1 Samueli 7:3 - KITAABA WAAQA

³ Samueli waan worra Israelitini jed'e, Hojja isani AABBO Waaqati garaa keesani ch'ufaani ka deebitani tatani, isani waaqa worra gosa d'ibitifi akheekha waaqa Ashtorethi ufiraa balleesu maltani. AABBO Waaqati ufi kenna, isuma ch'alla kad'ad'a, duuba inni harka worra Filisti keesaa isani baasa.

1 Samueli 7:3 ပူးပေါင်းရင်းမြစ်များ

Uumama 35:2

Duuba Yakobooni waan worra isaatiifi nama isa woliini jiruuni jed'e, waaqoota harkaani boch'ani, ta lafa nyaapati kad'attani taani gata ufi qulqulleesa, woya jijirad'a.

1 Hayyoota 11:33

Wonti anini waan kana tolchufi Solomoniti na dide waaqa gosa d'ibi kad'ate: Ashtorethi waaqa Sidoni, Kemoshi waaqa Moabu, Milkomu waaqa Amoni. Solomonini ya waan hamtu tahe na dide, aadaafi seera kiyya ka abbaani isaa Daudini guute, iraa gore.

1 Hayyoota 8:48

Yo lafa suni keesati worri d'uguma daba ufi iraa deebie, lafa atini ababoota teenna kenniteefi dira atini fohate kanaafi Mana anini si jaare kanati fuula deefate si kad'ate,

2 Hayyoota 17:39

Isani ana, AABBO Waaqa keesani, ch'aqasu maltani, duuba anini harka nyaapa keesani keesaa isani baasa.

2 Hayyoota 23:15

Yosiani ammalle fulla waaqa d'ara iti kad'atani, ta hayyu Yeroboamu, ilmi Nabathi, Betheliti jaare akasiini worra Israeli ch'ubbu keesa buuse kaani ch'ach'abse. Yosiani ammalle fulla suni buqise, d'akha jaaranini ch'ach'abse bulleese, tume d'ukeese; ammalle akheekha Asherale fuud'e gube.

1 Odu duri 22:19

Amma qalbiifi garaa keesanini AABBO Waaqa keesani hojad'a. Kaa, Mana AABBO Waaqa jaara, aka Sanduqa Wold'aqisa AABBO Waaqatifi miha woyyuma keesa olkeetani.

1 Odu duri 28:9

Amma atinileeni, ilma kiyya Solomoni, Waaqa abba kanketi beekhi, garaa tokofi qalbi tokooni isaa hojad'i. Inni heregaafi fed'i teenna ch'ufa imbeekha, yo barbaadde isa inuma agarta; yo atini isa iraa gorte, inni haga jiru jireenna si abaare si lakisa.

2 Odu duri 19:3

Ammo ato atini akasile taate, dansumti diqooni toko siuma keesa jirti. Atini Waaqa d'ara, ka Ashera jed'ani, ya lafa keesaa balleesite haga dandeetu Waaqa d'ugaa barbaadde.

2 Odu duri 20:33

ammo fulla Waaqa d'ara iti kad'atani, ta gaareeni gubba, imballeesine. Biyyiti ammalle garaa tokooni Waaqa ababoota isaani inkad'anne.

2 Odu duri 30:19

Ee AABBO, Waaqa ababoota teenna, dansuma teetiini nama garaa tokooni si kad'atu araaramifi, ato worri aada gula ufi qulqulleesu baatele.

Mammaasa 16:1

Ato nami woi malatele, mali sunini Waaqumani qajeela.

Isaya 55:7

Ch'ubbichi ha kara ufi lakisu, nami hameenna gula deemu ha herega ufi garagalfatu. Inni ha AABBO Waaqa keennati deebiu. Duuba inni naheefi hurrise araaramaafi.

Yeremia 24:7

Anini herega worri aka anini AABBO Waaqa beekhuni worraa kenna, duuba worri gumi tiyya tahe, aninileeni Waaqa worraa taha; wonti akanatiifi worri garaa tokooni nati deebia.

Yeremia 36:3

Hegeri hojja worri Yuda badi anini itiini d'ufu fed'u d'agaye, worri hameenna isaani iraa deebiafa. Duuba anini dabaafi ch'ubbu isaani inaraaramafi.

Yeremia 4:1

AABBO Waaqi waan jed'u, Isani, worri Israeli, yo deebiu feetani, nati deebia. Yo isani waaqa harkaani mid'aafatani, ka anini jibbu gadi gatani naraa goru diddani,

Ezekieli 14:6

Tanaafi waan atini worra Israelitini jettu, wonti AABBO Waaqi jed'u tana: Kara hama qara keesa jirtani suni iraa deebia, waan harkaani boch'ani kana lakisa.

Ezekieli 18:31

Hameenna isani tolchitani kana ch'ufa yaala baha, qalbiifi garaa hareesa horad'a. Isani worri Israeli, maafi badu feetani?

Hosea 14:1

Ee Israeli, AABBO Waaqa keesaniti deebia, dabi keesani ya gufachiise isani buuse.

Matayo 15:8

Biyyiti tunini afaanumaani na guddifti, ammo garaani worra nara fago jira.

Matayo 4:10

Jennaani Yesoni waan jed'eeni, na biraa deemi, Sheet'ana t'aafiini waan jettu Aabbo Waaqa kanke ch'alla guddisi isuma ch'alla hojad'u!

Matayo 6:24

Nami tokoleeni dandae abbooti lama inhojatu: toko jibbeti kaani jaalata, yokhaani tokooni wold'aqani kaani tuffata. Waaqafi hori hojachu indandeetani.

Luqaas 4:8

Yesoni waan jed'eeni, T'aafiini waan jettu Aabbo Waaqa kanke ch'alla guddisi, isa male nama d'ibi inhojatiini.

Yohana 4:24

Waaqi Lubbu, nami isa kad'atu lubbufi d'ugaani kad'achu male.

Qaabacha Seera 10:20

AABBO Waaqa keesani sodaad'a, isuma ch'alla kad'ad'a. Isa biraa indeemina, maqa isaa ch'allaani kakhad'a.

Qaabacha Seera 13:4

AABBO Waaqa sodaad'a, gula deema, dubbi isaa ch'aqasa, seera isaa guuta; isa hojad'a, biraa indeemina.

Qaabacha Seera 4:29

Achiti isani AABBO Waaqa keesani barbaaddani duuba yo isani garaa tokooni barbaaddani, inuma gartani.

Qaabacha Seera 6:13

AABBO Waaqa keesani sodaad'a isa ch'alla hojad'a, maqa isaa ch'allaani kakhad'a.

Yoshua 13:31

Ammalle lafa Gileadi ta haga garitifi dira Ashtarothifi Edrei, dira gudda hayyu Ogu ka Bashani ejite. Dira kana ch'ufa yayu worra gosa Manase ta gari ta Makiri ilma Manase iraa baate kennani.

Yoshua 24:14

Duuba Yoshuani ammalle waan jed'eeni, AABBO Waaqa sodaad'a d'ugaafi garaa tokooni isa hojad'a. Waaqoota d'ara ka ababooti teesani duri galaana Frati gammafi lafa Misiri keesati kad'atte d'id'imati d'aa, AABBO Waaqa ch'alla hojad'a.

Yoshua 24:23

Inni waan jed'eeni, Yoosi Waaqoota gosa d'ibi ka isani qabdani kaani d'id'imati d'aa garaa tokooni AABBO Waaqa Israeliti ufi kenna.

Jaallaboota 10:16

Duuba worri waaqoota worra gosa d'ibi kaani gadi gate, AABBO Waaqa ch'alla kad'atani. Inni duuba gaargala worra Israeli arginaani obsu dad'abe.

Jaallaboota 10:6

Ammalle worri Israeli AABBO Waaqaa durati waan hamtu tahe waaqa Baalifi Ashtorethi jed'ani Kad'atani, ammalle waaqa worra Shamutifi ka Sidonitifi ka Moabutifi ka, Amonitifi ka Filistile kad'atani. AABBO Waaqati wollaalani isa kad'achu lakisani.

Jaallaboota 2:11

Jennaani worri Israeli waan hamtu Waaqa durati tolche Waaqoota Baali jed'ani kad'atani.

Jaallaboota 2:13

AABBO Waaqa lakisani Baalifi Ashtorethi kad'atani.

1 Samueli 31:10

Miha isaa ka lola mana waaqa worraa ka Ashtorethi jed'ani keesa kayani, nafa isaa dira Beth-Sani keesati fannisani.