Uli Anjam 9:15 - Yesus Aqa Anjam Bole

¹⁵ Onaqa laŋ aŋgro namba 6 a anjam di qusiqa gilsiq laŋ aŋgro qolqe naŋgi di palontnjrej. Naŋgi aisib tamo uŋgasari kalil mandam taqal qujaiq di so qaji naŋgi ñumib moreŋqajqa deqa osiq naŋgi palontnjrej. Tamo uŋgasari mandam taqal aiyelq di so qaji naŋgi ñumqasai. Naŋgi bole sqab. Bati Qotei na nami giltej qaji di brantimqa laŋ aŋgro qolqe naŋgi di tigelosib tamo uŋgasari naŋgi ñumib moreŋqab. Deqa naŋgi tariŋosib soqneb. Tariŋosib sonab bati deqa tiŋtiŋ laŋ aŋgro namba 6 a gilsiqa naŋgi palontnjrej.

Uli Anjam 9:15 ပူးပေါင်းရင်းမြစ်များ

Uli Anjam 20:7

Wausau 1,000 di koboamqa sub guma koba aqa me olo waqtibqa Satan a subq dena oqedqas.

Uli Anjam 8:10

Onaqa laŋ aŋgro namba 3 na aqa gul anjamonaqa bongar kobaquja tor bul yusiq puloŋosiq laŋ qure uratosiq ya ti ya jumbum ti mandam taqal qujaiq di so qaji deq aiej. Mandam taqal aiyelq di sai.

Uli Anjam 8:7

Onaqa laŋ aŋgro namba 1 a namo aqa gul anjamej. Gul anjamonaqa ais awa bul ŋamyuo ti leŋ ti turtosib mandamq aieb. Aisib ŋamtaŋ ti ñiŋ ti mandam taqal qujaiq di so qaji di kalil yuekriteb. Mandam taqal aiyel uratonab soqnej.

Uli Anjam 8:8

Ariya laŋ aŋgro namba 2 na aqa gul anjamonaqa iŋgi bei mana kobaquja bul yusiq puloŋeqnaqa osib waiyonab yuwalq aiej. Ainaqa yuwal taqal qujai leŋ bulyej. Yuwal taqal aiyel leŋ bulyosai.

Uli Anjam 8:9

Degonaqa wagme kalil yuwal taqal qujaiq di ŋambile so qaji naŋgi moreŋeb. Qobuŋ kalil dego yuwal taqal qujaiq di so qaji naŋgi padalekriteb.

Uli Anjam 9:10

Sis naŋgo weru belqalaqala naŋgo weru bul, qaja ti. Naŋgo weru dena tamo naŋgi uñinjroqnsib jaqatiŋ koba enjreqnub. Sis naŋgo siŋgila weruqsi unu. Weru dena tamo uŋgasari naŋgi jaqatiŋ tulaŋ koba enjroqnibqa bai 5-pela naŋgi jaqatiŋ oqnsib sqab.

Uli Anjam 9:18

Gulube qalub dena tamo uŋgasari kalil mandam taqal qujaiq di so qaji naŋgi ñumeleŋeb. Mandam taqal aiyel urateb. Ŋamyuo ti qurem ti meniŋ yuo ti hos naŋgo medabuq na branteleŋeb qaji dena tamo uŋgasari naŋgi ñumeleŋeb.

Uli Anjam 9:5

Ugeugeinjrsib jaqatiŋ koba enjroqnibqa bai 5-pela naŋgi jaqatiŋ oqnsib sqab. Ariya niŋgi na naŋgi moiotnjraib. Jaqatiŋ segi enjroqniye.” Onaqa sis naŋgi na tamo uŋgasari naŋgi di jaqatiŋ tulaŋ uge enjroqneb. Belqalaqala na tamo uŋgasari naŋgi uñinjreqnabqa jaqatiŋ eqnub dego kere.