1 Samueli 15:23 - KITAABA WAAQA

²³ Diditini isa didani akuma falfala hamtu. Kiyyibi isa durati kiyyibanileeni akuma nama waaqa harkani mid'aasani kad'ate hama. Waan atini dubbi AABBO Waaqa diddeefi, innileeni aka atini hayyu tate worra Israeli dura deemtu ya dide.

1 Samueli 15:23 ပူးပေါင်းရင်းမြစ်များ

Uumama 31:19

Ato Yakobooni kae ingodaaniini, gaafa toko Labaniini hooliye isaa dabassa woyaani mid'aasani iraa ch'iruu d'aqe, jennaani Raheliini mana abba seente waan harkaani mid'aasani ka aka Waaqa kad'atani duraa hatte.

Uumama 31:34

Raheliini isa durati, ato inni ind'ufini, Waaqoota Labani taani fuute subba gaalaani fahani keesa keete ira teete. Labaniini waaro ch'ufa garagalche soqe, ammo woma keesaa d'abe.

2 Samueli 12:9

Atini maani duuba dubbi tiyya lakifte, waan hamtu anini infeene kana tata? Atini Uria woraanati geesite worra Amoni isa ijeesifte, niiti isaale fud'ate!

2 Samueli 7:15

Ammo anini isa qarqaaru illakisu, aka duri Saulo lakise, fulla isaa hayyu si tolche.

1 Odu duri 10:13

Wonti Sauloni duefi waan inni AABBO Waaqa durati wollaala tolcheefi. Inni dubbi AABBO Waaqa dide, gara nama ekheraani dubbatu d'aqe wogaafate,

1 Odu duri 28:9

Amma atinileeni, ilma kiyya Solomoni, Waaqa abba kanketi beekhi, garaa tokofi qalbi tokooni isaa hojad'i. Inni heregaafi fed'i teenna ch'ufa imbeekha, yo barbaadde isa inuma agarta; yo atini isa iraa gorte, inni haga jiru jireenna si abaare si lakisa.

Aayubu 34:37

Ch'ubbu inni qara hojate lakisi, amma inni Waaqaani morku jira; ila teenna ch'ufa durati tae, harka d'aane, Waaqa goyeesa.

Faaru 107:11

Maro dubbi Waaqa dide, mala Waaqi guddaani worra d'ae tufate, gula deemu dideefi,

Bahisa 22:18

Nad'eeni waan falfala tolchitu ch'ufa ha fit'ani.

Isaya 19:3

Anini mala worra Misiri balleese garaa worraa yaka. Worri waan harkaani boch'ani kaani wo gaafate, falfaltule d'aqe, ekherale gorsa iraa fud'ata.

Isaya 8:19

Ammo biyyiti waan isaniini jettu, Nama wo himu falfaltu, worra ekhera yaamatu, ka woch'e haasaani wo dubbatu, gaafad'a. Worri waan jed'u, silaaftu nami ergattu gara ekheraati d'ufte maro nama jiruti jed'e wo gaafata.

Yeremia 16:12

Ammo isani yayu abbooti teesanile ira waan hamtu tolchitani. Isani ch'ufti mata jabaatani, hameenna gula yaatani, naa saalfachu diddani.

Yeremia 28:16

Tanaafi AABBO Waaqi waan siini jed'u, Amma lafa keesaa si balleesa. Gannuma kana keesati doota, waan atini biyyaani, Dubbi Waaqa dida jetteefi.

Hosea 13:11

Anini dallansu tiyyaani hayyoota isanii kenne ammalle dallansuma suniini hayyoota suni isani iraa fuud'e.

Hosea 3:4

Akanaani worri Israelileeni hayyufi jaarsa male yokhaani ka soriofi d'akha woyyu ka old'ad'aabani yokhaani akheekha waaqoota d'ara ta woini garsiisani inqamne, tau male.

Lawi 20:27

Nama ekhera wogaafatu, d'iira taanaani yokhaani uwa taanaan, ha d'akhaani ijeesani. D'iigi nama waan akana kana tolehu ch'ufti gubbuma isaati.

Lawi 20:6

Hojja nami worra ekhera wogaafatu gorsa iraa fud'achu d'aqu, anini nama suniti garagale deebie nama suni gumi tiyyati inheregu.

Henna 14:9

AABBO Waaqa diddani iraa ingorina, worra lafa suni insodaatina, worri womaa keesa nu injiru, hure dabsanna. AABBO Waaqi nu woliini jira, Waaqa worra, ka worra qorqoratu, yayu dabsate irre d'owe, tanaafi insodaatina.

Huji Ergattu 13:22

Eege Waaqi isa lakise Daudi hayyu worraa tolche. Waaqi isa d'ugeese waan jed'e, anini yayu Daudi, ilma Yese argad'e, ka garaani kiyya maache fed'i tiyya ch'ufa guutu.

2 Korintho 6:16

Mani Waaqa, waan harkaani boch'ani ka worri Waaqa imbeenne kad'atuuni wolintaani? Nu Mana Waaqa jiruuti! Akuma Waaqi ufiini jed'e, Anini mana kiyya worra woliini jaarad'e worra woliini taa, anini Waaqa worraa tahe, worrileeni gumi tiyya taha.

Galatia 5:20

falfalumafi waan harkaani boch'ani kad'atani. Nami nyaapa wolti tahe wolhad'e, wolqot'isani, wolti dalanani, ufo tahani, gargari woli qoodani,

Qaabacha Seera 9:24

Haguma anini isani arge isani dubbi AABBO Waaqa diddani.

Qaabacha Seera 9:7

Deebitani inded'ina, aka isani AABBO Waaqa keesani lafa aloo ta gamooji keesati dallansiiftani. Haguma gaafa duri lafa Misiriti kaatani armaani baatani isani dubbi isaa diddani.

Yoshua 22:15

Lafa Gileadi, fulla worri Reubenitifi ka Gaditifi ka Manase ka ilaboru jiruni d'ufani waan jed'aniini,

Mudhii Yohaannisii 21:8

Ammo nama daafanafi kiyyibafi hamafi nama nama ijeesufi algalaafi ka murma baafatufi ka waan harkaani boch'ani guddisuufi ka nama sobu, fullaani worraa galaana ibidaati, ka duisa lameeso.

Mudhii Yohaannisii 22:15

Ammo moga dira, worra hamamafi falfaltufi algalaafi ka nama ijeesufi ka waan harkaani boch'ani kad'atuufi nama dubbifi hujiini kiyyibuuti jira.

1 Samueli 13:14

Ammo amma tana atini dura deemte worra infiddu. Waan atini AABBO Waaqa seera isa gula deemu diddeefi, inni nama garaani isaa jaalatu barbaade, hayyu worra isaa tolcha.

1 Samueli 16:1

AABBO Waaqi waan Samuelini jed'e, Atini haga yoomi Saulo boota? Eegi anini aka inni hayyu Israeli tahu dide. Amma tana buuda kanke d'ad'a iti naqi, Bethlehemu mana namicha Yese jed'ani d'aqi. Anini ilma isaa toko yayu fohad'e, aka inni hayyu tahu.

1 Samueli 2:30

Tanaafi anini, AABBO Waaqi Israeli, waan jed'u: Anini duri aka worraafi gochiti tante haga jiru jireenna qaallu naa tatu kakhad'e. Ammo anini amma aka suni ya dide! Anini amma nama na guddisu guddise ammo nama ch'eera naa d'abu tufad'a.

1 Samueli 28:3

Bara Samuelini due kaani worri Israeli ch'ufti boheefi, dira isaa ka Rama keesati isa awaale. Jennaani baruma suni Sauloni nama wohimufi falfaltu ch'ufa irreeni lafa Israeli keesaa baase.