera 1:28

Nu achi iyyaanu, insodaanna worri nu ergine waan nuni jed'e, worri lafa suni worra jajaba d'ed'eera, haga arba gagahu, ka dira worrale naabo isaa d'akhaani marsani waaqati d'aabani jaarani.

Qaabacha Seera 2:10

Worri Emi suni ka duri achi tau worra jajaba, gugurda d'ed'eera aka worra gosa Anaki.

Qaabacha Seera 2:11

Akuma worra Anaki suni worraleeni Refemu jed'ani; ammo worri Moabu worrani Emi jed'e.

Qaabacha Seera 2:21

Worrileeni akuma worra Anaki d'ed'eera. Worri heddu, ammalle d'aloota jajaba. Ammo AABBO Waaqi worra balleese, worri Amori lafa worra fud'ate keesa tae.

Qaabacha Seera 3:11

(Gosa Refai keesa nami hafe hayyu Ogu. Sire isaa ta sibiilani mid'aasani, d'eerinni d'und'uma sagali, balinni d'und'uma afuri aka biima gaafasi gula. Sire suni haga arrale lafa gosa Amoni dira Raba keesaati dandaani argani.)

Qaabacha Seera 9:2

Nami worraleeni jajaba d'ed'eera, ilmaani Anaki, ka, aka isani d'ageetani, nami tokoleeni dandae worra dura inejine.

Yoshua 11:22

Nami gosa Anaki ka lafa Israeli keesati hafe injiru. Ammo hataatuti, nami diqaani toko dira Gazafi Gathifi Ashdoditi hafe.

Yoshua 15:14

Kalebuni ilmaani sadeeni Anaki, ta Sheshaifi Ahimanifi Talmai jed'ani, lafa suni keesaa gusse.

1 Samueli 17:7

Soometi woraana isaa haguma utuba geeti, ulfinni mata woraana isaa kilo torba askarticha tokoti isa dura deema, ka wonte jala baatu.