2 Samueli 12:16 - KITAABA WAAQA

¹⁶ Daudini Waaqa kad'ate, aka daima suni fayyu. Inni sagale nyaachu dide, halkani ch'ufa mana ufi keesa sire lakise lafa rafe.

2 Samueli 12:16 ပူးပေါင်းရင်းမြစ်များ

2 Samueli 12:15

Dubbi suni bufanani Nathanini kae worra ufiti gale. AABBO Waaqi daima niitiini Uria Daudi d'alte kaani fayya d'owe.

2 Samueli 12:22

Daudini waan jed'e, Wonti gaafa gurbaani jiru anini bohe sagale nyaachu dideefi, waan AABBO Waaqi hegeri naa nahe gurba suni duu d'owu sehe.

2 Samueli 13:31

Hayyichi olkae aka hama laalefate, woya ufii tarsaase, lafaani ufi d'ae. Hojattuuni isaa ta isa woliini jirtu ch'ufti akasuma laalefate woya ufi tarsaafte.

1 Hayyoota 21:27

Eliyaani dubbi tana buufate jennaani, Ahabuni woya ufi tarsaase, baafate, ch'arqi naqate. Inni sagalele nyaachu dide, woya ch'arqi sunini bule, fuula yakate, miira hamaate, ufuma dedeeme.

Nehemia 1:4

Anini qonqo tana d'agaye jennaani gatae bohe, haga guyya heddu laalefad'e sagale dide ufi agabse, Waaqa gubba kad'ad'e waan jed'eeni,

Esta 4:16

Beeni, Yahudi dira Shushani keesa jirtu ch'ufa wolti yaami, maro tiyya jed'a, guyya sadi, halkani guyyale, nyaata d'ugaati lakisa ufi agabsa, Waaqa naa kad'ad'a. Anaafi hojattuuni tiyyaleeni akasuma taana. Eegi suni, ato seeri na d'owele, gara hayyu d'aqa, yo tana jed'e due ha taatuti.

Faaru 50:15

Hojja gaargali isaniti d'ufu, na yaamad'a; anini d'ufe, isani baase, isanileeni na faarsitani.

Faaru 69:10

Anini ufi diqeese ufi agabse, waan sunifi nami na arabse.

Isaya 22:12

AABBO Waaqi guddaani guyya suni isani yaame, aka isani laalefatani bootani mata haadatani ch'arqi naqatani.

Isaya 26:16

Ee AABBO Waaqa, atini gumi tante gaargalchite, worri aka male laalefate siti bohe.

Danieli 6:18

Jennaani hayyichi mana ufiti gale, sagaleefi taba dide, hiriba d'abe, haga lafti bariituti akasuma ch'iise.

Danieli 9:3

Duuba guddise Waaqa gudda kad'ad'e, ufi agabse, ch'arqi naqad'e, daara keesati gale,

Yona 3:9

Hegeri Waaqi herega ufii jijire, dallansu ufii hamtu galfate badu nu d'owa fa!

Huji Ergattu 9:9

Haga guyya sadi lafa ingarre, yokhaani nyaate ind'unne.

Yoshua 7:6

Yoshuafi jaaroleeni Israeli bohani, woya ufii tataarsasani, Sanduqa Wold'aqisa AABBO Waaqa durati lafaani ufi d'aani aka hama laaleefatani. Biyye matati ufi guurani haga galgala arti ch'iisani.