1Tasaloonqe 2:4 - KITAABA WAAQA

⁴ Ammo nu hojja ch'ufa aka Waaqi fed'u hasoomna, maro inni nu jaalate Odu Dansa nuu kenneefi. Nu nama gammachiisu imfeenu, ammo Waaqa ka herega garaa keenna ilaalu gammachiisu feena.

1Tasaloonqe 2:4 ပူးပေါင်းရင်းမြစ်များ

1 Hayyoota 8:39

kad'acha isaa d'agayifi. Mana kanke ka gubbati worra ch'aqasi, araaramifi, qarqaari. Si ch'allaati herega nama ch'ufa beekha, tanaafi nama ch'ufa waan isaa male tolchiifi,

2 Hayyoota 16:16

Qaallichi Uriani, waan ch'ufa akuma hayyuuni jed'eeni tolche.

1 Odu duri 29:17

Anini imbeekha, aka atini onne nama ch'ufa ilaalte nama d'uga iraa gammaddu. Fed'ifi garaa tokooni anini waan kana ch'ufa sii baase, ammalle anini aka gumiini tante tunini gammadani waan kana ch'ufa sii baaftu ya arge.

Faaru 139:23

Ee Waaqa, na ilaali garaa kiyya beekhi, na laali, heregi kiyya hubad'i.

Faaru 17:3

Atini garaa kiyya imbeeta; halkaniini nati d'ufte na ilaalte, d'araa hamtu tokole na keesaa d'abde.

Faaru 44:21

atini imbeetu? Atini herega keenna ch'ufa imbeeta.

Faaru 7:9

Atini Waaqa d'ugaati, ka herega keennafi garaa keenna laalu. Ch'ubbicha hameenna ira balleesi, nama waan dansa tolchuu nagaya kenni.

Mammaasa 17:3

Worqifi qarsi ibidaani bassani ilaalani, AABBO Waaqileeni akasuma garaa namaa laala.

Yeremia 17:10

Anini, AABBO Waaqi, qalbi nama ch'ufa laale, garaa namale ilaalad'a. Anini nama ch'ufa adabuma isaa gula waan male kennaafi, waan inni tolchu gula.

Yeremia 32:19

Atini heregaafi mala jaba qabda, waan jabdule siumati tolcha; atini waan nami tolchu ch'ufa agarte huji isaa gula woi kennitaafi.

Henna 27:16

Ee AABBO Waaqa, ka lubbu nama ch'ufa harkaa qabdu, anini si kad'ad'a, nama gumi tanaani deeme

Luqaas 12:42

Duuba Aabbooni waan jed'eeni, Gololchituuni qalbi qabdu ta abba ufi guute eennu re? Inni ka abbaani isaa waan ch'ufa harka isati kenne, hojattu d'ibi gololchi jed'uuni.

Luqaas 16:11

Tanaafi hojja qara hori lafa tanatiini isani d'arefatani eentu dandae hori d'ugatiini isani d'ugefata?

Yohana 21:17

Ammalle maro sadeeso Yesoni waan jed'eeni, Simoni ilma Yohana, Atini naa feeta? Petroni garaa ufi keesati lalefate waan inni maro sadeeso, Atini naa feeta? jed'eefi. Inni waan jed'eeni, Aabbo, atini waan ch'ufa imbeeta, aka anini si fed'u imbeeta. Yesoni waan jed'eeni, Hooliye tiyya nyaachisi.

Roomaa 8:27

Ammalle Waaqi, ka garaa nama ch'ufa argu, herega Lubbu imbeekha. Wonti akanatiifi Lubbuuni waasaani Waaqa kad'atti maro gumi isaatiifi ammalle fed'i isaa gula.

1 Korintho 7:25

Amma waan uwaafi d'iira ka woli infuud'iini ka isani, nati t'aaftani: wonti isaani ka Aabbooni nati hime injirtu, ammo aka nama naasu Aabbootiini d'ugefachu malani jed'a.

1 Korintho 9:17

Yo sila anini huji tiyya fed'iini tolche, hori na baasu malani; ammo waan na tolchisiisaniifi, akasi aka anini huji nati kennani tolchu male agarsiisa.

2 Korintho 2:17

Nu aka worra dubbi Waaqaatiini daldalu injirru; ammo maro Waaqi nu ergeefi, nu aka nama d'uga dubbanna fuula isaa durati, aka hojattu Kristo.

2 Korintho 4:2

Huji d'ossatiifi ta ch'eera la lakimne; nama insomnu, dubbi Waaqale ind'aareesinu. D'uga diidati dubbanne aka d'uga qamnu nama ch'ufa agarsiimna, Waaqa duraleeti.

2 Korintho 5:11

Nu aka Aabbo sodaachu malani imbeenna, tanaafi biyya garsiimna. Waaqi nu beekha, anileeni waan isanileeni guddo na beetani seha.

2 Korintho 5:16

Nu armaa achi aada nama gula nama tokole inqorru. Yo duri aada nama gula Kristo qorrele, armaa achi intolchinu.

Galatia 1:10

Wonti kunini waan anini jaalala namaa barbaadu fakaatti? Hiyyo! Anini jaalala Waaqa ch'alla barbaada! Anini nama heddu ka na owisu fed'a? Yo sila waan suni fed'e, anini hojattu Kristo intahu.

Galatia 2:7

Ammo worri, aka Waaqi huji Odu Dansa gosa d'ibiti odeesani nati kenne arge, akuma inni ta Yahuditi odeesani Petroti kenne.

Efessoon 3:8

Anini gumi Waaqa ch'ufa maand'a qit'issu, ammo Waaqi huji gosa d'ibiti Odu Dansa odeesani nati kenne, aka durooma Kristo ka ind'umanne barsiisu,

Efessoon 6:6

Hojja worri isani ilaalu ch'alla inhojatiinaafi, ammo garaa keesani ch'ufaani waan Waaqi fed'u tolcha, aka tissele Kristo.

Kolosai 3:22

Tissele, aka abbooti teesani gammachiiftani, hojja worri isani ilaalu ch'alla inch'aqasiina, ammo hojja ch'ufa ga ga garaa dansa ka Waaqa sodaatuni ch'aqasa.

1 Timotheo 6:20

Timotheo, waan harka keetiti lakisani jabeesi. Hasaa Waaqi imfeene, ka daalluma ka nami gari wollaale Beekhuma jed'uuni lakisi.

2 Timotheo 1:14

Waan dansa ka harka keetiti kennani jabeesi, jabeenna Lubbu Qulqullo, ta nu keesa teetuni.

2 Timotheo 2:2

Dubbi tiyya ta anini si durati nama barsiise heddu nama atini d'ugefattu, ka dandae nama d'ibile barsiisuti kenni.

Tiitoo 1:3

hojjaani geennaani dubbi ufi keesati nuti mullise. Waan kana harka kiyyati kennani, d'aamsa Waaqa, ka Qarqaarsa keenna, gula odeesa.

Ebrania 4:13

Waan tokole dandaani Waaqa ind'ossani. Wonti lafa keesa jira ch'ufti ila isaa dura jirti; isa durati waan keenna ch'ufa himachu malle.

1 Petro 4:11

Nami wo barsiisu ha dubbuma Waaqaa barsiisuti; nami hojatu ha jabeenna Waaqi kennufiini hojatuuti; aka waan ch'ufa keesati Waaqa faarsani, Yeso Kristo, ka guddinnaafi jabeenna haga hegeri qabu keesa. Amini.

Mudhii Yohaannisii 2:23

Anini ijoolle isile d'ae fit'a, duuba gumiini ch'ufti aka anini heregafi garaa nama ch'ufa ilaalu baratti. Ammalle anini isanii ch'ufa, huji teesani gula, woi isani kenna.