1 Samueli 7:10 - KITAABA WAAQA

¹⁰ Ato Samuelini sorio suni qalu jiru worri Filisti ka worra had'uu yau worrati d'iaate; ammo hojuma suni AABBO Waaqi gubbaa worrati mandie, worra mudamsiise baqachise.

1 Samueli 7:10 ပူးပေါင်းရင်းမြစ်များ

Faaru 18:15

Bisaani baariini fooqatani, biyyeeni godduuni mullatte yayabi lafaleeni diidati bahe, gaafa atini, ee AABBO Waaqa, nyaapa kanke dallansuuni lolte iti mandite.

Faaru 29:3

Qonqo AABBO Waaqa bisaani gubbati d'agayani, Waaqi guddaani mandie, hoga isaa baariini keesati d'agayani.

Faaru 29:4

Qonqooni AABBO Waaqaa jabdu, aka qonqo hayyu irre qabdi.

Faaru 78:66

Inni nyaapa ufi gusse, haga jiru jireenna ch'eerse.

Zekaria 4:6

Jennaani malaikaani suni waan naani jette, Tunini dubbi Waaqi Zerubabelini jed'e: Atini irreeniti yokhaani jabeennaniti lubbu tiyyaani wo dabsatta.

Qaabacha Seera 28:7

AABBO Waaqi nyaapa keesani, yo inni isani had'u, isani qarqaare isani dabsachiisa. Worri gama toko d'ufe isani had'e, ammo gamuma ch'ufa fulla deefate isani baqata.

Yoshua 10:10

AABBO Waaqi worra Amori worra Israeli durati mudamsiise lubbu naqe. Duuba worri Israeli lafa Gibeoniti worra hobaase, haga kaarra gaara, worra gusse haga Azekafi Makedatini baase.

Jaallaboota 4:15

Hojja Barakani duula ufiitini worra had'e, AABBO Waaqi Siserafi gaari isaatifi duula isaa ch'ufa worerse baqachise. Siserani gaari ufi iraa bue, miilaani baqate.

Jaallaboota 5:20

Urjini gubba nama haate; ato gubba martu Sisera haate.

Jaallaboota 5:8

Gaafasi Israeliini waaqoota d'ibi gula yaate, had'iisi lafati bue. Askarti Israeli ta kuma afurtama keesa nami woraanafi wonte qabu injira?

1 Samueli 12:17

Amma lafti bona, akasiyu? Ammo anini inkad'ad'a duuba AABBO Waaqi amuma tana mandie bokaya nuu rooba, hojja wonti kunini taatu, isani aka ch'ubbu hamtu AABBO Waaqati tolchitani gaafa hayyu kad'atani, beetani.

1 Samueli 14:15

Worri Filisti ka lafa suni keesa jiru ch'ufti aka taka inargini nahe shifta worraatifi askartini olla suni keesa jirtu ch'ufti hollate; laftileeni chochote nami ch'ufti aka hama mudame.

1 Samueli 2:10

Nyaapa AABBO Waaqa imballeesani; inni gubba iti mandia, AABBO Waaqi lafa ch'ufa qore hayyu ufi jabeese hayyu inni fohate dabsachiisa.

1 Samueli 7:11

Worri Israeli dira Mispa keesaa bahe worra Filisti reebe, karaati hobase haga Beth-Karitini gahe.