1 Samueli 9:16 - KITAABA WAAQA

¹⁶ Bori hojja tana anini nama gosa Benjamini siti erga; Duuba atini isaa muudi, hayyu worra kiyya ka Israeli tolchi, isati worra kiyya harka worra Filisti keesaa baasa. Anini yayu gaargala worra kiyya arge boha worrale d'agaye.

1 Samueli 9:16 ပူးပေါင်းရင်းမြစ်များ

2 Samueli 3:18

Amma tolfad'a! Qaabad'a, waan AABBO Waaqi jed'e: Anini harka hojattu kiyya Dauditini worra kiyya ka Israeli harka nyaapa worra ka Filisti keesaa baasa.

2 Hayyoota 20:5

Deebii, waan Hezekia gudda gumi tiyyaatini jettu, Anini, AABBO Waaqi, Waaqi ababo kanke Daudi, yayu kad'acha tante d'agaye imimaani kanke arge. Anini si fayyise guyya sadeeso atini Mana Waaqa d'at'a.

Faaru 102:1

Ee AABBO Waaqa, kad'acha tiyya naa d'agayi, qarqaarsa anini si kad'ad'u naa kenni!

Faaru 106:44

Ammo ha taatuti, worri AABBO Waaqati boonnani inni gaargala worra arge.

Faaru 25:18

D'ipufi gaargala kiyya ilaali ch'ubbu tiyya ch'ufa naa araarami.

Mammaasa 16:9

Nami garaa ufitini woi herega, ammo nami kara dansaati isa qajeelchu Waaquma.

Yeremia 32:8

Jennaani akuma AABBO Waaqi nani jed'e, oboleesi kiyya Hanameli naabo suni keesati nati d'ufe waan nani jed'e, Oobru tiyya ta Anathothi, ta lafa Benjamini keesa jirtu, bitad'i. Miilooni tiyya aantini ta bitachuu malte sii. Duuba akasiini anini aka AABBO Waaqi nani dubbate hubad'e.

1 Samueli 10:1

Jennaani Samuelini dulo d'ad'a fuud'e, mata Sauloti naqe muude, d'ungate waan jed'eeni, AABBO Waaqati sii muude hayyu Israeli si tolche. Atini gosa isaa fidde harka nyaapa worraa keesaa baafta. Aka AABBO Waaqi si fohate hayyu worra isaa si tolche akanaani beeta.

1 Samueli 14:20

Jennaani Saulofi jari isaa wolti bahani worra Filisti, ka lafti iti dudud'e ufuma tae wolballeesu had'u d'aqani.

1 Samueli 14:23

Lola guyya suni ka Bethaveni dabrani gamale wolhad'ani keesa, AABBO Waaqi worra Israeli baase.

1 Samueli 15:1

Samuelini waan Sauloni jed'e, Nami AABBO Waaqi si muuditi erge ana, aka atini hayyu worra isaa ka Israeli tatu. Amma tana waan AABBO Waaqi guddaani jed'u ch'aqasi.

1 Samueli 16:1

AABBO Waaqi waan Samuelini jed'e, Atini haga yoomi Saulo boota? Eegi anini aka inni hayyu Israeli tahu dide. Amma tana buuda kanke d'ad'a iti naqi, Bethlehemu mana namicha Yese jed'ani d'aqi. Anini ilma isaa toko yayu fohad'e, aka inni hayyu tahu.

1 Samueli 16:3

Sorio suni Yese iti yaami, duuba waan atini tolchuu malte anati si garsiisa. Duuba nama anini si garsiisu muudi.