13 Daudini lafele Saulotifi ta Yonathani guure, ammalle lafele worra torbani kaani ka fafannisanile wolti guure.
Kae lafele Saulotifi ta ilma isa Yonathani worra Yabeshi ka lafa Gileadi keesa jiru iraa guure. (Worri suni qara lafele suni fulla dida koraa ta Beth-Shaniti hate, fulla worri Filisti gaafa Saulo gaara Gilboa gubbati ijeese reefa iti fannise.)
Jennaani worri lafele Saulotifi ta Yonathani awaala Kishi abba Saulo ka Zela lafa Benjamini keesa jiru keesaati awaale. Akanaani waan hayyuuni tolcha jed'e ch'ufa guutani. Eegi suni Waaqi kad'acha worri lafa suni jed'e, kad'ate, d'agaefi.