1 Samueli 16:1 - KITAABA WAAQA

¹ AABBO Waaqi waan Samuelini jed'e, Atini haga yoomi Saulo boota? Eegi anini aka inni hayyu Israeli tahu dide. Amma tana buuda kanke d'ad'a iti naqi, Bethlehemu mana namicha Yese jed'ani d'aqi. Anini ilma isaa toko yayu fohad'e, aka inni hayyu tahu.

1 Samueli 16:1 ပူးပေါင်းရင်းမြစ်များ

1 Hayyoota 8:16

Haguma anini gumi tiyya lafa Misiri keesaa baase anini dira tokole lafa Israeli keesati fulla mana kiyya iti jaarani na kad'atani infohanne. Ammo Daudi, anini ya si fohad'e, aka atini gumi tiyya fidu jed'e.

2 Hayyoota 9:1

Jennaani raagi Elisha jed'ani kaani raaga kaimticha toko yaame waan jed'eeni, Kurfefad'i, Ramothi ka Gileadi d'aqi. Dulo d'ad'a tana fuud'i,

2 Hayyoota 9:3

d'ad'a kanaani muudi waan jettuuni, AABBO Waaqi waan jed'u, Anini yayu si muude hayyu Israeli si tolche. Duuba achumati lakisi, hurrisi biraa deemi.

2 Hayyoota 9:6

Jennaani worri lachu mana olduude raagi kaimtichi kaani Yehu muude waan jed'eeni, AABBO Waaqi Israeli waan jed'u. Anini si muude hayyu worra kiyya ka Israeli si tolcha.

1 Odu duri 11:3

Jennaani jaaroleeni Israeli ch'ufti Daudi ka Hebroni jiruti d'ufte. Inni AABBO Waaqa durati wold'aqisa worra woliini tolfate, duuba worri isa muude, hayyu Israelile isa tolche, akuma AABBO Waaqi duri Samuelini biyyaati hime.

1 Odu duri 28:4

AABBO Waaqi Israeli anaafi d'aloota kiyya fohate, aka nu haga jiru jireenna Israeli mohanu. Inni gosa Yuda fohate, aka hayyuuni keesaa d'alatu, ammalle gosa Yudale keesa worra abba kiyya fohate, worra keennale keesa inni na jaalate, na fohate, hayyu gosa Israeli ch'ufa na tolche.

Isaya 11:1

D'alooti Yese hunda mukha murani fakaata; ammo akuma dameeni latte hunda suni iraa baatu, akasuma hayyuuni d'aloota isa keesa d'alata.

Isaya 11:10

Guyyaani ind'ufa, ka nami d'aloota Daudi hayyu tahe, akheekha gosa ch'ufaa tahu. Worri dira isaa keesati wolti bahe isa guddisa.

Isaya 55:4

Anini hayyufi abba duula isa tolche, irre tiyya isaani worra garsiise.

Yeremia 11:14

Yeremia, worra kana jette na inkad'atiini. Yo worri gaargala seene na kad'atele, anini worra inch'aqasu.

Yeremia 15:1

Jennaani AABBO Waaqi waan nani jed'e, Ato Musafi Samuelileeni arma ejaanjani na kad'atinile, anini worra kanaa inahu. Gumi tana fuula kiyya duraa fageesi, ha yaatuti.

Yeremia 6:30

Worra sunini, booru woma keesa injirre jed'aniini, wonti akanatiifi anini, AABBO Waaqi, ya worra dide.

Yeremia 7:16

AABBO Waaqi waan jed'e, Yeremia, gumi tanaa inkad'atiini. Worraa jette boote Waaqa inkad'atiini; worraa jette na insobatiini, anini si inch'aqasu.

Zekaria 4:14

Jennaani isiini waan jette, Jari kuni lamaani worra Waaqi, abba lafa ch'ufaa, fohate muude aka worri huji isaa hojatu.)

Roomaa 15:12

Ammalle Isayani waan jed'u, Nami d'aloota Yese ind'ufa; inni olkaeti gosa d'ibi fida; isiini abdi ufi isa gubbaa keyatti.

Ebrania 11:32

Dura deeme, nama d'ibile hima re? Waan Gideonitifi Barakafi Samsonifi Yefthafi Daudifi Samuelifi raagoota ch'ufa amma himu indandau.

1 Yohona 5:16

Yo nami oboleesa ufii ka daba nama ijeesu tolchu arge, ha Waaqa kad'atuufi: aka Waaqi jireenna isaa keennu. Wonti kunini waan nama daba nama ijeesa intolchiini dubbatti. Ammo dabi nama ijeesu injira; anini, daba kana Waaqa kad'ad'a isaniini injed'u.

1 Samueli 10:1

Jennaani Samuelini dulo d'ad'a fuud'e, mata Sauloti naqe muude, d'ungate waan jed'eeni, AABBO Waaqati sii muude hayyu Israeli si tolche. Atini gosa isaa fidde harka nyaapa worraa keesaa baafta. Aka AABBO Waaqi si fohate hayyu worra isaa si tolche akanaani beeta.

1 Samueli 15:11

Anini waan Saulo hayyu tolcheefi guddo gaabe. Inni naraa gore naa saalfachu dide. Samuelini dubbi suni ira guddo laalefate halkani suni ch'ufa AABBO Waaqati boha bule.

1 Samueli 15:23

Diditini isa didani akuma falfala hamtu. Kiyyibi isa durati kiyyibanileeni akuma nama waaqa harkani mid'aasani kad'ate hama. Waan atini dubbi AABBO Waaqa diddeefi, innileeni aka atini hayyu tate worra Israeli dura deemtu ya dide.

1 Samueli 15:26

Ammo Samuelini waan jed'eeni, Anini si woliini indeebiu, atini yayu dubbi AABBO Waaqa didde, innileeni yayu aka atini hayyu Israeli taatu si dide.

1 Samueli 15:35

Eegi suni Samuelini taka jireenna ufi keesa Saulo inagarre, ammo guddo boheefi. AABBO Waaqileeni waan Saulo hayyu Israeli tolcheefi guddo gaabe.

1 Samueli 16:15

Hojattuuni isaa waan isaani jette, Nu ya garre aka jinnini AABBO Waaqi siti erge si gaargalchuu jirtu.

1 Samueli 16:23

Guyya suni asi, hojja jinnini AABBO Waaqi erge Sauloti d'uftu ch'ufa, Daudini kiraari isaa fud'ate tabataafi. Duuba jinnini sunini Saulo iraa deebiite, isa miiri iti deebie gooma.

1 Samueli 17:12

Daudini ilma Yeseti, ka gosa Efrathi, ka worri isaani dira Bethlehemu, ka lafa Yuda. Yeseni ilmaani saddeeti qaba, bara Sauloni nama fide suni inni waan jaare hobae.

1 Samueli 9:16

Bori hojja tana anini nama gosa Benjamini siti erga; Duuba atini isaa muudi, hayyu worra kiyya ka Israeli tolchi, isati worra kiyya harka worra Filisti keesaa baasa. Anini yayu gaargala worra kiyya arge boha worrale d'agaye.