1 Samueli 17:26 - KITAABA WAAQA

²⁶ Daudini waan nama isa bira ejaanjuni jed'e, Nama namicha Filisti kana ijeese ch'eera hama kana gosa Israeli dura baase maani kennanifi? Qarale namichi Filisti kunini ka qabanqaba inqabatini hojja tae askarti Waaqa jiru ch'ompifatu eenu ufi seha?

1 Samueli 17:26 ပူးပေါင်းရင်းမြစ်များ

2 Hayyoota 19:4

Hayyuuni Ashuru yayu namicha gudda hojattu isaa, Waaqa gudda arabsi jed'e erge. AABBO Waaqi kanke ha araba kana d'agaye worra isa arabsu kana gaargalchuti. Tanaafi atini amma worra keenna ka hafu Waaqa kad'ad'i.

2 Odu duri 32:17

Tatabeeni hayyichi t'aafe taani AABBO Waaqa Israeli aka hama gurra balleesite waan jette, Waaqi gochiti d'ibiini yaamatuleeni, taka gosa isa harka kiyya keesaa imbaamne, Waaqi Hezekialeeni akasuma dandae worra ufi harka kiyya keesaa imbaasu.

Nehemia 5:9

Jennaani anini waan jed'eeni, wonti isani tolchitani sunini diqole dansaniti! Sila Waaqa sodaatani waan dansa tahu maltani. Yo akasi taatani nyaapi keenna, ka gosa d'ibi, waan nu goyeesuuni inqabu.

Faaru 44:13

Gochiti d'aatu teenna jirtu waan atini nu tolchite agarraani nu goyeesite nu kofalti.

Faaru 74:18

Ammo ee AABBO Waaqa, aka nyaapi kanke si goyeesu qaabad'i. Worri si imbeekhu, tanaafi si tufata.

Faaru 79:12

Ee Aabbo Waaqa gosa arabsite si miite, maro torba haalo baafad'i.

Isaya 37:23

Nama atini arabsite goyeesite kana eenu seeta? Nami atini tufate sunini anuma, Waaqa Israeli qulqullo.

Yeremia 10:10

Ammo AABBO Waaqa, atini Waaqa d'ugaa, atini Waaqa jirufi hayyu haga jiru jireenna jiru. Hojja atini dallantu, lafti inchochooti, gochitileeni dallansu tante dandeete inoobsitu,

Yeremia 9:25

AABBO Waaqi waan jed'u, Guyyaani ind'ufa, ka anini worra gosa Misiritiifi ka Yudatifi ka Edomutifi ka Amonitifi ka Moabutifi worra lafa gamooji ka mata ufi gababse ch'iratu gaargalchu. Worri kunini ch'ufti aada gula qabanqaba qabata, ammo waan aadaani suni malteefi inguunne. Worra kanafi worri Israeli tokoleeni wold'aqisa kiyya injabeesine.

Ezekieli 28:10

Atini akuma sare harka worra Waaqa imbeennetini doota. Nami waan kana jed'e ana, AABBO Waaqa gudda.

Danieli 5:23

Atini Waaqa gubbati wollaalte, muduunufi qori mana isaa guurte d'ufteeni, duuba siifi jara kanke gugurdafi nad'eeni teetifi gaarayooti tanteleni daad'iini d'uddani, waaqa worqifi qarsifi sibiila diimafi sibiila guraachafi mukhaafi d'akhaani mid'aasani faarsitani — waaqa woma ingarre, ka woma ind'ageenne, yokhaani ka woma imbeenne. Ammo atini Waaqa duafi jireenna kanketifi ammalle waan atini tolchitu ch'ufa harkaa qabu guddisu didde.

Danieli 6:27

Inni nama baase badile d'owa, lafafi gubba irati akheekha jabaafi waan mama tolcha. Nami afaani nyeench'a keesaa Danieli baase isuma.

Danieli 9:16

Atini duri ya nuu kalchite, tanaafi amma Yerusalemuti deebite indalanini. Inni dira kanketi, gaara kanke qulqullo. Nami lafa nu d'aatu jiru ch'ufti, Yerusalemufi gumi tante tufata wonti suni ch'ufti maro ch'ubbu teennatifi waan hamtu ababooti teenna tolchiteefi nu d'aqabde.

Yoeli 2:19

Anini amma tana mid'aanifi daad'ifi d'ad'a isanii kenna; duuba inquuftani. Gochiti d'ibileeni deebite isani intufattu.

Qaabacha Seera 5:26

Nami lubbu qabu tokoleeni ka eegi Waaqa jireenna ka ibida keesaa dubbate d'agaye jiraate injira?

1Tasaloonqe 1:9

Nami ch'ufti waan gaafa nu gara keesani d'umne, ka isani aka dansa nu bulchitani, dubbata, aka isani waan harkaani boch'ani lakiftani Waaqati deebitani, Waaqa d'uga ka jiru hojattani,

Yoshua 3:10

Inni ato isani gad'uftanu gosa Kanaanitiifi ta Hititifi ta Hivitifi ta Perezitifi ta Gergeshitifi ta Amoritifi ta Yebusile isani duraa gussa. Duba isani akasiini aka Waaqi jiru isani woliini jiru beetani.

1 Yohona 5:20

Ammalle nu imbeenna aka Ilmi Waaqa d'ufe hubacha nuu kenne, akasiini aka Waaqi d'ugaa beenna. Nu Waaqa d'ugaa keesa jira, Ilma isaa Yeso Kristo keesa. Waaqi d'ugaa kana, jireenni hegerileeni kana.

1 Samueli 11:2

Nahashini waan jed'eeni, Anini yo toko ch'alla wold'aqisa isaniini woliini dubbad'a: Anini ila mirgiti teesani ch'ufa isani keesa yaase, akanaani worra Israeli ch'ufa ch'eersa.

1 Samueli 14:6

Yonathanini waan kaimticha kaaniini jed'e, Olla worra aada inqamne, ka gura inuranne, suniti nu yaasa. Hegeri AABBO Waaqi nu qarqaara; yo inni nu qarqaare wonti worra dabsachu nu d'owa injirtu, ato nu nama diqa taanele.

1 Samueli 17:10

Anini amma tana askarti Israeli ch'ompifad'a. Nama toko na baasa, wolhaana.

1 Samueli 17:30

Eege inni nama d'ibileti garagale dubbi suni gaafate, nami sunileeni ch'ufti akuma qara kaani iti hime.

1 Samueli 17:36

Anini nyeench'afi gorjamale ya ijeese, namicha aada inqamne, ka Filisti kana, ka askarti Waaqa jiru tae ch'ompifatu kanale inuma ijeesa.

1 Samueli 31:4

Inni waan nama miha isaa ka lola isa jala baatuni jed'e goraade tante qalqala keesaa fud'ad'i, lubbu na kuti, aka worri waaqa imbeenne kunini na qabe nati tabate na inijeemne. Ammo namichi sunini mudame isa ijeesu dide. Jennaani Sauloni gorade ufii fud'ate ufi jala d'aabe iti dirme.