1 Samueli 17:47 - KITAABA WAAQA

⁴⁷ Ammalle nami arma jiru, ka wolti bahe kunini ch'ufti aka AABBO Waaqi goraade yokhaani woraana male gumi ufi baasu arga. Lola isati dabsata, isani ch'ufale amuma harka keennati kenna.

1 Samueli 17:47 ပူးပေါင်းရင်းမြစ်များ

2 Hayyoota 5:15

Inni jara isaa ch'ufa woliini gara Elisha deebie waan jed'eeni, Amma anini ya beekhe, aka Israeli keesa male Waaqi fulla d'ibi injirre; tanaafi amma, aabbo, waan anini sii d'ufeeni kana nara fud'ad'i.

2 Odu duri 14:11

Asani AABBO, Waaqa isa kad'ate waan jed'e, Ee AABBO Waaqa, atini dandeete jabaafi laafale qarqaarta, amma nu qarqari, ee AABBO Waaqa keenna, nu si abdanne, maqa kanketini duula muumme inqamne kana had'u d'ufne. Ee AABBO, atini Waaqa keenna; nami si dabsatu tokoleeni injiru jed'e.

Faaru 46:11

AABBO Waaqi guddaani nu woliini jira, fullaani nu iti baqannu Waaqa Yakobooti.

Isaya 9:7

Jabeenni inni namaani fidu inhobau, lafti inni fidu yo ch'ufa nagaya qabdi. Inni barch'uma Daudi, ka hayyuma, ira tae nama fida; inni d'ugaafi qajeelumaani nama fida, haga ammatiifi haga hegerile. AABBO Waaqi guddaani waan suni guutu male illakisu.

Hosea 1:7

ammo gosa Yuda injaalad'a. Ammalle anini, AABBO Waaqi, Waaqi worraa, worra imbaasa, ammo had'iisa goraadetiini yokhaani guubetiifi t'iyatiini yokhaani ka fardafi ka nama fardaani lolutiini imbaasu.

Zekaria 4:6

Jennaani malaikaani suni waan naani jette, Tunini dubbi Waaqi Zerubabelini jed'e: Atini irreeniti yokhaani jabeennaniti lubbu tiyyaani wo dabsatta.

Roomaa 8:31

Ka waan ch'ufa garru, nu maani jenna? Yo Waaqi gama keenna jiraate, eentu dandae nu dabsata?

Roomaa 8:37

Hiyyo, waan kana ch'ufa nu maro nama nu jaalatuufi dabsanna!

Yoshua 10:8

AABBO Waaqi waan Yoshuani jed'e, Worra diqole insodaatiina. Anini worra yayu harka keetiti kenne worri tokoleeni ka si dura eju injiru.

1 Samueli 14:6

Yonathanini waan kaimticha kaaniini jed'e, Olla worra aada inqamne, ka gura inuranne, suniti nu yaasa. Hegeri AABBO Waaqi nu qarqaara; yo inni nu qarqaare wonti worra dabsachu nu d'owa injirtu, ato nu nama diqa taanele.

1 Samueli 18:17

Jennaani Sauloni waan Daudini jed'e intala tiyya guddo ta Merabu jed'ani tana sii keenna, hod'i, fuud'i. Ammo hojja fuute askarti janna tate AABBO Waaqa hojachu malte. (Sauloni waan ufiini jed'e, Anini harka kiyyaani isa intuqu, ha worri Filisti isa ijeesuti.)