1 Samueli 10:6 - KITAABA WAAQA

⁶ Duuba hojuma suni lubbuuni AABBO Waaqa sira buute, atini sirbafi lalaba worraa keesa seente garagalte nama haraa taata.

1 Samueli 10:6 ပူးပေါင်းရင်းမြစ်များ

Henna 11:17

Duuba anini gabue, artiti siini dubbad'a, ammalle jabeenna lubbuu ka qara si kennele haga gari siraa fuud'e worraa kenna. Akanaani worri si qarqaare, baani worraa siti sablate, wahela argatta.

Henna 11:25

Jennaani AABBO Waaqi dumansa keesa gabue isaani dubbate, jabeenna lubbu qara isaa kenne haga toko iraa fuud'e, jaarole torbatama taani qoode. Lubbuuni ira bute jennaani worri haga gababa toko aka raaga iyye.

Henna 11:26

Jaarole torbatama suni keesa, nami lama, ka Heldadifi Medadi jed'ani, fulla Waaro suni d'ufu dide worrati hafe. Achi olla keesati, worrale lubbuuni ira bute, worrileeni aka raaga iyye.

Henna 11:29

Musani waan jed'eeni, Atini waan worri kunini tahe ira hameenna agarta? Yo sila taate anini aka AABBO Waaqi lubbu isaa nama ch'ufa ira buuse aka raaga iyyisisu fed'a!

Matayo 7:22

Guyya suni nami hedduuni, Nu maqa keetiini fanne, maqa keetiini jinni baamne, ammalle maqa keetiini waan mama heddu tolchine jed'a.

Jaallaboota 14:6

Jennaani hojuma suni irreeni AABBO Waaqa Samsoni jabeesite, inni harka ufiitini nyeench'a qabe, aka kaarata ree gargari Tarsaase. Ammo inni waan tolche suni Abbaafi haad'aleti inhimne.

Jaallaboota 15:14

Inni Lehiini bahe jennaani, worri Filisti isati iyye iti orie. Jennaani Yoma suni irreeni AABBO Waaqa isa jabeesite, inni haada harka isaatini hid'ani kaani ch'ire, akuma liilana qaqalla ch'irani.

Jaallaboota 3:10

Inni lubbu Waaqaa argatte jaallaba Israelii tahe. Inni duula d'aqe, AABBO Waaqi hayyu Mesopotamia kaani harka isaati kenne inni isa dabsate.

1 Samueli 10:10

Saulofi hojatuni isaa Gibeani bahani jennaani raagoota hedduuni wolwoldaani. Hojuma suni lubbuuni Waaqa isa ira buute, inni sirbafi lalaba worra keesa seene.

1 Samueli 10:9

Sauloni Samueli biraa deeme galisaa kae iti d'aabannaani Waaqi onne Saulo garagalche wonti Samuelini isati hime kaani ch'ufti guyya suni taate.

1 Samueli 11:6

Sauloni dubbi suni d'agaye jennaani lubbuuni Waaqa isa ira buute inni guddo dallane.

1 Samueli 16:13

Samuelini d'ad'a fuud'e, oboleyaani isaa durati Daudi muude. Hojuma suni lubbuuni AABBO Waaqa jabeennaani isa ira buute deebite isa biraa indeemne. Jennaani Samuelini Ramati deebie.

1 Samueli 19:20

jennaani inni nama isa qabu iti erge. Worri raagoota ta lalabde sirbuti jirtu ka Samuelini gudda worra arge. Jennaani lubbuuni AABBO Waaqa jara Saulo ira buute worrileeni lalabe sirbe.