1 Samueli 7:17 - KITAABA WAAQA

¹⁷ duuba eege worra ufi ka Rama jiruti gale achileti dubbi qore, Rama keesati inni fulla sorio iti qalani AABBO Waaqaa jaare.

1 Samueli 7:17 ပူးပေါင်းရင်းမြစ်များ

Uumama 33:20

Achiti fulla sorio iti qalani mid'aase, El-Elohe-Israeli jed'e yaame, akasi jechaani Waaqa, Waaqa Israeli jechu.

Uumama 35:7

Achiti fulla sorio iti qalani mid'aase, fulla sunii Waaqa Betheli gula El-Betheli jed'e yaame, waan Waaqi achiti isati mullateefi, gaafa inni oboleesa isaa Esau duraa baqate.

Isaya 10:29

Worri yayu kaarra bahe Geba bule! Worri dira Rama ya mudame, worri dira hayyu Saulo, ka Gebia jed'ani keesa jiru ya baqate.

Jaallaboota 4:5

Isiini meet'i toko jala teete jiddu Ramafi Betheli, lafa gareeni ta Efraimu keesa, worri Israeli achiti dubbii iti yaa.

Jaallaboota 6:24

Gideonini waan sorio AABBO Waaqa irati baasani artiti jaare, Nageenni AABBO Waaqa jed'e maqa baaseefi (wonti sunini arrale olla Ofra, ka balbala Abiezeri, jirti).

1 Samueli 1:1

Duri Nama tokoti jira, ka Elkana jed'ani ka gosa Efraimu, ka dira Rama lafa gareeni Efraimu keesa tau. Inni ilma Yerohamu ammalle akhaakhu Elihu; worri isaleeni worra Tohu, ka balbala Sufu.

1 Samueli 1:19

Boriyyaate Elkanafi worri isaa ganama lafaa kae duuba, Eegi Aabbo Waaqa kad'atani worra isani ka Ramati dachaani. Elkanani, niiti isatini woliini bulani, AABBO Waaqi kad'a isi d'agayeefi.

1 Samueli 11:15

Tanaafi worri ch'ufti Gilgali d'aqe, fulla woyyumati AABBO Waaqa durati, Sauloni hayyu keenna jed'ani lalabani. Sorio wold'ageeti baasani Saulofi worri Israeli ch'ufti jila tolfatani.

1 Samueli 14:35

Jennaani Sauloni fulla sorio iti qalani AABBO Waaqaa jaare; marooni qara ta inni waan akasi jaare tana.

1 Samueli 15:34

Jennaani Samuelini Ramati iti d'aabate, ammo Sauloni worra isaa ka Gibeati gale.

1 Samueli 2:11

Jennaani Elkanani kae Ramati gale, ammo gurbaani Samueli jed'ani, Shiloti hafe qaallu Eli jaala AABBO Waaqaa hojate.

1 Samueli 28:3

Bara Samuelini due kaani worri Israeli ch'ufti boheefi, dira isaa ka Rama keesati isa awaale. Jennaani baruma suni Sauloni nama wohimufi falfaltu ch'ufa irreeni lafa Israeli keesaa baase.

1 Samueli 8:4

Jennaani jaaroleeni Israeli ch'ufti wolti baate gara Samueli ka Rama jiru d'at'e,

1 Samueli 9:12

Dubarti waan worraani jette, Ee, inni armuma jira, kuno, diquma isani dura deema, yo arifatani ind'aqabdani, akuma dira seentanini gartani, wonti inni arra dira d'ufeefi waan biyyiti fulla sorio iti qalani ta gaara gubbati sorio qalu feetufi. Worri sorioti yaamani haga inni d'ufuti woma inyaatu, wonti akanatiifi inni qara sorio suni eebisuu male. Yo huriftani yaatani, ato inni gaara kore fooni sorio inyaanne d'aqabdani.