1 Samueli 29:6 - KITAABA WAAQA

⁶ Jennaani Akishini Daudi yaame waan jed'eeni, AABBO Waaqi imbeekha, aka atini naa saalfate, anini gama kiyyaani guddo gammada yo atini na woliini duultu. Anini haga atini fulla tiyya d'ufte taka wollaala womatu sirati ingarre, ammo jari hayyoota kunini d'ibiini si inquufu.

1 Samueli 29:6 ပူးပေါင်းရင်းမြစ်များ

Uumama 16:6

Abramuuni waan jed'eeni, Hayye, d'uguma isiini tisse teeti, harka kanke keesa jirti, waan feetu tolchi. Jennaani Saraiini aka hamtu Hajiri gaargalchinaani, isiini biraa baqatte.

2 Samueli 3:25

Atini aka inni soba arma d'ufe waan atini keesa jirtu ch'ufa hubate odu sunini galu imbeetu?

2 Hayyoota 19:27

Ammo anini waan kanke ch'ufa imbeekha, waan atini tolchitufi fulla atini deemtule. Ammalle aka atini dallante naati roqomtule anini imbeekha.

Faaru 121:8

Inni yo atini deemtufi yo atini galtule, arrafi haga hegerile, si qorqorata.

Isaya 37:28

Ammo anini waan kanke ch'ufa imbeekha, waan atini tolchitufi fulla atini deemtule. D'aadufi kiyyiba kanke anini imbeekha.

Isaya 65:16

Nami lafa suni ka eeba nama ira fed'atu, maqa Waaqa d'ugaatini naa eebisi namaani jed'a. Nami kakhu kakhatuleeni maqa Waaqa d'ugaatini kakhata. Gaargali qara lafa jiru hobae deebie inqaabatani.

Yeremia 12:16

Yo worri garaa tokooni aada gumi tiyya barate maqa AABBO Waaqatini wo kakhate — akuma duri worri gumi tiyya aka Baalini kakhatani barsiise — duuba worri gumi tiyya keesa fulla argate wo horata.

Henna 27:17

abbaa duula iti tahu tolchiifi, aka gumiini tante hooliya tissitu inqamne intaane.

Matayo 5:16

Akasuma ifsaani keesani ha nama durati ifsu, aka hujiini teesani dansaani mullatte Abba keesani ka gubba jiru guddisani.

Qaabacha Seera 10:20

AABBO Waaqa keesani sodaad'a, isuma ch'alla kad'ad'a. Isa biraa indeemina, maqa isaa ch'allaani kakhad'a.

Yoshua 22:30

Qaallicha Finehasifi jaaroleeni gumi Israeliti, mata ta isa woliini jirtu, ta isiini ch'ufti namu mata gosa ila adu teetu, waan worra gosa Reubenitifi ka Gaditifi ka Manase ka ilaboru jed'e d'ageennaani, dubbi worra quufani.

1 Petro 2:12

Adabi keesani gara worra Waaqa imbeenne ha dansa tahu, aka yo worri hameenna isani himate, huji teesani dansa argani, duuba Guyya d'ufiisa Waaqa isa faarsani.

1 Petro 3:16

Qalbi teesani qulqullefad'a, aka yo isani arabsani nami maro isani adaba dansaani Kristo gula yaataniifi hameenna isaniti dubbatu ch'eeru.

1 Samueli 20:3

Ammo Daudini waan jed'eeni, Abbe imbeekha aka atini na jaalatu, tanaafi inni waan na tolchu fed'u kana siti himu dide, aka atini hameenna iraa ingarre. Anini maqa AABBO Waaqa jirutini kakhad'a, aka dooti diqole fago nara injirre!

1 Samueli 28:10

Jennaani Sauloni isiiti kakhate waan jed'e, Anini maqa AABBO Waaqatini kakhad'a aka hojja atini waan kana naa himtele woma si intolchini.

1 Samueli 29:3

Worri gugurda askarti Filisti worra Daudi arge waan hayyuuni jed'e, Worri Ebrania kunini maani armaa tolcha? Akishini waan jed'eeni, Kunini Daudi nama duri hayyicha Israeli ka Saulo jed'ani hojate. Ammo amma naafi inni guddo woliini teenne. Haga inni fulla tiyya d'ufe anini taka waan hamtu inni tolche ingarre.

1 Samueli 29:7

Tanaafi amma nagayaani keesa deebii; waan worri infeene tokole intolchini.

1 Samueli 5:8

Jennaani nama ergani hayyoota shanani ta worra Filisti wolti gadi yaamani, Sanduqa Wold'aqisa ka Waaqa Israeli maani tolchina? jed'ani gaafatani. Worri waan jed'eeni Gathiti geesa. Jennaani worri Gathiti geesa.